31 авг. 2013 г.

Жуммем

Макдональдсэ ветлӥмы туннэ. Вредной сиён сиеммы потӥз :) Адямиез мар ке мында. Очередьын сылыку, мар ужан паймыса, учкиськод кызьы адямиос сиё со сэндвичъёсыз и аппетит быре кадь... Со просто ужасно, чебертэм адӟиське. Еще со сэндвич куашка, ымдуръёссы саптасько.. Адямиос парсьёслэсь чик но отличаться уг карисько ку сисько. Вот кытын самой ямсыз сисько, так со именно макдональдсын. Лучше сьӧре басьтод но огнад кытын ке сиськод :).

Собере пырано кариським торговой центре мар но со басьтыны. Ма суббота бере, адямиез но трос. Мискинь воргоронъёс ветло кышноосы сьӧры, жадем синъёсын, мугорын. Вот кинен магазинъёстӥ ветлоно ӧвӧл, так со картъёсын, туганъёсын. Торговой центртӥ ветлон тэшкатэ семья кусыпез. Лучше ветлод эшъёсын. Кыӵе ке пичи мусо ныллы быръё вал пыдкутчан. Вузкарись мертаны сётъя солы. Пичи ныл жуммемын ини, пӧсямын.
-Может эту померяешь?
-Ой неет.. Хотя... Нууу.. давайте померяю..(вокщё бадӟымъёс кадь вераське. Мусо адӟиське)

Мон паймисько адямиослы, кудъёсыз ял карыны, поръяны пото торговой центре. Быдэс семьяен но куддыръя. Монъя со дикость. Хотя али дырлы адямиослы со нормально кадь ини. Ма, конечно, торговой центрын ваньмыз вань ук. Лучше уж кытчы ке мукет интые мынод, кытын кыӵе ке развитие басьтод, зэмзэ но ял карод. Мон уг оскиськы, что торговой центрын можно ял карыны. Мон отысь потӥсько ке, йыр котьку висьыса потэ. Жаде. Жумме.

30 авг. 2013 г.

Огшоры.

Пань-пань ӵукна султӥ. Шуныт шобрет улын, урамын противной весчи зор усе, ваньмыз пурысь. Ураме потэм ик уг пот.. Мон озьы гинэ малпай но Суредаськись звонить кариз. Лыкты, пе, ми доры суредаськыны Авангардное. Мынӥ. Мар каром на. Нош собере..

Мон вообще уг малпаськы вал, что вуо мастер классэ Дом дружбы народове. Тем более фотое пуктылӥсь луыса. Странно. Но мыным кельше ку ваньмыз на ходу воштӥське. Ку шаплы обстановка воштӥське.

Диалог троллейбусысен.
Мон: Телефон басьтоно ни. Бадӟымзэ, чтобы интернетын пукыны но нормально мед луоз котькытын. Ну или планшет.
Бик.: Ма мынам но потэ, дыр, но. Бон басьты, уксёед вань ук.
Мон: Ӧвӧл...Вот тани ку уксёмы трос луиз ке...
Бик.: ...нылпиосмы вордӥськизы ке...
Мон: ...Бикузин. Тон дурак :). Короче, соку басьтом, ява?
Серем. Пыдъёс туннэ жадизы ни мар ке.




  

Шумпотон со яратон

Ныл - со сяська. Если сяськаез утё ке, ухаживать каро ке, со пушъе, синэз шумпоттэ. Шуям бераз гинэ уг улӟы ни, хоть кӧня ву кисьта.

Зэм но. Эше туганэныз люкиськиллям. Туганэз мыным звонить каре, бӧрдон калэ вуэмын. "Мар каром табере? Яратӥсько уг", -шуэ. А вот мон солы валэктӥсько, что яратонэз быриз шуыса, а со нокызьы валаны ик уг туртты. Сьӧраз бызьылэ, кузьымъёс кузьмаса. Ма мар шуод на? После боя кулаками не машут. Тодӥсько вал, эшелэн верамезъя, что со "скупой" вал на счет кузьымъёслы, прогулкаослы. Внимание уг тырмы вал эшелы. Внимание уделить кариз мукетыз, йырзэ "берыктӥз". Туж жаль потэ мыным туганэз. Со ведь, действительно, туж яратэ.

Эн жаделэ ог-огдэс шумпоттыны. Возьматэлэ каждой нунал, что ог-огдэс яратӥськоды. Ортчытэ ог-огдэс. Эн ыштэллэ яратондэс.

P.S. Шумпотӥсько. Лӧптэмын мон.

28 авг. 2013 г.

Божок

Наконец-то! Ижын.

Сюрприз возьма вал монэ комнатаям. Кинэ ке ми доры заселили. Кин мед-а ни?..Ми то малпаськом вал 3 кузя ик уломы шуса. Эх.. Инты уг тырмы милемлы)

Ветлӥ Бикузинэн Ксюша доры. Суредаськемзэс адӟыны. Ӧжытак юрттэмъяськи. Адӟем потэ ини копак суредзэ. Соослэн отын асьсэлэн аудиториязы:) Огез туж визьмо пиосмурт вал кыӵе ке. Юэм:)

Ветлӥмы собере дачае. Отын умой. Уд но малпа, что сыӵе инты вань карлэн шораз. Отын кыӵе ке мукет измерение кадь. Тунсыко инты. кылылэм трос вал та инты сярысь, но пушказ пыраме ӧй на вал. Кельше творческой адямиослэн атмосфераязы кылльыны. Вуимы ми отчы, ку крезен шудо вал. Собере удмурт эктонъёслы дышетӥзы. Туж ӟеч. Фотое ӧжыт пуктэмъяськылӥ. Ма мон уж, конечно, не Бог фотокарточек...Но всё ж таки пуктылӥ. Бог фотокарточек кытӥ ке но калгиз:)






27 авг. 2013 г.

а вот так

Городэ мынэм потэ ини. Али отын интересной мероприятие ортче.. Потэ адӟеме. А монэ дорысь лэземзы уг поты. Кылльы на, пе. Чик, пе,  дорын пукемед уг поты. Мама мӧзмисько шуэ. Мӧзмыт татын. Эшъёс ӧвӧл вӧзын. Уж но йӧназ али ӧвӧл.. Лыдӟиськыса но куддыр акыльтэ ини кадь.. Пукиськод интернетын бугыръясьыса, гожъяськыса кулэтэмез сярысь..

Син азе усиз тани та запись:  http://vk.com/yumshan57?w=wall-1966810_9756 . Туж кельшиз Даралилэн комментариез. Вот, зэм но.. Неужто уг лу "Удмурт кылбурчи" группаысь бырйыны текст? Вань ведь отын тунсыко кылбуръёс.. Хоть вакчизэ ке но. Зато кызьпол одно и то же повторять уд кары.  Ачид ке малпаны уд быгатӥськы, мукетъёсыз юрттозы. Может, наконец-то, со слащавой но примитивной "мӧзмисько", "яратӥсько", "чебер апай" и т.д. и т.п. фу-фу.. кылъёс воштӥськозы кыӵе ке замысловатой метафораослы, оборотъёслы,  кудъёсыз вылын ӧжыт ке но йырдэ тӥялод? Кыӵе вал азьло кырӟанъёс.. Вал но скал.

P.S. Мон незнай малы шӧдӥсько, что таиз ар луоз особенной. Куарусёнысен ик.. Уверена просто.

26 авг. 2013 г.

Чидан

Мон паймисько мамалы. Солэн чидамезлы. Толон ветлӥ юрттӥськыны фермае, кунян сюдыны, огназ толон ужаз. Каждой нунал, одно и то же,сыӵе секыт уж. Ладно али эшшо кунянэз туж ик трос ӧвӧл.

Пичи дыръякум, 6-8 арес вал кадь, яратӥсько вал сьӧраз ветлыны, пичи кунянъёсты соскаен бутылкаен сюдыны.  Тодӥсько на, 3-4 аресын куриськисько вал мама сьӧры. Со шуэ вал: "Уг яра отчы ветлыны, сите выёд".  :) И мон бадӟымгес эшъёсыным (мынам хоть соку, хоть али аслэсьтым эшъёсы бадӟымесьгес  2 - 5 арлы), пегӟыса мамалэсь, адӟыны мынӥ вал фермаез. Ма мыным тунсыко вылэм ни, дыр, что за курдыт инты со шуса. А собере бертыса мамалы сказка верай кызьы пичи ныл ветлэм фермае. Но ӧй вера ачим ветлӥ шуыса, курдай.

Паймонэз ик ӧвӧл, что мамалэн киосыз сыӵе накаченной. Сыӵе секыт мешокъёс ӝутъяд ке, ведраен йӧл нуллӥд ке.. Ужан интыез ке эшшо умой условиын луысал ке.. Ӟечез ке луысал солэсь. Дорын ведь эшшо вань на пудо. Ӵукна, нуназе, ӝыт соосты сюдоно..

Соин уг пот, дыр, мамалэн, чтобы мон гуртэ мед бызём. Городэ лучше кыль шуэ со. Секыт гуртын улонэз.

А шуо, что ныл адӟе анаезлэсь улонзэ.  Мынам ӵужай (да, да кудӥз милям чудомы:)) но кунян сюдэ вал (умойгес сюдэм лэся :) Ашальчи Оки премиен пусъиллям бере). Мама но сюдэ, хотя образованиез медицинской. Али кыӵе ке врач но луысал, дыр, ни. Гуртэ бызиз. Вот и всё. Табере почти 20 ар сюдэ ини кунян. Номыр карыса йӧназ уг вуы. Азьло, пиналгес дыръякуз вуттӥське ик вал чильпаськыны но, керттӥськыны но, пужъятӥськыны но.. Ма солэн ваньмыз пӧрме. Соин ик со мама. Мама ведь ваньзэ быгатэ :)

25 авг. 2013 г.

Сизьымзэ яратӥсько но огез понна бӧрдӥсько (с)

Туннэ нырысьсэ шӧдӥ сӥзьыл вуэмез. Эше доры мынӥ куное. Садаз улмо сиыса сылӥськом. И вдруг..Улмо шӧмен шӧдӥ сӥзьылэз. Малы ке пушкын бугыртӥськиз ваньмыз.  Сӥзьылэн мынам улонысь тросэз учыръёсы герӟаськемын. Хоть аламаез, хоть умоез.. Со ваньмыз бугыртӥське. Сюлэм висьыны кутске. Кытчы ке куриське, а тон уд валаськы.

Сӥзьыл мыным туж кельше. Особенно гуртын. Самой чебер гуртлэн дырыз. Нюлэсэз туж яратӥсько сӥзьыл. Тодэ лыктэ кызьы быдэс семьяен ветлӥмы ӵуж бадяр куар бичаны, чтобы сое корка чиге тырыны. Пичи вал на мон соку. Как раз выль корка выжимы вал. Шунды пуксён вакыт, бабье лето, писпуос вистӥ шунды нюлэскы пыре, шулдыр, спокойствие, вӧзыт семья..

Губиян вакыт. Туж яратӥсько губияны. Ма вообще бичаськыны яратӥсько. Единение с природой и с собой нимаське со. Сояз аре, берпуметӥ нуналаз гужемлэн, самой матысь адямиен губияны ветлӥмы.. Матысь.. Вал.. Со сыӵе странно. Сыӵе шаплы адямиос кылё ог-огзылы просто знакомойёс, ку соос вал самой матысь но яратоно. Малпасько вал яратон ӧвӧл шуыса, уг оскиськы вал вань шуыса. На самом деле вылэм. Жаль валай мон сое адямиез ыштэме бере гинэ..Табере солэн вообще мукет сюресэз, кудаз мон кожыны вообще уг быгатӥськы ини, не имею права.


24 авг. 2013 г.

Ужано

Бӧрдыса кулэ ӧвӧл кылльыны, ку мылкыд ӧвӧл. Астэ жаляса улыны уг яра. Со туж алама. Ужано. Физически. Самой умой способ мылкыдэз ӝутыны. Ну, или хотя бы, мукетыз сярысь малпаськыны. Ужаку самой умой дыр, ку можно "ас пушкад бугыръяськыны". Сыӵе дыръя уж но трос быдэсме. Ма не зря шуо ук, что уж обезянлэсь адями пӧрмытӥз. Город, кстати, туж асьтэм каре гурт адямиез. Гужем или тулыс, ку трос уж гуртын, туж секыт привыкнуть нагрузкалы город бере.

Кошки мон ужаны. Состояниме учкыса,по ходу дела ужаны кулэ мар ке мында.

23 авг. 2013 г.

о-о

Наконец-то дорам. Яратоно доре. Алнашысен ӵужапай вераны кутскиз пичи выны (4 арес солы,самой вешано дырыз) сярысь,кызьы солы колоша басьтӥллям, и мон вдруг валай,что та дырозь со сярысь чик ӧй малпаськы. Сюлэм ик висьыны кутскиз. Мырдэм но кызьы чидай автобус вуэмез. Бертӥ но, а со садикын на. Возьмасько ини табере. Ну и натворил со татын,конечно, ужъёс. Изён интые копак горд лакеным буямын,мама шуиз, что пыдгижыосыз но,пе,буямын...

Вообще,"бывалоесь" эшъёсы (то бишь Бикузин но Тихонова,кудъёсыз ветлӥзы ини Казане 2-3 пол) шуизы,пока мон "ох" и "ах" карыса городтӥ ветлӥсько: "Казань - смесь Питера,Москвы и исламской культуры". Ну так- то да. Тон просто иногда забываешься городтӥ мыныку Питерын тон или Казаньын. Кыӵе ке роскошной архитектурной здание вӧзын ӵем адӟылоно пиштӥсь,яркыт бигеръёслэсь деревянной корказэс. Котькытын бигер узоръёс,орнаментъёс. Ой..А ӝыт.. Сомында мужчинаос:) курутой мотикъёсын..)Эх..:) Казань,Казань..Кӧня эмоциос:)

Так-то дышетскон дыр но вуэ ини..Туж потэ ини дышетскем. Озьы ке кинлы ке шуисько, синъёссэз та быдӟа каро О_О.  Тон,пе,мааааар? "Ма,-шуисько,-мон яратӥсько дышетскыны. Филолог луыны бесценно(уг тодӥськы ини кытӥсь кылӥ вал)".  Ну мон честно. Мон туж шумпотӥсько,что филологлы поступить кари (луысал ини али кыӵе ке но географ). Мар ке против вазё ке,шуисько что филологъёс ваньзэ быгато:). Соере пошутили вал: "Конееечноо,ваньзэ-ваньзэ. И выж но миськыны,и вуз карыны.." Мда..Со ласянь кӧшкемыт уго.Кытын ужало ини мон? Хотя..Кык ар на дышетскон. Пока дышетскисько удовольствие басьтоно,кулэтэмез сярысь малпаськоно ӧвӧл:) Куддыръя кошкисько кыкетӥ этажтӥ аслам корпустӥ но удмурт вераськемез кылӥсько:"Ой акыльтӥ ини дышетскыса, уг пот дышетскеме.." (кин ке косэ вал-а поступать карыны,если ке дышетскемед уг поты). Если немар сярысь вераськыны,то лучше вообще шып пукод,дыр. Ну да,мон шып карисько,дыр. Зулисько кулэтэмез сярысь.


22 авг. 2013 г.

Релаксация, блин.

Опять. Кытын ке Можга пыдсын гожъясько, весь доре ой на вуы, блин.

Казаньысь бертисьёс,кыллиськом Можгаын. Ноку не думала,что та городэз одиг пумысьтыз мукет пумозяз ортчо пыдын шуса. Пыдъёс висё,мозольёс. 17 числоысен та дырозь олокыти калтыртыса ветлисько ини. Релаксация, блин.

Дальнейший маршрут Сырьез. Таня доры куное. Возьмаськом атайзэ,со милемыз должен нуыны. А мон курисько вал Челны пыр бертыны. Эшъёс курдазы. Путешественникъёс,блин.

Али кемалась дорын луысалмы ини, дыр. Уйин Можгати ветлэм ой вал на. Необычно. Трос пиналъёс ветло великъёсын, хотя бер жыт ини (Казаньын ми одиг велосипедистэз гинэ адзим:), отын курутой чикаос, крутой машинаосын КГУ палан сыло ). Думали кыче ке кафеын пуком,о:м шедьтэлэ. Ми толон Казаньын 1 часэ уйин роллы сиыса пуким (аха,а кин ке но пельнянь). Отын со ласянь умой. Трос инты, кытын ж:ыт можно пукыны. Ижын 1-3 часэ уйин озьы пукыны интыос овол. Алама туж, блин.

21 авг. 2013 г.

Казаньын.

Честно говоря, мон уг малпаськы вал, что та город монэ впечатлить кароз. Каждой приключение кутске мынам туж странно. Толон, Эшеным "Перепечкинын" пукем бере,
мынӥмы вечкае (отын wi-fi халявной). Незнай кытӥсь вуиз Корнилов великеныз (кызьы мон замечать карылӥ, со весь ниоткуда потэ). Милемлы ӵукна султоно 4.30, а ми мынӥмы ночной сеансэ "Гадкий я-2" учкыны. Странноесь адямиос). Конечно ӵукна мырдэм йырез ӝутӥ миндер вылӥсь...

Казань.. Мон синмаськи та городлы. Вокщё ачим не ожидала. Вот. Мынӥськод урамтӥ и куддыръя уд валаськы кытын тон, Питерын или Казаньын. Малы ке, уг тодӥськы малы, удмуртъёс понна обидно луиз. Шузи мон. Может аслам синеным адӟыса, что везде бигер кылын гожъямын ӟучез вӧзы. Та дырозь внимания но не обращала кадь. 


Ми, конечно, возьмаськом вал, что Пронин милемыз нянен сылалэн вокзалын пумиталоз..Но..)) Ярам,шутка. 


Пыдын ветлыса ӝуммим ини. Но довольнойесь. 


Пукиськом али набережнойын. Синмаськыса учкиськом ву шоры. Отын сопал ярдурысь
город отражается. Синмаськи. Зэм но. 


Ветлэ Казане.

20 авг. 2013 г.

Лыдӟиське!

Вуи Чайковскиысь Иже. Автобусын бертӥ лыдӟыса яратоно Достоевскийме). "Бесы". Туж тунсыко произведение. Туж впечатлительной адямиослы противопоказано,дыр,тае лыдӟыны. Как раз самоубийцаос но Инмар сярысь размышленизэ лыдӟыса бертӥ. Тунсыко. Лыдӟе. Лыдӟиськон адямиез визьмо каре, лыдӟиськись адямиен тунсыко вераськыны. Ну так-то мар веранэз. Мынам со малпанэ. Филолог,пе. Кӧня адями - сомында ик малпан. Верало ке,что книга лыдӟыса адями воштӥське, мон уг оскиськы, если честно. Вот зэм но. Пока ачим,аслам синеным ӧй ке адӟы, монэн ке со не произойдёт мон уг оскы. Алама-а со ӧвӧл-а?уг тодӥськы. Тани Эше шуэ, что каждой книга лыдӟемез бере,со воштӥське. Паймисько мон солы.
Пукиськом Эшеным "Перепечкин" кафеын. Татчы лыктон азьын пукимы гуждор вылын кеч паркын. Шулдыр,шунды пиштэ,пуксе ини. Пинал анайёс потэмын пичиосынызы прогулкае.Ми изучать кариськом Казаньлэсь картазэ). Ӵуказе отчы). Ӟеч атмосфера.Кемалась ӧй вал ини "Перепечкинын". Ческыт сюдо татын). "Живой музыка" кылзӥськом) Кыӵе ке кык юэм нылкышноос кырӟало оренбургский платок сярысь). Огез удмурт кадь, тӥни удмурт кырӟан кырӟаз. Эше мешать карыса пуке. "Малы,-шуэ,- адямиос кафеостӥ ветло.Малы даже удмуртъёс но доразы уг лэсьтыло ни сюанъёссэс". Мон шуисько, что адямиос азьтэм кылё, соослы проще, малы ке шуоно кафеын ваньмыз дась,соос бервылзэз уг утялто и т.д. и т.п.
Со мар ке мукет вераз,но дальше сурзэ юыны кутскиз. Мед юоз,медаз мешать кар гожъяськыны. Пичи выны кадь ато. Шуисько ук, кӧня адями - сомында ик малпан.
Казань возьма)

19 авг. 2013 г.

Воооот...

Чайковский карын ай.Алигес берти:мы походысь. Кемалась о:й ветлы ини походэ ночевкаен..Со туж прекрасно быдэс уйзэ гитараен кырз:аса пукыны костер азьын. Правда незнакомой компаниын, но татын тоже аслаз плюсъёсыз:) Выль адямиосын тоже тунсыко тодмати:ськыны. Ку лул куре вошти:ськонъёс, кулэ кинен ке тодмати:ськыны. Со тыныд вокщё мукет атмосфера кылдытоз.
Туж ярати:сько дружной компаниосты, кудаз тросэз быгато гитараен шудыны, тодо по:ртэм кырз:анъёсты. Соосын точно мо:змыт уз лу котькыч:е походын. А еще если соос заядлой "походчикъёс":). Соослэн уж точно вань спальной мешокъёссы, палаткаоссы но мукет причиндалъёссы:)  Вот ми нылъёс, отчы зэм но ял карыны ветли:м, вань ужез быдэсти:зы пиос, даже плов но по:разы асьсэс ик.
Город сьо:рын котыр чебер интыос. Во:зти: Кам бызе. Паськыт о:во:л. (ачиз город во:зын паськыт). Мыным туж непривычно адз:ыны сыч:е Камез. Ми палан собыдз:а водохранилище бере. А татын вокщё сюбег,туж трос писпуос, ярдуръёсыз лачегесь, ми палан ж:ужытэсь. Ч:укна син ик кыле вал кадь шур шоры учкыса. Шунды султыку, котыр чайкаос лобало. Шулдыр.
:)Эшшо шулдыргес но необычно бертыны машинаен сюрести:, куди:з кошке писпуос по:лти:(астэ кожаськод нюлэскын), мукет палаз Камдур и марке быдз:а кылзыны Rammstein:). Умиротворение. Мылкыд. Кулэ ценить каждой моментэз шуо сыч:е дыръя.
Скоро Казане:) Путешествие как релаксация дышетскыны кутскон азьын:)

17 авг. 2013 г.

Да ну, нахр**

До пункта назначения вуи. Мырдэм но кызьы. Быдэс нунал почти сюрес вылын 6 часысен. Но сыч:е малы ке приятно туж. Ку мынод на таксиен Алнашысь Иже Бикузинэн, кылзыса вперемешку The Doors (туж курутой группа, жаль,что сое тросэз уг вала) но удмурт калык кырз:анъёсты(нет,не всякий отын Котельниковъёсты да Анисимовъёсты:),а нормальнойзэ,кудзэ кырз:а Чипчирган). Таксист туж з:еч вал,вераськись. Пока Бикузинэз Азаматысьтыз возьмамы, со туж мило з:абыльти:з монэн. Неужто эшъёс, шуыса паймиз. Нынче ведь,пе,нылъёс но пиос вискын дружба о:во:л ни кадь. паймыти: кадь мон сое. Да вань,конечно.

Чайковский туж шулдыр ик о:з пумита. Секытэсь пилемъёс, салкымгес. Кык нунал зоре ни,пе. Урод. Зато куноын туж з:еч но шуныт пумитазы. А та первой нуналыз гинэ ай эшелэн ворди:ськем нуналызлэн) Так что нокыч:е Удмурт Кенеш сярысь али йырме висьытэм уг поты:)Берло. Ваньмыз берло:)

Сюрес

Сыч:е ярати:сько мон "сюрес" кылэз. Со прямо мыным кыч:е ке кужым сётэ. Весь выльзэ мар ке мон солэсь возьмасько. Даже доре бертон сюреслэсь но. Мон ярати:сько бертаны "куинь сюресэн". Нырысез Удмуртия пыр, кыкети:ез Бигер пыр, куинети:з суро-пожо поездэн Бигер но Удмуртия пыр:) Тужгес но кельше Бигер пыр. Малы? Мон ярати:сько учкыны соослэсь коркаоссэс. Сюрес гуртъёссы шорти: ик кошке (удмуртъёслэн ми пала мыныку озьы о:во:л). Кыч:е чебер мыным соос пото. Корказылэн куажган дырыз ке но вуэмын, но чебер буямын, кыч:е но наличникъёс о:во:л, кызьы но капказэс уг чеберъяло! Ажурноесь коркаоссы, яркиесь. Бигеръёс,мар шуод на. Соос ярато кильтырес ди:сяськыны но. Бигер нылкышнолэн ди:сяз одно мар ке чилясез вань. Коч:о куакаос кадь:) Автобусын но учкиськод ке. Бигер нылкышноез тодмалод сразу, хотя бы по тому, что со вылын килограмм зарни ошылэмын:)..

Золгес ярати:сько кузь сюресэз. ку кытчы ке кема мыноно, тодмотэм сюрести:. Тодмо сюрести: но тунсыко каждый раз замечать мар ке выльзэ яке учкыны, кызьы вошти:ське инкуазь котькуд толэзе. Тужгес но малы ке кельше бертаны доре вазь тулыс...

Котьку мыным сюрес вылэ потыны волнительно шуод-а мар-а..Тани туннэ но 6:30 потоно автобусэ Иже собере Чайковские (туж чебер город), нош собере ко:ня ке нунал улыса Казане (ветлэме та дырозь татчы о:во:л на. Мар ке выльзэ мон солэсь возьмасько. Туж.).

Азьлань:)



16 авг. 2013 г.

Эшъёс

Эшъёс ог-огзылы полезноесь кулэ луыны.

Кулэ ог-огзылэсь малы ке дышетскыны,соос кулэ ог-огзэс бурдъяны выль ужъёслы. (мон та сярысь малпаськи малы ке шуоно, мынам туж потэ ини городысь эшъёсме адӟеме.Туж мӧзми ини соослэсь). Туж уг яратӥськы одӥг интыязы пукись адямиосты, мон соосын уг чидаськы кема вераськыны. Соосын куддыръя номыр сярысь вераськыны. Кытчы ке ӧтиськод ке и тыныд веранзэс кутско тазьы :"Бон незнаааааааай..." мыным сыч:е адямиос вылэ интерес быре. Мон яратӥсько шаплы ӝутӥськись адямиосты.

Допустим, Таня. Кудӥз Тихонова. Сое тросэз тодэ, дыр:). Зарни адями). Соин улӥ ини ч:ош 2 ар. Паймымон адями ини со. Одӥг уй куспын пӧзьы но мукетсэ но керттоз, пужъятоз, вуроз. Со шоры учкыса мынам аслам но киужен вырыны мылкыд ӝутӥське. А еще солэн ваньмыз ласянь аслаз мнениез вань. Туж яратӥсько сыч:е адямиосты. Да сое даже можно яратыны со понна, что со ваньзы кадь уг дӥсяськы (ярато ведь ваньзы одӥг базарысь дӥсь октыны). Таня кема уз малпаськы, вуроз но нуллоз. Вот так вот.

Вань на эшшо огез. Эше.(мон даже син азям пуктӥ ини ымнырзэ кызьы со тани та гожъямез лыдӟоз:)). Вот та адями и через огонь, и через воду, и через медные трубы ортчоз матысь эшез вӧзаз ке. Сое хоть кытчы ӧть,одно соглаш луоз, дырыз ке но ӧз лу. Со котьку поддержать кароз мар ке уж быдэстӥськод ке. Сое тросэз туж странной адями шуо. На самом деле туж нормальной, вераськись. Просто суредаськись:)) ну еще туспуктӥсь..ну еще всякий крезьгур инструментъёсын шудӥсь..Короче, туж тунсыкъяськись адями. Бикузин со. Женя. Братэн сузэръёс кадь:) Атай ниммы но одӥг:) Кызьы шуиз вал одӥг адями:"Бикузин- со самой ӟеч сюлмо адями, кудзэ мон тодӥсько". Озьы ик вань,дыр:)


15 авг. 2013 г.

Ёросмылэн сюлэмыз

Ӵемгес берло дыре вуылӥ Алнаше, ёросмылэн "сюлэмаз". Ма ремонт,мар но со кулэ весь.. Так-то Алнашын туж трос сыӵе магазинъёс стройматериалъёсын. Мон аслым кыӵе вывод-то лэсьтӥ. Самой трос стройматериалъёсын,пичи нылпиослы дӥсен магазинъёс шуыса. Мукетсэ отысь йӧназ уд шедьты. То бишь алнашъёс пушъё: корка пуктыло но нылпи вордо (соос али, кстати, мар ке мында отын). Туж мусо учкыны кызьы анайёс ветло пичильтыкъёсынызы. Совсем мукет вал мынам представление Алнаш сярысь, ку мон часта вуылӥ татчы оштолэзе паспортме басьтыны (быдэс ар ӧй ветлы ни вал,дыр,если не тросгес). Городын улыса дышемын машина куаралы,ӝужыт коркаослы,трос адямилы... Алнаше вуи но..Шыпыт. Машинаос трос ӧвӧл, Алнаш, гурт кадь,  лачег,трос ӧвӧл ӝужыт коркаос. Главное- то мар? Адямиос..Мусо адямиос (кудъёсыз собере,мыным мягко сказать нерваосы пырыны кутскизы) удмурт сямен таш-таш вераськыса мыно урам кузя. Котькыӵе магазинэ пыр, удмурт сямен вазь но тыныд вазёзы удмуртэн ик или ӟуч сямен,но валаса. Да,хоть больницае мыныса быдэс нунал удмурт сямен вераськыса пот. Так вот. Малы мыным адямиос нервае пырыны кутскизы. Маин началось. Пыри мон телефонам уксё куштыны по старинке(банкоматтэк).,азям сыло кышномурт но солэн картэз (гуртысь вал кадь,видимо). Картэз кышно вылэ мар ке нургетыса сылэ,недовольной. И значит мар кылӥсько мон. Пинал ныл,кудӥз пуке компьютер сьӧрын:"Тӥледлы хватит ни-а бызгетыса улыны,пеле пырыны кутскиз ини!" Ой,шуи мон ас поннам,синъёсы кымесам тубыло ни вал кадь. Что за дикость? Мон со пиосмурт интые мар ке вазьысал ини. Нушы. А со пинал ныл?Что за .. вообще? Ох... Ма паймонэз ӧвӧл. Кудъёсаз магазинэ ӟечъяськыса пыриськод ке, тон шоры визьтэм шоры кадь учко. Чик но вежливость ӧвӧл.
Недавно песяйме нулдӥ медосмотре Алнаше ик,больницае. Ортчеммы бере мынӥмы центре. "Ойдо,-шуисько,-пуком летний кафеын,отын салкым но сиемед но потэ ини,дыр". Пуктыса песяйме кельтӥ но ачим быръиськыны мынӥ. И мар? Ярам песяйме сьӧрам ӧй басьты. Мон долкай. Прилавок тыр сур и больше номыр. Ярам,вузы вань но мороженнойзы. Пукимы песяен "летний кафеын" мороженной сиыса. Мар шуод на? Серекъялод-а или бӧрдод-а. Нормальной ял карон интыез но ведь ӧвӧл.

14 авг. 2013 г.

Пинал на. Шузи на

Вазь ӵукна ик сайкатыса нуны утьыны косӥзы. Нуныос, конечно, туж мусоесь созданиос. Только соос мусоесь со стороны гинэ, на час на два:) Кемагес ки вылын нуллӥськод ке, вылад ке кизяло, бӧрдыны кутско незнай мар курыса, а тон номыре уд валаськы. Мон еще раз туннэ убедилась в том, что нылпи воспитывать мыным вазь на. Пичи вынылы 4 арес, мон солэсь чылкак жадьыса бырисько быдэс нунал дорын кылле ке. Мон туж паймисько пинал анайёслы, соослэн чиданзылы..
Малы ке, ваньзы возьмало ку мон бызё ини шуса. Шаплыеным-а мар-а дышетӥсьёс шуо вал: "Тон,Сергеева, самой первой бызёд,дыр. Оветь?" Толон ӵужмуртэ мон вылэ кылзэ шерыса кыллиз.
"Ку,пе,тон милям бызиськод ини ай?"
"Некинлы бызьыны,"- шуисько. 
"Бон туган ӧвӧл,шат?" 
"Бон синмаськисьёсыз вань кадь но..Аслым уг кельшы.."
"Давай, кемагес быръиськыса ул. Самой умойёссэ быръёзы, озьы быръиськыса кылёд".
Мон,конечно, валасько, что по старшинству братъёс но сузэръёс пӧлысь мон почти самой бадӟымез и ваньзы возьмало мынэсьтым быземме...Только соос,видать, уг валало мон дась ӧвӧл на шуса.Странноесь..
Пичи дыръям шудэм эшъёсылэн тросэзлэн вань ини асьсэлэн семьязы,воспитывать каро ини нылпиоссэс. Куддыръя гочаса но учкисько кадь, утыр кӧшкемыт но кадь. Пуко нылпиосынызы доразы,нокытчы потэмзы но уг луы. Собере асьсэос мон шоры гочаса учко ини:) Мыным ведь одно олокытӥ но ветлоно. Интыям пукеме уг луы, ваньзэ адӟеме потэ. Пока дышетскисько, пока эшъёс олокытысь но вань, возможностез использовать кароно,ветлоно куное. ӧтьыкузы ветлоно:) Нош семьяед луиз ке, озьы уд ветлы ини. Нылпи ведь акылляськыны туж яратэ.
 Пока пинал гуляй но гуляй(пока ӧз акыльты:)) http://vk.com/id30368250?w=wall30368250_6093%2Fall
 "Эн бызьы,нылы,эн,-шуэ мама,- всё равно картэд тынад сютэм кулоз." =D Мама гинэ монэ вала но яратэ)


13 авг. 2013 г.

Пичиос

Ветлӥм мамаеным лавкае(магазинэ уске:)). Таяз аре туж удалтэмын улмо (ну, яблок:)). Вань улмопуосын вистэм-воштэм пичиез,бадӟымез улмо. "Воот,-шуэ мама,- ми тани та китайкапуосысь(весчи улмо уске) пичи дыръямы ум но васькаське вал. Али ведь китайка сиисез но ӧвӧл ини".. Котьку вераны кутске ке, пичи дырзэ мон гочасько. Кыӵе азьло со верамъя шулдыр вылэм. Ма ми но пичи дыръямы урамысь ум пыраське вал но..Али пичиос йӧназ уг но адӟисько урамысь, куаразы ик уг кылӥськы. Ми азьло жи-куш поттыса вуж школа паламы кызьы но ум шудӥське вал..(Кстати, туж шулдыр инты вуж школамылэн..Ӝужытэсь писпуос,вож-вож гуждор,матэтӥз бызе пичи шурмы Малая Уса нимаське. Школаез вал на ми пичи дыръя,вуж кесяськем автобус сылэ вал,нош али кесямын ваньмыз. Складъёс да столовой бервыл гинэ на кылемын, нош спортивной площадка бервылын бакча ини...Малы отчы ик пуктӥллямтэ выль школамес?Сылэ табере асфальт дорын,шулдыртэм интыын. Писпуос но йӧназ уг пушъё...Кызьпуос сяна..Шал-шал йӧтэ..Хотя вуж школаын ӧй но дышетскы). Быдэс гурттӥ бызьылыса ветлӥськом вал казаки-разбойникиен, запискаос утчаса..Тодӥсько на кызьы ачим ӝужда пушнер пӧлтӥ пегӟыны пришлось.Быдэс уйзэ висьыса потӥ собере ( даже не представляю кызьы ӵужай пушнерлэсь(!) веникен мунчое пыре. Ку вераз со сярысь, синъёсы кымесам тубыло ни вал кадь."Шузи кылид-а",-шуисько."Бон кин виноват,медаз висьы вал мугоре. Юрттэ,пе,шуо сыӵе веник мугор висьыку".).Бер ӝытозь ведь шудӥськом вал..Губияны,борыяны ветлӥськом вал. Куке но чорыганы но моктӥським вал. Али уд но адӟы ни..Ку но соку гинэ. Ваньзы телевизор, компьютер
азязы пуко шат?
 Нош городын мар?..Мыным городысь пичиосты вообще жаль. Маре соос адӟо со пичи детской площадкаысьтызы? Совсем другое дело ку тынад распоряженияд быдэс гурт:) Мыным потэ,что нылпиосты кулэ гуртын будэтыны. Не то чтобы гуртын шулдыр,чебер но спокойногес, татын нылпи пичи дырысеныз ужлы дыше. Вот.

12 авг. 2013 г.

Мӧзмыт...

Ветлӥ песяйлэн дораз. Со сылэ самой шулдыр урамамы - Улмо садын. Так-то со урамлэн официальной нимыз Фестивальная, но гуртын шуо Улмо сад. Азьло отын колхозлэн улмо садэз вылэм. Али но урам шорын кытын но отын будо на улмопуос. Адӟиды ке тулыс со урамез, ку сяськаяське улмопу, тӥ синмаськоды. Мон отын улэмын 4 аресозям. Отын нокин уг улы ни, песяез дорамы ваимы, огназ медаз улы шуыса.
Весь кыске монэ со дор пала. Пичи дыръям котьку шумпотыса мон отчы мынӥсько вал. Али сюлэм вӧсь луэ со юрт шоры учкыса...Куажган дырыз вуэмын ини, лапасъёс, кенос, мунчо, гидъёс, атайёслэн мастерскойзы(отын кылемын на соослэн пинал дырзылэн "шӧмзы"),йӧгу(тодӥськоды-а мар со сыӵе?), тӥяськем лэйчыран(бабай куке но лэсьтӥз вал мыным сое пичи дыръям. Бабай..Со сярысь вообще отдельно вераны кулэ,дыр..Но берлогес)...Сюлэм чиге, синкылиос пото..Нош кудбыдӟа семья отын улэмын, кыӵе шулдыр вал отын, собыдӟа азбарез...Мама но шуэ:"Кыӵе шулдыр юртэ бызи вал.." Нош али буш. Бабай пе, шуэ вал выль коркамес вӧзаз пуктоно. Мамаос пуктӥллямтэ семья бадӟым шуыса, ваньзы пиос, эшшо юрт люкемзы потоз собере.. Кытын на со пиос? Витез пӧлысь одигназ атае гинэ на..Песяйме туж жалясько..
Кык садэз вань на. Кыказ но сомында писпу! Паймымон.
 Корка пушкыз нош.. Представить каре Виноградовлэсь картинаоссэ, кудаз вань удмурт советской корка пуш. Вот примерно сыӵе. Али солэсь номыриз но кылемын ӧвӧл ни..Разве что бадӟым сэндраен гур. Вот мар со корка пушкын уг воштӥськы так со гур. Коркалэн кузёез. Мӧзмисько мон со юртлэсь..Быдэс улонам со мӧзмон уз быры,дыр.

11 авг. 2013 г.

Бон...Озьы ни со..

Туж интересной фраза туннэ кылӥ одӥг адямилэсь:)(уг вера ни кин). "Ма мар али? Гуртлэн самобытностез быремын ини почти. Нынче туалетъёссы но корка пушказы ини". Сначала мон серекъяй гинэ, собере малпаськи мар веразы мыным. Зэмзэ но ведь со озьы. Гуртысь адями весь уиське городысь адями сьӧры. Турттэ аслэсьтыз корка пушсэ чебер городской квартира кадь карыны. Али пыртӥд ке кыӵе ке адямиез синзэ ворсаса гуртысь корка пушкы, со уз но вала гуртын-а со ӧвӧл-а. "Евроремонт"...Юрт котырзы но..Котькытын профнастил шуонзы.. Алигес кык соседъёсы капка выльзэ пуктӥзы. Огез профнастиллэсь, нош мукетыз, кызьы мама шуиз "вашкала капка", пуктӥз деревянной. Кудӥз чебергес меда? Конечно писпулэсез.
 (мукетэзлэсь фотозэ уг поны ини.Примерно представили ,дыр,лыз профнастиллэсь капкаез)
Атай вераз со ласянь: "Визьмо но хозяйственной адями капказэ но пулэсь лэсьтэ. Угось со вала, кортлэсь капка ненадежной. ӵабтӥське, скал ӵыжыса лэзиз ке, уд тупаны ини,шаплы тӥяське.." Котькытын заборзэс но али куто со кортлэсь ик. Марке ӝужда "от посторонних взглядов". Адями весь кытчы ке кинлэсь ке ватӥське.

10 авг. 2013 г.

Чудомы)

Вот паймисько мон ӵужайлы.

Адямилы 67 арес ини, нош пинал, задор мылкыдыз весь уг лапка на. "Пока улӥсько ваньзэ учконо,- шуэ со.-Сю аресозям уло ай". Сое дораз туж секыт застать. Весь кытчы ке куное кошке или кыӵе ке ужъёс солэн. Вот кинен можно гурезе тубыны, парашютэн тэтчыны, ву улэ акваланген зымыны (мон аслым эш уг шедьтӥськы ато). 60 аресаз- а мар-а со "гардеробзэ" воштӥз. Ми долкамы. Привычной удмурт дэремъёс интые городысь бабушкаос  кадь дӥсяськыны кутскиз. Яратэ кильтыро дӥськутэз. Кофточкаосаз но одно мар ке бисерен, чилясен пужъятэмын луоз, дэремаз бадӟымесь сяськаос суредамын, колошаяз но сапегаз но ромашкаос... Туж яратэ ромашкаосты но колокольчикъёсты. Мар ке кельшымонэз сюриз ке ромашка суредэн однозэ но басьтоз. Со вообще кельшымонзэ адӟе ке кема малпаськыса уг улы - басьтэ. Со уг курда воштӥськонъёслэсь, весь мар ке выльзэ шӧмъяны турттэ, кема малпаськытэк автостопом но кошкыны куное быгатэ, пудэн 5 км. нюлэске эмезь но, боры но, губи но бичаны мыноз. Со уз учкы мар адямиос малпалозы "аслам улонэ" шуоз но лэсьтоз. Эше куке шуиз вал: "Тынад ӵужаед котьку позитивная. Солэн уродъяськемез но луэ- а? Весь серекъя, мыня". Уродъяськемез луэ... Только кемалы уг :) Весь ужась кузьыли кадь со. Пока толлы запасъёс ӧз лэсьты, сюлмыз каньыл уз лу. Наверно, городын улысалыз ке, вань музейёсты но ортчысалыз, дыр. Туж тунсыкояськись адями. Кыӵе мероприятие луэ гуртын, со однозэ но отчы мыноз. Интыяз кылльыны чик уг яраты. Вечной двигатель кадь ик.

Вазь султӥсь уӵы

Зэмзэ вераса, мон тууууууж уг яратӥськы вазь сайканы (тем более если куазь ямсыз, шундытэк). Мынам мама со ласянь шуэ (если бер султӥсько и мар ке ческыт сиён сиемын луэ):"Вазь султӥсь куака ческыт сие,бер султэм куака... Мар?...Правильно. Сӥть". Туннэ пришлось вазь султыны. Вынме садике келяны некинлы, мукетыз выны мынэм пастухе шузи йырыныз зарабатывать,пе, карисько. Вот мон пастухез уг яратӥськы. Нунал быдтон со. Вазь султоно, возьмано ку вань скалъёс люкаськозы урамвоже (вань-а гуртады урамвожды?:)). Но огласянь, вазь ӵукна адямиос шоры туж тунсыко учкыны. Милям гуртамы, в основном, уг тодӥськы малы, скалъёссэс потто воргоронъёс. Поттозы но ваньзы огазе люкаськыса, тамак аратыса вераськыны кутско, пока скалъёс пастухе уз кошке. Туж мусо адӟисько зэмзэ вераса. Может от того,что сазесь? Вазь ӵукналэн аслаз чеберез, аслаз улонэз. Скалъёсты возьвылэ нуыса  учкиськод совсем не соос шоры. Учкиськод кызьы сайка гурт. Ми пастухаськом почти мастерской палан, соин, татысен ваньмыз туж умой адӟиське. Тракторъёс, комбайнъёс мыно бусые, пичи пиос великъёсын мыно чорыганы (школае но сыӵе мыло-кыдо султо меда?:)), фермаысь гужетэм куара кылӥське. Собере ини тунсыко ӧвӧл, тем более туж пӧсь ке луэ. Мар ужан паймыса фотое пуктылыса ветлӥськод ини, яке книга лыдӟиськод. Книга но лыдӟыны йӧназ уг луы, скалъёс пегӟыны кутско...Нунал ортчем бере соос шоры учкем но уг ни пот.

9 авг. 2013 г.

МужЫк-воргорон

Мон ӵемгес но ӵемгес малпаны кутски,что мон сояз улонын воргорон вал,дыр,шуыса. Эшшо кыӵе ке шузи тест лэсьтӥ. Тодэ,пе,кин вал тӥ сояз улонын. Тодӥ кадь. Конечно, пиосмурт. Вот зэм но. Мама но шуэ: "Пи мылес. Чик нежностед ӧвӧл. Кордым. Киыд секыт,огпол шуккыса вӧсь кариськод." Одногруппнике но шуиз вал ни: "Ты, Марина, долго думать не будешь..Один раз еб**ешь и дело с концом. Я иногда тебя боюсь. Рука у тебя тяжелая. А был бы я девушкой я вообще бы тебя боялась". Конечно,не утешительно со. Ма зэм но. Мыным туж кельше кылльыны атайлэн мастерскояз, яратӥсько учкыны кызьы соос вынэным мар ке лэсьто. Кулэтэм арбериосты запоминать карисько (вот лучше озьы кулэ филологической терминъёсты запоминать мед карысал:)). Вот нылъёс, тӥ тодӥськоды-а мар со дюпель, болгарка, струг, столярка, саморез...? Марлы ныллы со кулэ? Пичи дырысен пиосын шудӥд ке, тоже ачид но пи мылес луоно кадь со. Мынам почти вань соседъёс пиос, вынъёсы но трос. Ма али но. Мыным капчигес пиосын вераськыны нежели нылъёсын. Мон аслым озьы ноку туган но уг шедьты, дыр. Ваньзэсты эш карисько.

8 авг. 2013 г.

Шарканъёс

Ну вот.Наконец-то. Вуиз со дыр ку мыным лэсьтӥзы блог) мар гожъямын до этого "яратэ монэ" шуыса, со мынам кылъёсы ӧвӧл. Лэсьтӥсез ӧжытак мон вылын шоккетӥз :) Вахрушев Воваез ваньды тодӥськоды луоз:) Туж ӟеч но открытой адями. Шаркан палъёсысь ке но:). Мынам ато пичи дырысен кыӵе ке неоднозначной малпанъёс вал соос сярысь. Куке но ӵужай вераз вал кызьы солэн анаез вуылӥз Шаркан палъёсы 1940-тӥ аръёсы.. Со туж паймем отысь нылкышноослы но юртъёссылы. Ужам беразы, пе, берто, люкасько кудзы ке но доры, таш-таш пуксьыло,пе, ӟусэ, арато тамаксэс, бадӟым алюминь кружкаоссэс тырмыто курыт вуэн но юыса пуко,кырӟало. Лучше,пе, юрт котырзэс мед учкысалзы. Юртъёссылэн куажган дырзы,пе,вуылэмын ини. Вот. Сыӵе верамъёс бере...

ну вот, эшъёс...)

Ура, лэсьтӥ блог!

Тани кутскисько аслэсьтым малпанъёсме вотэс бамэ вӧлмытыны!
Лыдӟе монэ, яратэ монэ!