11 авг. 2013 г.

Бон...Озьы ни со..

Туж интересной фраза туннэ кылӥ одӥг адямилэсь:)(уг вера ни кин). "Ма мар али? Гуртлэн самобытностез быремын ини почти. Нынче туалетъёссы но корка пушказы ини". Сначала мон серекъяй гинэ, собере малпаськи мар веразы мыным. Зэмзэ но ведь со озьы. Гуртысь адями весь уиське городысь адями сьӧры. Турттэ аслэсьтыз корка пушсэ чебер городской квартира кадь карыны. Али пыртӥд ке кыӵе ке адямиез синзэ ворсаса гуртысь корка пушкы, со уз но вала гуртын-а со ӧвӧл-а. "Евроремонт"...Юрт котырзы но..Котькытын профнастил шуонзы.. Алигес кык соседъёсы капка выльзэ пуктӥзы. Огез профнастиллэсь, нош мукетыз, кызьы мама шуиз "вашкала капка", пуктӥз деревянной. Кудӥз чебергес меда? Конечно писпулэсез.
 (мукетэзлэсь фотозэ уг поны ини.Примерно представили ,дыр,лыз профнастиллэсь капкаез)
Атай вераз со ласянь: "Визьмо но хозяйственной адями капказэ но пулэсь лэсьтэ. Угось со вала, кортлэсь капка ненадежной. ӵабтӥське, скал ӵыжыса лэзиз ке, уд тупаны ини,шаплы тӥяське.." Котькытын заборзэс но али куто со кортлэсь ик. Марке ӝужда "от посторонних взглядов". Адями весь кытчы ке кинлэсь ке ватӥське.

1 комментарий:

  1. профнастилэз кортэн чебер пужыосын тупатид ке очень даже туж чебер капка луэ карыны) мон видимо тоже город сьоры уйиськисько)

    ОтветитьУдалить