30 мар. 2014 г.

Арнянунал

Мода удмурт инстаграммын сиён пуктылыны. Ӵошатскон коть лэсьты, кудӥзлэн пияшез умойгес пӧраське шуса:)

Ми но туннэ арнянунал шуса пыжиським.  Перепеч. Ильямы но юрттӥз. Гуртын котькуд арнянунал малы ке пыжиськыны туртто.

Пичигес дыръям вазь ӵукна ик песяй кутске ни вал пыжиськыны. Ческыт зынэз шӧдыса изён маза уг ни луы вал. Кылем тестоезлэсь удмурт нянь пыже  (малы озьы шуэ вал, незнай) вал.

Мама котьку пайме вал, кызьы песяй сыӵе усто пыжиськыны быгатэ шуса. Котьку вылаз вуэ пирожкиезлэн но, шаньгаезлэн но. Песяй шуэ:"Пинал дыръям уг быгатӥськы вал. Бызем берам гинэ дыши. Голюшурмаын вӧзамы улэ вал ӟуч нылкышно. Со дышетӥз".

Юрттӥсез котьку сюре.

27 мар. 2014 г.

Куноын

Наконец-то толон люгыт куазьын потӥ университетысь)

Даже пайми кадь общежитие вуыса мар карыны. Пукисько,  ял карисько. Телефонэ сообщение вуиз: тон занята? Ойдо модалиосын. Хм..  Дарали. Кин на эшшо. Солы оо шуид ке, олокытчы вуод. Лыкты, пе, пиццерие. Фотоаппараттэ басьты. Верало кытчы но мар. Ну мон малпай,  что кыӵе ке мероприятизэс пуктылоно, дыр.
Лыктыса тодӥ, что Бурановое, пе, мынӥськом. Зоя Лебедева доры куное. Отын, пе, нылъёслы фотосессия лэсьтоно. Ээммм..  Пайми ӧжытак. Мон уг быгатӥськы ук. ..Но ярам. Яратӥсько малпамтэ планъёсты.

Ӧжытак Дарилэн модалиосыз сярысь. Кыӵе ке ненегесь соос. Мусоесь. Но туж неуверенноесь, вӧстэмесь, шыпытэсь. Асьсэ куспын ӧжытак мар ке верасько. Огез вал нырысетӥ бичамысь. Юферова вал кадь. Шаплы. Шӧдске школаез ортчемын ини.

Бурановое вуттӥзы клуб азязы. Татын ик, пе, вӧзаз улэ Зоя. Но нырысь Даралилэн возьматэмез потӥз легендарной клубзэс. Алнаш РДКалэсь но тузи оформить каремын)). Огез "буран песяй" нуэ вал нылпиосын кыӵе ке репетиция.
Нулдӥзы вӧзысьтыз музеязы но. Отын буран песяйёслэн саламъёссы но кузьымъёссы люкамын. Ӧжытак вашкала арбериос но вал. Отын вузало магнитъёс буран песяйёсын.
Вот так. Тӥни озьы шуак вуи песяйёслэн музеязы.

Собере мынӥм Зоя Лебедева (малы ке мынам сое атай нимыныз вераме уг луы, кстати. Зоя гинэ шуэм потэ. Незнай малы)доры. Клуб вӧзын ик зэмзэ но.
Могдос кадь. Буран песяйёсты со тышкаськы улоназ но искусствояз но. Нош соослэн "карзы " вӧзын ик улэ:)

Коркаез паймымон солэн. Пушказ одӥг гинэ ез тыл пульы (мон но быгатӥсько дурацкий малпам кылъёсыныды вераськыны. Только уг тодӥськы кызьы гожтӥське) ӝуа. Кемалась таӵе атмосферае вуылэм. Котыр инсталяциос, вуж зын (сандык зын шуисько мон сыӵе зынэз), выж вылын мерттӥськемъёс.

Улысал.

"Пырелэ, -шуэ, пыдкутчанэн ик. Кынмозы пыдъёсты." Нокин но ӧз дӥсьты. Ваньзы куштӥзы. Негоже корка пуштӥ пыдкутчанэн ветлыны.

Зоялэн тросгес ӟуч сяин вераськемез потэ. Эшъёсы,  пе, ӟучъёс.

Так вот.
Вурылэ на со ас киыныз дэремъёс. Ас киыныз, не машинкаен. 20-эсь трос. Со, пе, будто приданой дасян. Азьло, пе, нылъёс асьсэос вурыса дасяло вал ваньзэ. Ныллэн,  пе, 3 дэремез улоназ. Пичи дырезлэн, бадӟым, нош собере пересь.

Огшоры басма кылем-мылемъёслэсь вуре Зоя. Басьтӥсько, пе, огшоры прямоугольной басма, шораз крестообразной вырез лэсьтӥсько, нош собере - фантазия. Туж чебересь.

Только малы ке кыл ӧз берыктӥськы юаны вузасько -а соос уг-а... Наверно,  уг. Соин.

Нылъёс ӧз чидалэ, бырйыны кутскизы асьсэлы дэремъёс партретэ пуксьылыны. Мон ӧй чида, дӥсяй. Кызьы дӥсяй, озьы ик пумозяз ветлӥ. Куштэм но уг поты вал.

Чай юыса пукыкумы пель сьӧрам кылӥськиз кузнечик куара. Шузи кылисько ни а мар-а малпай. Сверчоке, пе, со мынам.

Асме олокытын кожаны кутски кадь. Будто гужем ини. Капчи дэремэн на эшшо пукисько.

Кызьы но озьы фотое пуктылыса бертон дырмы но вуиз.
Тау, Даралилы нуллэмез понна.
Яратӥсько олокытчы но вуылыны.



25 мар. 2014 г.

Гужем ваёз воштӥськонъёс

Гужем зын ини.
Мылкыд каньыл. Пушкын гармония, ваньмыз ӝажы вылын кадь тыремын. Вань малпанъёс. Нокин мылкыдме быдтыны уз быгаты, коть кӧня мед моктӥськозы.

Даже Марайколэсь блогзэ но лыдӟыса(сыӵе отвращение кылдӥз) Пфф... шуыса мылкыды ӧз быры. Мед тордозы кӧня потэ, кызьы потэ - асьсэлэн шузи йырзы. Пока мар ке серьезноез ӧз луы, удмурт дискотекаосты уз ворсалэ. Дырыз вуэ ни.

Удмуртъёслы мукет шудон кулэ ини.

22 мар. 2014 г.

22 южтолэзь

Самой мусо нунал. Огнам буш автобусын королёвна кадь дышетскын мынӥсько:-)

22 южтолэзь:
-уй но нунал туннэ одӥг кузьда
- день кукольника
-туннэ, пе, 40 вид тылобурдоос доразы берто:). Праздник жаворонка шуо кадь кызьы ке. Азьло, пе, лэсьто вал печеньяос-тылобурдоос, пото вал бусые и бызьыло, кырӟало вал соосын урожай мед удалтоз шуса.
- та нуналэ куалае пото вылэм

Одногруппнике шуиз:"ИПОПАТ поздравить кариз тонэ озьы нуналэныд". :-)

20 мар. 2014 г.

Мӧзмыт. Критика уг тырмы. Мыным.

Нуналысь нуналэ.

Сайкасько, мынӥсько дышетскыны, бертӥсько 7 часэ ӝыт дышетскыса, сиськисько, изьыны выдӥсько. Кыкетӥ арнязэ ини озьы.

Толон валлян милямъёс выступать каризы студвеснаын. Ваньзы валаллямтэ мар сярысь. Эке ке... Бон ярам. Мар карод на. Милям котьку но абстрактноесь пуктэмъёсмы. Малпанъёс сярысь. Малпанъёс.

Нош мон опять декоратор. Кык изьымтэ уйёс.
Сыӵе секыт, акылес потэ. Но... Кельше.  Кельше уж пушкы выйыны. Нокыӵе кулэтэм малпанъёс сыӵе дыръя уг ёрто.

Гуртын но ӵемысь озьы. Мылкыд ке уг луы потӥськод секыт уж ужаны. Нокыӵе эмъюм но кулэ ӧвӧл.

Нокытчы ветлэме но уг луы дышетскон йырин.

Ужано.

15 мар. 2014 г.

Нылъёслы политикае чуркнаськыны уг яра

Марайколэсь лыдӟи Украина сярысь. Туж, конечно, висьытӥсь тема. Но, мынам пельёсы жадизы ини кылзыса иворъёсты. Котыр со сярысь верасько. Ваньзы Россилы уг оско, ваньзы кышкало малы ке но. Хотя весяк верало сыӵе отсталой страна шуса. Ку только только кутскизы Крымын митинге потаны Россилэн флагъёсыныз но асьме странамылэсь юрттэт курыны, мон малпай:"по-любому Россия ческыт кусоксэ так уз кельты, котькызьы но бордаз кароз Крымез".  Нош мукетъёсыз визьтэммизы, дӥльдыенызы вожпотыса пазяськыны кутскизы...

А вообще кинке туж умой шудыны быгатэ. Быдэс дуннеен, уксёен, адямиосын. Сразу тодэ лыктэ кӧшкемыт суредъёс марионеткаосын.

Толон таксиын мынӥсько. Радио пыр верало Китай Россилы пумит ӧвӧл шуса. Россилы пумит нокыӵе кагазъёс вылэ уз гожтӥськылэ. Сочиын но Китайлэн кивалтӥсез кыӵе мусо гинэ вераськиз Президентэн но Сергей Брилевен. Конечно, али Китайлэн политикаез кыдёке учкись, мон понна. Соос визьмоесь. Соос трос, Россия бадӟым, интымы мар ке мында - ваньзылы тырмоз.

14 мар. 2014 г.

21

Мыным чилектэм кадь шуккиз: сояз арняе - вордскем нуналэ. Эшшо одӥг арлы пересьмо.
21 аресын азьло 10 нылпиен пуко ни вал:-)
21 аресын мамалэн но песяйлэн аслаз семьяез вал ини(али шуи ке солы бызисько шуса шугмоз, дыр).

Дорын вурисько задник(студвесна ук скоро). Баааадӟым тӧдьы задник. 6 кусок, кузьдалаез 6 метр, пасьталаез 1,5 метр.  Пукисько дорын, вурисько.  Конечно,  комната трос выж вылын со тӧдьы басма. Песяй адӟиз. Пуксиз но учкыса пуке. Уг но юа мар со. Юаз мукетсэ:"Тынад скоро вордскем нуналыд кадь, оветь? Кӧня арес тырме ини ай вал?" "21",-шуисько. "Мон 21 аресам бызи. Тон но бон сюанлы уд дасяськиськы-а?"-возьматэ киыныз басмае шоры."Оо, песяй, дэрем тани аслым вурисько ",- гор серекъясько. Со но валаз кадь оломар вераз шуса. Ӵошен серекъям.

Кечлы куар

Таня нуналъёс чотаса возьма репетициоссэ Чипчирганын но Эктон коркаын, нош мон - тренировкаосме. Мон шедьтӥ аслэсьтым ӧрме.

Нокыӵе эктонъёс но кырӟанъёс но кулэ ӧвӧл. Мынам туж сюлмы висе вал со понна, что кырӟаны но, эктыны но уг быгатӥськы шуса яке музыкальной инструментэн шудыны. Ваньзы быгато удмурт эктон тыпыртыны, нош мон ыж кадь сылӥсько. Коть валэкты, коть эн. Ну ӧвӧл, ӧвӧл мынам со понна толыке. Коть мар шуэ. Хотя мыным туж возьыт.

Но мон синмаськи, йыры поромиз, малпаськисько ке юзыр-кезьыт луисько, чидатэк возьмасько. Да, мон синмаськи. Синмаськи бокслы. Тулыс мыным ваиз сыӵе яратонэз.  Синмаськи со мусо, 2 метръем,  бадӟым дядёкъёслы, кудъёсыз тожо отчы ветло. Вераськисесь, эш каро, мыло-кыдоесь,  улонлэн ӧраз пырем адямиос. Кыӵе соослэн, пичи пиёкъёслэн кадь, синъёссы ӝуатско ку ог-огенызы жугиськыны кутско:-) Кыӵе мон шумпотыса бертӥсько синякъёсын, пазьгем мыжыкъёсын тренировкаосысь. Вань йыр висьытӥсь малпанъёс ышо-быро кӧня ке часлы ке но (аха, только ӵуказеяз висе пыд но мыжык но:)калленом дышоз:))

И хватит юаны мынэсьтым малы со кулэ шуса. Кулэ.  Дас пол кулэ и всё:-) Мон гожтӥ ни вал, что пушкам мынам мужЫк улэ шуса:-) Озьы ик вань со.

13 мар. 2014 г.

Тӧдьы адями

Тулыс. Кырсь. Ваньзылэн берпалозязы дэри пазяськемын.
Бертӥсько жадьыса троллейбуссын. Пыриз отчы тӧдьы адями. Адӟылэмды вань луоз сое Ижкарысь. Копак йырысен пыдозяз дӥсяськемын тӧдьы дӥсен (Шуо,  что со тодэ удмурт кылэз, кстати ). Кызьы таӵе дэриен но ветлэ меда сыӵе чылкыт, шуыса учкисько дӥсез шоры. Одӥг пазьгиськем дэриез но ӧвӧл. Мынэ ас дуннеяз. Мыня.  Чылкыт. Тӧдьы.

9 мар. 2014 г.

Кызьы Маринаен Наташа Кузёбае ветлӥзы:-)

Эшеным ӵем ум адӟиськиське. Таяз арняе вераськимы ӵошен бертыны.

Кемаласьгес ини вынылэсь кылӥсько, что ӵем вуылэ Кузёбай клубе. (видите ли бадӟым будэм ини:-) ). Берло дыре адямиос отчы люкаськыло, пе. Шулдыр, пе, луэ.

Гурт клубъёсын весяк озьы. Дырен, дырен котькудӥз соос пӧлысь популярной луэ. Например, кемалась ӧвӧл ай, Варзи -Ятчи клубе ветлыло вал. Адямиез, пе, мар ке мында луылэ вал. Нош али отчы ветлэмысь дугдӥзы. Алнашысь пенопластовой вечеринкаос популярной луэмен. Нош 5 ар талэсь азьло ваньзы Усо клубе вуыло вал:-) . Лёгиськон интыез уг луы вал. Азамат клубысь ветло вал Усо клубе аппаратураен дискотека ортчытыны (соослэн, между прочим, мар ке быдӟа клубзы фонтанэн (!)). И асьсэос егитъёс Азаматысь вуо вал Усое дискотекае. Маразм:).
Нош табере вунэтэм Кузёбай клубе ветлыны кутскиллям. Со ас дыраз тожо вылэм популярной.
Из поколения в поколение вошъяське позыръяськон  инты:-)
Тунсыко потӥз, эшеным малпамы эскерыны. Усоысен Кузёбаёзь 3 иськем. "Пудэн мынэм уг поты," - шуэ эше. "Ойдо ини ай,- шуисько,- кыдёкын-а мар-а со. Изён азьын полезно прогулка лэсьтыны. Кӧйдэ но куштод:-) ".

Мынӥськом, куазь шуныт. Толэзь пиштэ, сюрес кузя пинал кызъёс будо. Чебер. Йылэгес тубыса (милям гуртмы бааадӟым гопын ) гуртмы выжыкылысь кадь адӟиське. Пичиесь тылъёсын (как раз мультик адӟыса эшшо потӥ вал "Рапунцель. Запутанная история" нимаське. Туж чебер мультик. Учке, кин ӧз на учкы. Мон куинетӥзэ учки ини кадь. Вот. Чылкак отын кадь ик ворекъя тылъёсын гуртмы.:-) ). Нош баадӟым юж луэм лымыен бусы толэзья чиля. Зарезь кадь. Кӧт шурдэ таӵе вӧстэм чеберез адӟыса.

Матэктэ просек (Кузёбайлэн но Усолэн бусы границаез:)). Та инты, шуо, пӧртмаськыны яратэ.
"Мон,- шуисько,- номыр сьӧрам сиён ӧй басьты ук татчы куштыны." Мынам,  пе, жвачкае вань. Мед  сыскозы шуса куштӥз:-) .
"Тон, - шуисько, -тодӥськод-а, азьло та интыын кулэмъёслэсь дӥськутсэс суто вал?"
Эше: "Давай,  Сергеева, шып ул. Оломар вераса эн кылльы. Кӧшкемыт сотэк но. Эшшо оломаре адӟод". Нош мон эшшо тодам ваи дышетӥсьмылэсь верамзэ но эшелы мадисько:
"Куке но, одӥг пиосмурт Усоысь Кузёбае мынэ вылэм. Жадем, просек пала пуксем писпу улэ ял карыны, умме усем. Уйвӧт,пе,  адӟе: пырем лавкае,  кытын шляпаос вузало. Быръе, пе, вузкарисез мертанны косэм. Мерттам...и сайкам. Сылэ, пе, пенёк вылын, чыртыяз гозы. Курдаса, кызьы кошкемзэ валамтэ. Вот."
Эше: "Сергеева... Ымдэ ворса шуи." Мынӥськом.
Эше:"А представляешь-а, тазьы котькуд нунал ветло вал азьло школае Кузёбае".
"Аха, азьло эшшо, пе, кионъёс ветло вал. Школьникъёс сьӧразы юри соляркаен пыӵатэм басма нулло вылэм,  чтобы ӝуатыны и кионъёсты курдатыны."
Эше:"Мыным веразы вал учыр. Азьло ини Абыш гуртысь пиосмурт бер ӝыт лушкаськыса бертэ вылэм. Бусыын сое кионъёс котыртӥллям. Уг, пе, кошко. Ӝуатэм вӧзаз сылӥсь чумолёосты. А кионъёс, пе, возьмаллям ку соос ӝуаса бырозы и со пиосмуртэз кесяллям".
"Уач. Азьло но улон кӧшкемыт вылэм. Пӧртэмез вылымтэ. А тодӥськод-а малы тани тазьы одӥген-одӥген писпуос будо бусыын? Азьло, пе, озьы сюресэз пусъё вал, медам йыроме шуса. Толалтэ, например, ку сюресъёс быро буран дыръя. Вот."

Калленом озьы зульыса вуимы Кузёбай гуртэ. Та гурт чебер йӧтэ мыным. Бадӟым нюкъёс гуртазы ик, соос вамен выжъёс... Пересесь писпуос. Мынам песяйёсы татысь. Кузёбай выжые вань. Но... Мама всё равно Кузёбае бызьыны уг лэзьы шуэ:-D.

Пыримы клубазы. Адямиез трос ик ӧвӧл. Правильно, Алнашын али Белослудцев позыръяське потому что :-) .
2-3 удмурт кырӟан но кылӥськиз. Кузёбайёс висъясько соин,  что шулдыръяськыны быгато. Но только не туннэ. Мон малпасько не тот нунал ми быръимы эшеным. Мукет дыръя вуом:-) Тӥ но вуэ.
Эктӥм кӧня ке но кошким. Ярам,  келясьёс сюризы:-)

Почта

Эше вань. Со ужа Ижкарын. Почтаын.
"Мон китӥ кошко миллионъёс. Пенсия люкылыку, например. Сомында уксё.  Каждой нунал мар ке мында. Пачкаосын. Тодӥськод-а кызьы пересьёс сёто уксёзэс коммунальной услугаос понна? Секыт учкыны соос шоры. Басьто пенсия 6000 и со нуналэ ик вань уксёзэз бӧрдыса сёто коммунальной услугаос понна. Соос шоры учкыса ньылонын куректыны кутске бӧрдэм потыса."

Тазьы учкиськод ке, почта и мар отын секытэз? Пук но уксё люкылы.
Но всё равно. Каждой уж ас сяиныз секыт.  Физически но морально.

7 мар. 2014 г.

Ойдо гужем нуналъёсы. Выльысен.

Дунне собыдӟа..
Кӧня адямиос, кӧня каръёс, гуртъёс.
Котькудӥзлэн аслаз улонэз, аслаз адӟонэз. Куддыръя паймоно кадь, кызьы бинисько кык пӧртэм адямиослэн улонзы. Кык адямиослэн, кудъёсызлэн висказы мар ке быдӟа иськем. Малпаны ик секыт мар дася асьмелы улон, кыӵе адӟон, кинен тодматскон...
Эше вань. Вераз учырзэ (солэн нимыныз гожто, ява).

Мон Полина - лымшор удмурт ныл. Улӥсько пичи гуртын, кудӥз интыяськемын туж бадӟым гопын:). Нокин но та гурт сярысь уг тоды. Тодмо адямиос татысь потэмын ӧвӧл. Одӥг-кык гинэ. Аслам кадь мусо гуртъёс дунне вылын ӧвӧл ни кадь потэ. Гужем со самой чебер луэ. Копак писпуос пӧлы вые. Яратӥсько учкыны вырйылысен гуртэ шоры. Улэ аслаз шыпыт, каллен мынӥсь улонэныз, нокин уг люкеты, нокыӵе чилектӥсь иворъёсын уг сайкалля.

Али дышетскисько университетын. Бадӟым ини:). Гуртэ ӵемысь берталляны турттӥсько. Мӧзмисько.

Али умой. Гужем. Туж пӧсь только туэ. Кӧт тырымон гуртэным мусояськисько.

Котьку гужем малы ке, монэн олокыӵе но учыръёс луо. Пӧртэмесь. Мон, вообще, яратӥсько кадь ас вылам страннойгес учыръёс кыскыны, страннойгес адямиосты.. Одӥг гужем учырез, тодматӥськонэз, быдэс улонам кельто, дыр. Вунэтод туж ик, аха.
Вот шуо бадӟымъёс ми сярысь: "Тӥ поколение, кудӥз улэ интернетын, телефон пушкын. Скоро вунэтоды ини кызьы асьме дуннеын улоно". Озьы ик вань.

...Марке кадь, тодӥсько на, пӧсь нунал вал соку. Шунды усёз кадь потэ сыӵе дыръя музъем вылэ. Эшеным сюрес кузя бертӥськом. Пыласькыны ветлӥм. Бадӟым шурмы 5 иськемын. Пыласькеммылэн толыкез ӧвӧл. Сюрес кузя машинаос ширто но  тузон пурӟе, копак вылэ пуксе. Зато шумпотэмын бадӟым шур дорозь ветлӥмы шуса. Ӵем отчы ум вуиське угось. Кыдёкын потэ. Вераськон куспамы жингыртӥз одӥг классын дышетскись эше, мар ке юаз. Мон, смс пыр вазё шуи. Гожтӥ, табере номерзэ утчасько одноклассникелэсь. Малы ке, кык номерез телефонам солэн. Кема малпаськытэк огаз лэзи. Соин вунӥз ваньмыз. Озьы ик вераськыса эшеным вуимы дорозямы.
"Кыӵе умой салкым корка пушкын пӧсь куазь дыръя",-шуыса телефонме зарядкае пуктӥ. Учкисько смс вуэм одноклассникелэн номерысьтыз (ӟуч сямен):

-Кин тон эше?
Мон мар ке пайми. Визьтэмъяське кожай но гожтӥ:
-Тон мар визьтэмъяськиськод? 
-Кинлы бон та  номере гожтӥсько кожаськод?
Татын мынам йыры сураськиз мар ке.  Валамысь дугдӥ.
-Игорьлы. 
-Мон Степан. Грессысь.
-Мааар? Кыӵе эшшо Гресс?
-Мыски город. Кузбасслэн лымшорыз.
-Давай, эн шузияськы. Вуиз-а ӧз-а смскае тон доры?
-ну уд оскиськы ке, давай Игорь луо тон понна.

Мон паймыса сылӥсько (и мар мыным тодэ ӧз лыкты жингыртыны?). Учкисько телефонэ шоры - жингыртэ. "Ох,- малпасько, возьмато мон тыныд, кызьы мон вылын шузияськыны".
Кылӥсько вокщё мукет мынясь куара:

-Кин-о тон?
-Эээ.. Эээммм... Нуууу... Полина вал...
-Кин бон со Игорь?
-Нуу...Однокласснике вал. Кин тон вообще. Малы солэн номерез тон киын?
Куараен серектӥз.
-Нокыӵе Игорез уг тодӥськы. Шуи ук. Мон Кузбассысь. Кемерово палась:) Кытӥсь усем адями тон:)
-Удмуртиысь.
Шып луиз. Паймиз, дыр.
-Ммм.. Нуу.. Уске ярам. Ӟеч.
 Ӟеч шуыса кысӥ. Пайми. Ну ярам, малпасько. Сюрисько ведь олокытчы но (мон берло тодӥ, однокласснике мыным номерзэ шонертэм верам. Одиг числозэ сурам).

Малпай-а мон, что со адями, кудзэ мон та дырозь ӧй на адӟы, сыӵе матысь луоз, кудӥзлы ваньзэ вераны луэ, кудӥз монэ вала? Котькуд нунал ми соин гожъяськиськом. Оскиськом, куке но пумиськомы шуса.


4 мар. 2014 г.

Нимъёс

Милемлы туннэ шуизы, что гурт ним но аслад нимыд маин ке но ог-огзылы кельшо. Ортчимы Иосиф Бродскийлэсь "Авраам но Исаак " поэмазэ.

Нырысь, Авраам вылэм Аврам. Улэ вылэм Харанын. Собере со Инмарез кылзыса мынӥз Ханаанэ и луиз Авраам (Авраам - трос калыкъёслэн атаез. Кузятэм ним валэктэ сое).

Ну и кутски мон ас йырам бергатыны кин кытысь. И номыре тодам вайыны уг быгатӥськы.  Разве что Бикузинъёс Азаматысь. Кибардина Шадрасак -Кибьяысь. Чирковаос но Чикроваос милям трос Варзи -Ятчиын. Кузёбаись Кузьминъёс.

Разве что тани мае эшшо: атаелэн двоюродной братэзлэн тожо Сергеев фамилиез. Кошкиз со улыны Тюмень пала. И кызьы ке но озьы луиз, что улон инты шедьтӥз Сергеевкаын(точно уг тодӥськы ни гуртлэсь нимзэ).

Табаньёс

Туж шулдыр ортчизы арня нуналъёсы. Сюан но масленица.
Масленицае случайно сюримы. Мамаен мынӥськом вал лавкае. Урам вожын трос адями. Вунэтӥськеммы ялон сярысь.
Пичиос но бадӟымъёс шудо, бызьыло, эстафетаос ортчыто. Серем учкыны, ку мӧйы адямиос ортчо. Кӧт вылазы усё, канжасько,  пичиос кадь:-)

Мусо туж адӟиське.

Урамын ик табань пыжо. Чечыен, зыретэн, твороген сиыны луэ. Ческыт. Урамын вань сиён ческытэн кошке.

Пересьёс вӧзын сыло:"Азьло эшшо но шулдыр вал. Балалайкаен но шудо вал, валъёссэс чеберъяса ворттыло. Али мылзы уг поты ини..."

2 мар. 2014 г.

Реакция Дэбесысь:-)

Реакция из Дебёс по поводу Пузкара ( честное слово, уд но оскы, случайно кылӥ автобусысен):..."да ну, мар сыӵе дурацкий кино снимать кароно? Ни сюжета, ничего. Милям адямиос залысь сяласькыса потылӥзы. Узы -Боры умойгес вал кадь. Сюжетэз но постановкаез но вал кадь. Киноын 15 минут куспын куинь пол юыса вуттӥзы кадь (кстати,  это по поводу "дурацких вопросов заданных на пресс -конференции", аха. Не только ми Вахрушев Воваен заметили сое)...." Эшшо мар ке верало вал ай но потон остановкае вуиз.

Осконо гинэ

Иже мынӥсько. Вуисько ни почти.

Азьло,школаын дышетскыку та карез малы ке уг яратӥськы вал. Шимес йӧтэ вал. Одӥг пол куинь арлы ке вуисько вал, ярам. И малы ке весь вуисько вал бер сӥзьыл дэри дыръя, яке тулыс, ку мар ке кадь кырсь. Ижкар кыдёкын гуртэлэсь,  чик но уг кыскы вал та пала. Каре пырыку ямсызэсь куажгам пу коркаос(кудъёсыз али мыным туж чебересь пото, аспӧртэм шӧм пыртӥсь Ижкарлы), котыр ӵышкем писпуос, мар ке кадь кырсь лымы.

5 классын больницаын кылли вал гудырикошконэ. Бертыку(со суредъёс быдэс улонлы син азям кылёзы, дыр) тодӥсько на трамвай сюресъёсты вож-вож гуждэр пӧлтӥ(чебер), автовокзалысь мар ке мында кӧгырсинъёсты но чыган куттэм пыд нылпиосты.

Мон малпасько вал, что та быдӟа городын огнад йыромод, ноку но татын уг дышетскы шуисько вал.
Али,  мон даже уг тодӥськы ни малы мон воштӥ малпанме, малы одно татчы дышетскыны пыри. То ли бадӟым классъёсын мынам интернетэ потӥз и мон тодӥ, что Ижкарын тунсыко удмурт ужрадъёс ортчыло, тунсыко удмурт адямиосын тодматӥськыны луэ, то ли ӵемгес та каре вуылӥ берпуметӥ классъёсын и синмаськи та кырсь, странной застройкаосын карлы. Эшшо, мыным потэ, удмурт литература понна. Милям дышетӥсьмы яратэ вал писательёслэн улонзы сярысь вераны. Тросэзлэн, конечно, улонзы герӟаськемын вал Ижкарен, и со понна мынам кыӵе ке романтичной представление кылдӥз кадь та кар ласянь.

Милям шуо:"Ноку эн вера, эн малпа инты ласянь аламазэ, ато со однозэ но тынад улонэныд герӟаськоз":-)
Ӵужай шуисько, пе, вал:"Вот незнай малы Асан гурт уг кельшы. Шимес потэ. Не дай Бог отчы бызёд".. Ну и мар тӥ кожаськоды? Отысь карт шедьтӥз.
Яке Мама:"Пичи дыръям вообще уг кельшы вал Чумолё пал (гурт пуммес озьы шуо). Буш йӧтэ вал, шулдыр ӧй вал". Ӵужай серекъяса шуэ солы:"Табере отчы вокщё выжыостэ лэзид ини, юрттэ пуктӥд".

Озьы ик луэ со. Инты яке адями шоры учкиськод ке (яке туж аламаен,  яке туж умоен), со тынад улонад однозэ но кыӵе ке роль шудэ. Монэн котьку но озьы луэ. Куддыръя туж паймоно.