27 февр. 2014 г.

Уясь ӵӧжпиос:)

Тулыс, тулыс, тулыс. Кыӵе мон яратӥсько та кылэз. Тулыслы та кыл тупа:)

Тулыс зын! Тылобурдоос шулало. Музъем кыти но оти потэмын ини. Липетъёс вылысь лымы куяло ини. Шунды гинэ ӧжытак уг тырмы.

Туннэ лавкае пырыкум адӟисько таӵе суред: лавкалэн тубатэз улын пуке пичияк ву, кык пичи пиос (огезлы 8 арес, дыр, нош кыкетӥезлы - 4 яке 3) со тубат вылэ султо но пукись ву вамен тэтчо. 8 аресъемез быгатэ, нош 3 аресъемез курдаменыз-а мар-а тубат кузя пекан вылаз ваське но вуэ усе. кыкназы но шумпото, серекъяло. Сач-сач котэсь ини. Нош дӥсяськемын балонь штаниосын но курткаосын.

Тодазы но ӧвӧл, что доразы ӧжытак тышкаськозы. Визьмо анай-атай уз тышкаськы так-то:)

Асфальттэм гуртын но озьы. Пукись вуосыз мерттаса ветло пичиос. Яке дэрие пыриськод но кугӟаськод отчы. Сапегдэ поттэмед уг луы и сылӥськод урам шорын пока тонэ уз адӟе и уз поттэ кыскыса:)

Сыӵе дыръя сыӵе но тунсыко потэ вылэм ни-а мар-а:).

Пересь. Нургетӥсь.

Марайколэсь кемаласьгес вал ини лыдӟеме блогзэ. Туннэ тани лыдӟыса пуки ваньзэ. Визьмолюк со. Визьмо темаос ӝутэ, визьмо кылъёсын вераське. Ӟеч. Святой Мария кадь. Вань аламаысьтыз умойзэ адӟемез потэ но адӟе. Умой со.
Солы коть али ик бызьыны можно ини. Быдэ вуэм кышномурт кадь ик ини. Лад-лад. Спокойной.

Нош мон нургетӥсь пересь, кудӥзлы номыр но йӧназ уг кельшы.

26 февр. 2014 г.

Пузкар непузкар

Маро. Номыр. Ӧжытак псих луыса, опоздать карыса вуи Пузкарез адӟыны.
Пришлось лыктыны таксиен. Таксист неӟуч неудмурт. Ветлэ туж дыг, пробкаос вадес эшшо, вань пешеходъёсты, магинаосты лэзе (соос но мар ке мында), машинаез пӧсям зын... и уд оске... Француз шансон кылзыса мынӥ "Роликс" кинотеатрозь. Да уж...
Дыртыку ваньмыз вожпотытэ. Эшшо вуэм бере гардероб дорын сылӥсько возьмаса, гардеробщицаез кытчы ке кошкем... Кинотеатраз пырыса чурме уг шедьтӥськы (пардоньте, но нормальной кинотеатръёсын пеймытын чуръёслэн номеръёсы пишто) ... Ох.. Мырдэм шедьтӥ кадь, пукси.  Самой, между прочим, тузи инты. Берпуметӥ чур, сэрегаз ик. Нокыӵе йыръёс, вераськемъёс уг акыльтыто. Ганяк пуксьыса, наконец-то вуи шуса, кутски учкыны.
Ну маро... Узы -Борыен ӵошатыса дас поллы умойгес, качественнойгес снимать каремын. Туж чебер, сайкытӥсь город но гурт пейзажъёс. Туж йырвисьытӥсь удмурт проблемаос пуктэмын. СССР дыръя вань кино лэсьтӥсьёсты пытсэт сьӧры ыргалтысалзы таӵе кино понна, шып улэлэ шуыса:-)
Туж откровеннойгес но луэмын, шуод-а мар-а... Умойлы -а мар-а со. Уг тодӥськы.
Вань тузӥ шудӥсьёс.
Самой зол но правдивой шудӥсь - Кибардина Света. Ролез пичи ке но, ваньзэ учкисьлы возьматыны быгатӥз. Огшоры улонын кадь, будто ӧз но шуды. Ваньзэ ымныр мимикаысьтыз адӟыны, валаны луэ.
Собере - Болтачев Рома. Ӧй ке тодысал, что со артист, малпасал огшоры гуртысь ужасез кутӥллям шуса. Но всё равно, ӧжытак шӧдӥське "театральностез ".
Ксюша тожо ӟечок. Со ачиз кадь та киноын, вань выросъёсыз но, вераськемъёсыз но... Сыӵе ик ас дуннеяз ветлӥсь, малпаськись. Зэмос актриса.
Но.  Мон туж критиковать карись но пессимистичной адями (тӥледлы уж точно со выль ивор ӧвӧл:)). Самой маиз мыным ӧз кельшы - шудӥсьёс туж театрально, правильно верасько, ӟуч кылъёс пыртатэк. Наизусть будто бы верало вань дышетэм кылъёссэс. Валтӥсь героез туж гольтырес вераське удмурт сямен: кыӵе ке ӟучомемской акцентэн. Уг тодӥськы. Может мыным гинэ озьы потӥз.
Может кулэ ӧвӧл театралъёсыз киноын снимать карыны?
На самом деле туж мӧзмыт (пессимистичной, грустной) кино. Пумыз но. Кызьы мон пумзэ валай:удмуртъёслэн интызы - гурт, а не кар. Гуртын гинэ соосыз возьма шуд, нош карын разочарование. Сюжетной линиосъя (хотя соос йылозяз-пумозяз вуттэмын ӧвӧл). Даже серем интыос (а соос вал) мӧзмыт шӧмен пыӵамын.
Эшшо трос юо мар ке та киноын. Мон малы ке сое сразу адӟи. Ку Вахрушев Вова пресс-конференциын юаз малы киноын сомында юо шуса, пуктӥсьёсыз асьсэос паймизы кадь. В порядке вещей будто бы.
Мар пресс-конференция ласянь? Ну кызьы. Как всегда.  Неорганизованно. Кин мар дауртэ. Юанъёсты,  валэктонъёсты кылыны ик уг луы, залын базарын кадь. Кин мар дауртэ.
Малы, пе, кино сыӵе йылозяз-пумозяз вуттэмын ӧвӧл? Представьте себе: уксё, пе, ӧвӧл и киноын шудӥсьёслэн дырзы. Ладно нырысетӥез... Уксё ноку уг тырмы. Но кыкетӥез... Мон сыӵе валэктон бере мар шуыны ик пайми. Ми, пе, кык арня куспын снимать карим киноез. Ну, пардоньте,.. кутскиды ке собыдӟа уж борды лэсьтэ лад-лад, таш-таш. Тем более со ужтэс котькин обсуждать кароз, олокин но адӟоз (кызьы мыным куке шуизы вал:"Тынэсьтыд блогдэ визьмо адямиос но лыдӟо,  оскорблять соосты эн кар"). Мон уг валаськы, шудӥсьёс ведь тодо вал, что трос дыр быроз шуса, ӧжытак поднапрячься кариськоно луоз шуыса, кытӥ но оти уждэ но вунэтоно луоз шуыса. Малы главной режиссёр шуэ, что кино пумозяз вуттэмын ӧвӧл соин, что шудӥсьёслэн мукет ужзы вань, кытын уксё тыро, нош татын уг? Чик позициез ӧз кельшы мыным солэн.
...Трос адямиез. Зал тырмемын вал. Олокинез но вал, даже ми Марайкоен паймим (а солэн йырыз туж кур луиз). Даже соос, кинъёс та киноен нокызьы но герӟаськемын ӧвӧл (мон, например. Но кызьы мыным валэктӥзы- тон, пе, активист. Серекъяй. Мон кыкетӥ нуналэзлы билет басьтӥ ни вал. Чик малпанам ик ӧй вал, что блоггеръёс - активистъёс. Ха. Бикузин, кудӥз Евген, вылын серекъяй. Художникысь до блоггера докатился:)) ).
Кызьы сюризы татчы киноен герӟаськымтэ адямиос? (Только эн вералэ, что Пепелацын билет вормиды, уг оскы). Нош тросэз активистъёс ӧй вал? Как всегда:"Вае эшшо билет картэлы (кышноелы), анаелы -атаезлы...ну..эшшо песяелы". Яке: "Нуу.. . Тон же мынам умой эше. Вай мыным но халявной билет". Тодмады-а асьтэдыс?
Тросэз возьмало кыкетӥ люкетсэ кинолэсь.  Луоз ик-а?..
Тау туннэ ӝыт понна киноын шудӥсьёслы но кино лэсьтӥсьёслы. Калленом азьлань но азьлань вамышъёс.
Мама звонить каре бертыкум:"Мар кариськод?"
Мон: "Удмурт кино адӟыса бертӥсько огъяулонние".
Мама:"Пузкар?"
Татын мон туж пайми:
"Кытысь тон тодӥськод ини сое?"
Мама:"Бон тани али Dart газетэз лыдӟисько. Туннэ вуиз".
Вот так вот. А тӥляд анайёсты тодо-а?:-)


23 февр. 2014 г.

Мылкыд кырӟа

Шунды шунтэ ини тыбырез, улэ васькем. Тулыс каллен-каллен вуэ. Тулыс зын шӧдиське ини.

Оломар но тодӥсько дорын.

21 февр. 2014 г.

Кыл писпу но Пузкар

Туннэ "мерттимы кыл писпу (лингво-дерево)". Номыр вылез. Ваньмыз по сценарию, шуод-а мар-а. Кырзазы, эктизы, зеч кылъёс веразы. Организованно ваиллям Кузебай Герд нимо гимназиысь дышетскисьёсты. Адямиез чылкак трос ик ой вал (дискотекае ке лыктыны, то бызьыса). 

Писпу буёлогес луысал ке, тунсыкогес но луысал, дыр. А так со мозмытгес ожытак. Ну, конечно, со мынам малпанэ. Мукетъёсызлы, может быть, кельшиз... То ли мон умой ой кылзиськы, то ли мар, но ой кылы кин малпаз та писпуэз лэсьтыны. Тодисько, что Вася Широбоков лэсьтиз писпузэ, суредаз Бикузин Женя, пуктон понна бызьылиз Ваулина Вероника (ну, ярам, Молодежной парламент, пе). Кстати, суредасез ой вал отын.


P.S. Пузкарлы билет басьтим. Туж цивильно. Ожыт на вал вузам билетъёс. 
Басьтэлэ. Эн жалялэ 100 (студенческой билетэн), 150 манеттэс. Не каждой нунал Роликсын учкоды удмурт кино (мон тодисько на кызьы учки вал Алнаш РДК-ын "Узы-Борыез". Качествоез туж урод вал).


Ӟ

Гершензон Пепелац бере...
Со мар ке туж секыт.

Загребинэз,пе, потэ.

"Тунсыко ӧй вал мар ке...." Сыӵе кылъёс кылылӥ Пепелацысь потыку. Ваньзы нёжто: "Кырӟасьёс ӧвӧл..." "Аха, -малпасько,- значит не только позыръяськыны но юыны ветло, но и концерт адӟыны". Шумпотымон.

Зато трос "кизилиос" туннэ адямиос пӧлтӥ ветло. Бикузин, кудӥз Саша, жаль ик потӥз. Котькудӥз ӟечъяськыны турттэ, мар ке вераны солы.

Яке Загребин.  Эке ке... Ваньзы тожо туртто бордаз лякиськыны. Кизили, пе.    Юэм пиос "братан " карыса пуксё вӧзаз, ӟыгырто, мар ке сюлмысьтызы верало.
Кинлэсь ке кылӥ собере:"Загребинэз потэ... Кемалась сцена вылысь адӟеме".

Трос нылъёс мар ке сяська керттэтэн (ну...букетэн,  уске) ветло мар ке. Мар ке страннойгес. Нырысь сыӵеез адӟисько.

Нош мон доры пуксиз вӧзам пинь йӧнатӥсь. Лыкты, пе, пиньдэ йӧнато.  Кырыж -конгыль вераське удмурт сямен, дышетӥсько, пе. Визитказэ ик сётӥз:-)  Олокинен но тодматӥськиськод кадь инь татын.

Сояз позыръяськонниын психотерапевт сётӥз визитказэ. :-)

20 февр. 2014 г.

Валэктӥмы,аха

Даже сыӵе пичи ужрадэз но (Юаны -валэктоны кадь кудӥз) куаш-куаш лэсьтыны уг быгато ведь! Тьфу! Воршуд, пе, шудлэн "Инмарез". Кытӥсь со шузи юанъёс? Кыӵе йырын малпам юанъёс? Сыӵе юанъёс, кудӥзлы ачиз шудонэз нуись но шонер валэктон сётыны уг быгаты.

?

Учке "Нимфоманка" киноез, пожалуйста.

14 февр. 2014 г.

Тунсыко - а?

Ах, кыӵе туннэ пуштрес, небыт, тӧдьы, шуныт, чебер, лымыё нунал!

Ах,  кыӵе туннэ яратонэн тырмем, льӧль,  каньыл мылкыдъем, шулдыр, мылкыдо, сяськаё, кырӟась, сюлэмо, кузьымъёсын тырмем, синмаськымон, яратымон нунал!

Тырмыт кадь.

Кошки мон. Мамаез ӟечкылано.

13 февр. 2014 г.

Нюнь

Киновузэ ветли. Зеч но овол но кадь. Смотря маиз. Зеч соиз, что трос удмурт тема. Трос удмурт снимать карисьес но трос удмурт сниматься кариськисьес. Бикузин Женя, Ворончихина Ксюша, Образцова Аня, Корнилов Денис, Вахрушев Вова, Олеся Полатова, Алина Антонова, Настя Петрова... Вал на, дыр, мукет удмуртъес, кудъессэ мон уг тодиськы. Бикузинлэсь ньыль  пол учки ини видео-артсэ.  Чын нимаське. Котькуд пол выльзэ отысь мае ке адзисько...

Куинети арзэ ветлисько ини та мероприятие. Яратисько учкыны короткометражкаос. Выльзэ мае ке одно шедьтисько. Алама соиз, что примитивногес. Ваньмыз овол, но вань. Серекъяны но малпаськыны но луэ.

Скейтбордистъес сярысь возьматизы. Та тема монэ берло дыре преследовать каре кадь... 

Корнилов шумпоттиз. Учкелэ одно 'Соос юизы кумышка' нимаське. 

Пукимы учкыса эшеным. Одноклассникеным. Банан сиыса) Серекъяса.

 Кузьмаз свежой печатлам 'Инвожо', кудиз типографиысь потэмын овол на) Возьматъяз комиксъессэ отысь тон нырысети зритель шуса)

Юа мынэсьтым:
- Маиныз кельше тыныд Инвожо?
-Ммм... Туж тунсыко журнал. Бордаз кыске. Яркыт, модной. Ог кылын - туж презентабельной. Школаысен, библиотекаын тужгес но та журналэз яратисько вал лыдзыны. Эшшо одиг плюсэз - туала текстъес пыртэмын. Журнал тодматэ лыдзисез выль литератураен мировой яке зуч, яке эшшо кыче ке. Захаровлэн тунсыкоесь гожтэмъесыз. Вань поэзия но проза но. Вань зуч статьяос но удмурт. Копакыз удмурт ке лусал, наверно, октисез ожыт луысал. А так зучъес лыдзо ке, удмуртэныз но заинтересоваться карисько, дыр (соос ведь валало, что журнал тунсыко), берыктыны туртто, дыр. Может удмурт культураен тунсыкъяськыны кутско. Суредъес берло дыре тунсыкоесь, выль шом пырто журналэ ;) Таш- таш фотоосын интервьюос. Кельше. 

Нош кудиз ке нырысети бам вылысь ныл вуылиз ик-а Париже? Или со приманка гинэ-а?:) Та юанэз сетыны вунэтиськем.

10 февр. 2014 г.

Шумпотӥсько

Ну уг луы гожтытэк.

Учки Олимпи шудонъёс усьтэмзэс ымме усьтыса. Кыӵе... Мммм... Сказочно, бай, яркыт. Вообщем, ӟучъес быгато асьсэды возьматыны дуннелы. Котькызьы но ваньзылэсь умой мед луоз, ваньзы ымзэс мед усьтозы, чтобы нокинлэн сыӵе медаз луы (Евровидение но, например). 

Туж шумпотымон.

Но ... Собере ваньзы ӵошен кутскизы чотаны кӧня уксё кошкиз, кӧня висисьёсыз юрттыны луысал со быдэм уксёен... Малы? Малы со кулэ?

Если тон куное мынӥськод ке , яке куноез пумитаськод ке , турттӥськод ук самой чебер дӥськуттэ дӥсяны. Адямиослы возьматэмед уг поты тон уксётэк улӥськод шуса. Куноез пумитаськод ке, турттӥськод ческыт сое сюдыны, коркадэ но утялтыны, нош кема возьмам куноос ке, вокще кыти но оти ремонт лэсьтӥськод. 

Татын но ведь озьы. Кулэ ӧвӧл возьматыны кыӵе алама улон асьме дорын. Со котькытын но озьы. И вот эн али вералэ мыным Финляндиез яке отын мукет кунгож странаосты, ява? Финляндиын улон умой ке луысал, Эстоние тордыны  ӧз ветлысалзы.

Мынэ кытчы ке Африкае, улонды сыӵе секыт ке.  Адӟоды на самом деле кыӵе со секыт улон.

9 февр. 2014 г.

Зэмос

Ветлӥ, учки Ольга Александровалэсь моно-спектакльзэ. Тузӥ.

Мон котьку паймисько вал со адямиослы,  кудъёсыз малпало сыӵе арбериос. Ваньмыз до мелочи малпамын. Берло но малпаськыса тодэ ваиськод. Та спектаклез учконо кык пол. Нырысь учкыку малпаськод мар луоз дальше шуыса, мелочьёссэ ӵемысь адӟытэк но кылёно. Пумаз гинэ валаськод мар быдӟа уж лэсьтэм та артистка. 20 ар, пе, тырме ини та спектакльлы.

Удмуртъёслэн сямъёссынызы тодматӥсь спектакль. Умой палысен. 

 Куаразэ кылыса юзыр-кезьыт луыса кошконо... Мусо кырӟа нуны веттан гуръёсыз весчи, лякыт куараеныз. Капчиен эктэ. Сюлэмез бугыртӥсь. 

Учкелэ одно ик та спектаклез. Одно.
Тодэ лыктӥз Выру городын (Эстония) учкем спектакль. Сету калык сярысь. Соос возьматӥзы ваньзэ ас кылэн. Но ваньмыз валамон вал. Татын но со выллем ик. Туж трос ӟучъёс пуко вал залын. Берло юалляй валамон-а ваньмыз шуса. Ваньзы валаллям но ваньзылы туж кельшем.

Ачиз  но Ольга Александрова туж мыло-кыдо нылкышно. Мыня, вераське учкисьёсын, туж сак кылзэ  соосты. Туж мусо нылкышно.

Та спектаклез удмурт адями гинэ возьматыны быгатоз. Кин будэмын удмурт нуны веттан гуръёсын, пичи дырысеныз вераськемын удмурт кылын, кин туж яратэ ас калыкезлэсь выжызэ.

Туж потэ удмуртъёс таӵе спектакльёс тросгес мед пуктылозы шуса.





3 февр. 2014 г.

Ойдолэ.

Бызьыса параос бере пыриз дышетӥсьмы. "Мынам,- шуэ,- 30 билетэ вань Ольга Александровалэн моно-спектакляз (татын мон мыняй, валай мар сярысь со вера. Одногруппникъёсы паймемын мар со шуса). Ойдолэ. Уд жалялэ ветлӥды ке. Со туж тунсыко. Удмуртиын таӵе мероприятие ке ӧд ветлы, то значит нокытчы ӧд ветлы та дырозь. Сое татын кулэ ӧз каре, возьматъяз моно-спектакльзэ кунгожын - Эстониын, Германиын, Финляндиын. Спектакль куинь сюан сярысь, кудъёсыз ортчо адямилэн улоназ. Удмурт. Удмуртъёс сое кулэ ӧз каре. Соослы кулэгес "Горе от ума" берыктыны но возьматыны удмурт кылын, удмурт театрын нежели ас вашкала культуразэс возьматыны.  Ойдолэ, ойдолэ. Уд жалялэ."

Нырысьсэ, ку возьматӥзы "Птица" театрын, ветлыны ӧй быгаты. Табере одно мыно.

Огез дышетӥсьмы кыкетӥзэ мынэ ини. 

2 февр. 2014 г.

дарАли

Ну одӥг адями сярысь вераськод ке толоназ, туннэяз но обычно со сярысь кылоно:)
 Сузэре вера:
"Сылӥськом ми значит очередьын БВИ азьын 18 январе. Ми азьын сыло кыӵе ке пиос но асьсэ куспын верасько:"Кто сегодня играет?" Мукетыз:" Вроде дарАли какая-то. Говорят, она сейчас в тренде". Как кылӥ ударение пуктэмзэс, ас поннам серекъяса кулӥсько ни вал".)



1 февр. 2014 г.

Кудӟемский

Наркотической крезьгур... Кытчы ке кыдёке нуись, малпаськытӥсь. Юэм  эйфоричной егитъёс экто гань-гань (эшшо бы. Сур мед сылоз ай 70 манет :)).

Вообще-то озьы кутсконо ӧй вал, дыр. Кутсконо тазьы: Дарали туж бадӟым ӟечок. Со усьтэ выль маке асьмелы, нош асмеос ум тыршиське сое валаны, сое поддержать карыны куддыръя. Озьы ке но, Дарали весь маке лэсьтэ удмуртъёс всесторонне развитоесь мед луозы шуса (мукет сяин вераны уг быгатӥськы малы ке).

Даже тазьы но кутсконо ӧй вал, дыр :). Кутсконо тазьы: толон мон ветлӥ FEMME VOTIAQUE -лэн мероприятияз шуод-а мар-а... Огнам. Эшъёстэк. Тодмоос но луозы меда шуса, Дарали сяна. Курдаса-курдаса но мынӥ. Ортчиз со "Сити" вузаськон юртын, подвалаз:). Сыӵе курутой инты. Андеграундной можно шуыны:). Вӧлдэтыз обычной профнастиллэсь (кудӥз цветной но ӧвӧл), выжез - бетон, борддор кузя кожаной диванъёс но креслоос. Вӧзаз ик та интылэн укно пыртӥ картинг учкыны луэ. Яратӥсько таӵе интыосты.

Та мероприятие лыктэ SUMMER OF HAZE. Тамбовысь, пе, со. Интернет пыр кизили луэм. Мускоын но Петыркарын туж ярато, пе, сое. "Хм..-ас поннам малпай мон,- сыӵе курутой адями лыктэ Ижкаре. Мар малпаса меда? Наверно, поводъёсыз вань, дыр. Может со понна, что Ижкар -  электронной крезьгурлэн атаез?:) Яке со понна, что татын зэм но туж курутоесь электронной крезьгур кылдытӥсьёс? (только син азяды эн пуктэ Электроникъёсты, ява?)". Со зэм но туж тунсыко крезьгур шудэ. Ижъёслэсь пӧртэмзэ тросполлы. Зол, эктытӥсь, кудӟытӥсь (ачиз но крезьгурез кадь: бадӟым, кужмо, модной)

Ижысь электронной крезьгурчиос  JUNKIE DEE (тазэ трос пол кылылэм вань ини. Кельше), YNG BOY & HAGU2, SETTA,  NOCAPTAINDI. Кызьы одӥг адями шуиз:"Самой курутой шудӥсьёс асьсэзы рекламировать карыса уг ветло, соин соосты определенный круг лиц гинэ тодэ".

Так-то мон туж шер кылзӥсько сыӵе крезьгуръёсты. Куддыръя кулэ кылзыны). Полезно.

Мон сяна, эшшо вал на 3 ӟуч филолоос:) Шумпотӥсько.