30 июн. 2014 г.

Инвожо

Берпуметӥ нуналыз июньлэн. И мар? Гужем зын ик мар ке уг шӧдӥськы на. Кезьыт, тӧло, зоре. Куазь сыӵеен-а мар-а весь изем потыса ветлӥсько, койка вылэ выдэм ик уг луы, сразу умме усьыны кутскисько.

Быдэс гужемзэ городын луо, уж, можно шуыны, шедьтӥ. Так что мон городын. Можно куное ӧтьылыны, можно поръяны но олокытӥ ветлыны:)Мӧзмыт медаз луы.

29 июн. 2014 г.

Сандык

Толон урам кузя мынӥсько ӵужай доры. Учкисько, забор вӧзын сылэ вуж сандык (кудаз именно пирдан тыро). Сыӵе жаль потӥз.
Али со коркан, кытӥсь сандык поттэмын, уло кытӥсь ке лыктэм адямиос. Ӟучесь. Вот. Азьло отын огназ кылтэм кышномурт улэ вал. Кулэм бераз нылпиосыз-а мар-а вузазы корказэ. Туж вуж, куажган дырыз вуэмын ни юртлэн.
И вот малпай. Пересьмод тон. И тынэсьтыд арбериостэ озьы ик тус-тас карозы. И нокин тон сярысь тодаз но уз вайы...

28 июн. 2014 г.

Ммммм...

Бертӥ доре наконец-то.
Васькисько доре остановкаысь бакча беръёстӥ. Кыӵе ческыт зын! Куасьмем турын зын, боры, сяська, писпу... Особенно турын зын, гуртоос туйнаськыло ини бакча беръёсазы.
Быдэс час васьки кадь дорозь боры сиыса.
Кыӵе каньыл луиз, ку бичай боры. 4 час куспын почти 20 литр бичамы мамаен.
Илья оломар но вераське. Ӟуч сяин моктӥське вераськыны.
Тур-пар урам кузя великеныз ворттыллэ. Пал кизэ лэзе, резко дугдэ, кукъёссэ урдылэ мынонъяз) Учке кыӵе мон курутой шуэ кадь.


26 июн. 2014 г.

адовской лэйкан

"Сессия, зеч лу!" шуыса туннэ олногруппникъёсынымы Ижкарти калгимы. Пыримы летний садэ. Отын сыче мусо... Только малы меда со жыт уг ужа, кызьы американской киноосын кадь. Эх... Адзиськом ини сьод-сьод инбам луиз ини, тол каллен пелляны кутскиз, гудыръяны. Пуксимы лэйканъёсы, кудъёсыз туж юн бергало. "Ромашка" нимаське кадь. Малы ми отчы пуксим? Со лэйкан сылэ вылиын, туж умой пруд адзиське. Берганы гинэ кутским но шальтр! зорыны кутскиз ук. Жи-куаш кариськом. Марке кадь зол тол пельтэ,зоре марке кадь юн кисьтыса, эшшо лэйканъя шимес, йыр онгыра. Уд валаськы кадь астэ кытын. Йырси зугмаськиз копак, очки пыр номыре уг ни адзиськы, сач-сач кот и лэйканэз уг дугдыто. Осто, шуыса васькимы. Сомында адреналин парапланэн но лобаса ом басьтэ кадь. Нуназеысен жытозь поръямы кадь. Пыдъёс жадемын, зато кыче умой, 3 курс быриз.

23 июн. 2014 г.

Концертчиос

Одӥг арбериез адӟиськод ке, кыкетӥ пол учконо ӧвӧл ни шуо куддыръя, дабы первой впечатлениед медаз воштӥськы.

Озьы мон туннэ шуысал концерт сярысь SWG-ослэн кудӥз ортчиз летний садын. Со туж, конечно, прекрасно и нокин монэн уз споръяськы: оркестр, шуныт куазь, сад, адями мар ке мында, мынясь но улонлы шумпотӥсь Светӥ...

Кин нырысьсэ учкиз, соослы кельшиз луоз (ну незнай, тросэз солань-талань ветлӥзы. Ми азьысь, например, быдэс скамья бушаз нырысетӥ люкетыз бере ик, и соос точно не футбол учкыны кошкизы:)).

Мыным туннэ гинэ дошло кадь, что вань кырӟанъёссылэн одӥг мотивзы. И до того мӧзмыт луиз со малпанэлэсь. Будто пичи нуныез алдазы. Даже сураны кутски кудӥз кыӵе кырӟан, ваньзылэн будто бы одӥг гурез, кылъёссы гинэ вошъясько. 

Зато Имбирной Машаен тодматски: )
И куазь до того шуныт вал, что даже зор бере но кезьыт ӧй вал. Ганяк котырским урамъёстӥ.

22 июн. 2014 г.

Ку мӧзмыт...

#замечательности
Урочище «Голюшурма» располагается на правом берегу Нижнекамского водохранилища на месте слияния Камы с рекой Иж.
Это благодатное место люди облюбовали еще десять тысяч лет назад. Свидетели тому древние археологическое памятники- древние городища.
А еще совсем недавно здесь стояло село. История этого села довольно богата. Основали его переселенцы-бедняки из села Шурма Вятской губернии. Пришли на новые земли самые бедные, нищета-«голь». А место, где они поселились, стало называться «Голь с Шурмы». В XIX веке в этом селе была и церковь, мельница и даже винокуренный завод. В XX веке здесь нашли залежи угля (протяженность шахты достигала 2 км). В 1939 году Голюшурминская машинно-тракторная станция стал самой передовой в Удмуртии. Все это способствовало бурному развитию села. Здесь была построена школа для глухонемых (в 1960 переквалифицирована под школу для слабоумных). В Голюшурме уже имелись средняя школа, детский сад, больница с зубопротезным кабинетом, почта, магазины, библиотека. Голюшурма стало одним из первых радиофицированных сел Удмуртии. Но в 1967 году все жители разъехались - кто куда... Село подлежало затоплению в связи со строительством нижнекамской ГЭС.
Место бывшего села Голюшурма, берег Нижне-Камского водохранилища любимое место отдыха народа.
Люди здесь купаются, загорают, ловят рыбу. На склонах гор собирают ягоды и травы. Туристы в палатках проводят здесь свои отпуска. Для ночлега, так же можно разместиться и у жителей деревни Благодать, которая расположена рядом.
В эти места разработан этно-туристический маршрут «По следам Эштэрек-Батыра». Ведется работа по воссозданию «Городища Эштэрек-Батыра» и строительства экскурсионно-туристического комплекса. Эту работу ведёт победитель конкурса «Герой Удмуртии» А.Ф. Захаров

Та заметкаез лыдӟи "Открывая Удмуртию" группаысь контактысь (мерлыко бам, блин).
Сыӵе шумпотӥ малы ке. Мусо кадь потӥз. Мынам со льӧль малпанэ малы ке пал синмын ке но учкыны кыӵе вал Голюшурма. Песяй оломар но вералля вал та черкогурт сярысь. Бызем бераз со отын улэмын. 

Ваньзы гуртамы улӥсьёс шуо:"Кыӵе шулдыр интыос вал со. Быдтӥзы вазь"... Тӥ но малпалэ ай: тӥледыз улляло вордскем гуртӥсьтыды и тӥ сое ноку но уд адӟе ни. Шимес, оветь?

Мон малпамъя, та черкогуртэз ке ӧз быдтысалзы, луысал не Алнаш ёрос, а Голюшурма ёрос.

...Казаньлэн валтӥсь прокурорлэн (бывший ни табере) Кафиль Амировлэн вань пичи гинэ книгаез "Здравствуйте, односельчане!" нимаське. Со тожо отын улэмын, дышетскемын. Та книгаын бичамын фотоос но воспоминаниос.

"Вот, -шуэ ӵужай,- адямиос ял каро но уг малпасько мар азьло та интыын вал. Пляж шуыса загорать каро. Азьло со "пляж" интыязы черк сылэ вал, нош черк вӧзазы адями ватылэмъёс вань шуо вал азьло. То ли тӧдьыос, то ли гордъёс ".

Мынам атае отын вордӥськемын. Паспортаз озьы ик гожтэмын.

Узы-боры  бичаса ветлӥськом ке, ӵемысь шедьтылӥськом корка бервылъёсты. Ӵужай шуэ:" Тӥни пушнер будэ. Значит корка сылэ вал татын".

...Та интыос али но туж шулдыресь. Кӧт уг тыры учкыса. Самой йылӥ вырйылаз тубыса учкиськод ке, мугор шурдэ сыӵе инкуазьлэсь. Вашкала адямиос, пе, шуо вал, что тати Уральской гурезьёслэн кутсконзы. Тунсыко кадь. Татын городищеос но вал. Туж тодэм потэ, мар вал отын. Вылӥллям кадь, копаськиллям, гудӥськиллям кадь куке но археологъёс, только ӥӧназ номыр шедьтӥллямтэ.

А.Ф. Захаровлэн экскурсиосаз ӧй на ветлы. Тунсыко шуо кадь. "Вуж" дӥсьёс дӥсяса ик ортчытэ шуо.

Весь мар ке вераськонъёс потыло, что вузэ опять кӧня ке ӝутыны туртто...

P.S. Анфиногеновлэн эшшо но юнгес мынэмез мед потоз:)

Та пичи корка интыын сылэ вылэм спиртзавод.

Кылбуръёс но эктонъёс

21 июн. 2014 г.

Не Гербер

Экзамен йырин Гербере но ветлытэк кылиськиз. Эх. Ветлысал. Гожтэ вал кин ке мар отын вал. Тунсыко вал-а? Шулдыр-а мӧзмыт-а вал?

Хотя... Мар аслам малпанъёсам оломар малпасько. Как обычно вал, дыр. Трос солань-талань ветлӥсь адямиос, фонограмма, кырӟаны быгатӥськем нылкышноос, вузкарисьёс.

Ӵуказе ял каро. "Открытой город" фестивале ветло.

18 июн. 2014 г.

Узы сиысал

Мама гочатэ:
-Узы бадӟым туэ. Только зорен йырин бичаны мыныны уг луы.

Эх.. Сессия йырин узы но сиытэк кылё ни-а мар-а.. Боксэ мыныкум, отӥ "Электротехника в быту" дугдылонни палан гуртӥсь вузкарисьёс сыло. Оломар но вузало. Кешыр, барангы, кубиста, редиска, сугон... и узы... Копак отын со ческыт зын... Но туж дуно.

А Камдурын али со марке мында, дыр. И ваньзэ сое бичало, дыр ял карисьёс.
Соос вообще номыре адӟымтэмъёс кадь так-то. Гужем лумбыт отын. Весь мар ке бичало. Пыштурын, боры... Вуысь потатэк пыласько. Тужгес но пӧсь дыръя яр дурын лёгиськон интыез ик уг луы. Ми пал гуртӥсь адямиосты ик уд адӟы отысь. Вокщё палэнысь вуо. Мактасько но кадь прудъёссы вань шуса... Только всё равно ми пала вуо, тодыса но, что адямиез кузьыли мында. Бервылэз парсь кадь кельто. Адӟем уг поты соосты со понна. Лыктӥськоды ке, асьтэдыс куноын кадь возёно со.

15 июн. 2014 г.

Блоглук мед луоз)

Челныын автобус возьмаку

Ижевск - Набережные Челны - Бавлы - Урустамак - Николашкино - Бугульма - Набережные Челны - Ижевск

Милемыз ӧтизы Республиканской Гербере Татарстанэ. Трос кузя потӥмы сюрес вылэ. 8 кузя, огез эшшо сьӧрамы бергес вуиз. Мон, Тихонова, Бикузин, Марайко, Луша Шихова, Лена Рябина, Маша Игонина, Золотарева, Гриша Григорьев.
Мон малы ке туж ик ӧй малпа вал отын паймыны. Быдэс нунал сюрес вылын на эшшо, куинетӥ нуналаз гинэ бертоно луоз...

Нырысь милемлы вуоно Челные электричкаен, нош отысен Бавлые Пронин доры. 400- а мар-а километр.

Сюрес зэмзэ но милемыз туж жадьытӥз, жадьытытӥз на юэм воргорон, кудӥз милемын быдэс сюрессэ мынӥз зульыса, изьыны сётытэк, ёрыса.
Бавлые вуыку куазь чилекъя ни вал. Шумпотыса потӥмы автобусысь, нош отын мыняса сылэ Пронин. Кыӵе со шумпотӥз, ӧжытак ачиз но паймыса шуиз:" Ой, и ваньмыз мон доры..." 7 нылаш чыртыяд мед ошиськоз ай)

Бавлы Алнаш быдӟагес ик. Туж чебер отын но живописно. Алнаш даже не сравнится, дыр. Ӝужытэсь вырйылъёс (Предуралье ук), пичиесь коркаос выемын писпу пӧлы, урамъёстӥ ветлоно уллань-выллань тубаса, гурезё шуод-а мар-а... Самой ӝужыт вырйылаз тубом шуим. Со, пе, почти самой вылӥ точка Татарстанын. 
"Нырысь кунояны пырто", - шуиз Пронин. Пырыса ым усьтӥськиз. Бадӟым куноослы кадь ӝӧк пуктӥллям...
Потӥмы ӝытпал гурезе. Тубонэз жадьытӥз, нош кыӵе чебер усьтӥське адӟон... Пукимы тылскем котырын, тодэ вайыса, кызьы котькудӥз тодматскиз Пронинэн.
Гурезьысь васькыса сӥть кадь луимы. Кроссовкиос номырлы уг ярало (зор бере музъем мускытгес вал), штаниос кыжмемын... 3 часозь уйинозь пукимы ӵушылыса кроссовкиосмес, штаниосмес, валаса, что соос 3-4 час куспын уз куасьмелэ, что ӵуказе зороз обязательно. А кытчы пырод? Кырсь штаниен уд мыны ук Гербере. И вообще луоз ик меда?

Йӧназ изьытэк султӥм вазь ӵукна ик. Конечно, кисьтыса зоре. Кыӵе Гербер на? Фенэн, утюген куасьтӥськомы шузиос кадь штаниосмес. Сомында адями куинькомнатаё квартираын. Кызьы азьло 12 нылпиосын уло вылэм?

Нуизы Урустамак гуртэ, кыдёкын ик ӧвӧл Бавлыысен. Пронинлэн двоюродной выныз доры. Опять ӝӧк сьӧры пуктӥзы.
Гербер ортчоз, пе, клубазы. Зор ултӥ ик шлёп-шлёп мынӥмы клубазы. Интыез ӧвӧл. Тырмемын адями, сценаез адӟыны ик уг луы. Ӝокыт. Мырдэм шедьтӥмы инты.
Мар шуод? Кожай, что мон вуи 60-70-тӥ аръёсы. Сцена, фон - пепыръям басма, зал трос мӧйы нылкышноос, вӧзазы нунокъёссы. Кудог кырӟасьёслэн дӥсьёссы но  будто со аръёсысен ик ай. Псевдоудмурт костюмъёс, кудъёсыз шоры учкыса уд вала удмурт-а ик со.  То ли мынам синмы озьы адӟиз, то ли пельыкылӥз, но тросэз фонограммаен кырӟазы, ымзэс усьяса. Пушкись куара ямсыз кылъёс вераны кутскиз, ку пичиос потӥзы и кырӟазы "бадӟымъёслэн куараоссынызы". Со, конечно, туж серем, ку 6-тӥ классын дышетскись пиос боз-боз воргорон куараен кырӟало, но блин... Блин... Мон, валасько конечно, что номеръёс расчитаны вал на то, что соос ортчозы возьвылын, бадӟым интыын.

Фонограмма, фонограмма, фонограмма... Пель ял каре ку сотэк кырӟало. Мон дышиськем ини правильной удмурт кырӟанъёслы.
Нош кыӵе но кылъёс ӧз вера Айкай выступать карем бере концерт нуись ӟуч нылаш, самой серемъёсыз "несравненной" но "фееричной".
Ӟуч но удмурт кылын нуизы. Удмурт кылын Паша Александров нуиз.

Олокыӵе но ёросъёсысьтызы вуиллям, сыӵе ямсыз куазен но.
Бырйызы на чеберай. Шушы Натӥ луиз чеберай. Со зэм но сыӵе вылэм)

Концерт бере нуизы школаязы столовое. Сюдӥзы, сектазы. Сектаськисесь. Паша Александров собере пыртаз музеязы. Бадӟым ик ӧвӧл, арбериез но трос ик ӧвӧл. Но вань ик паймымонъёсыз. Сюлыкез та дырозь кутылыса учкем ӧй вал на.

Собере со милемыз нуиз ас гуртаз Николашкиное. То есть пуктыса лэзиз, ми ведь трос кузя, машина но трос кулэ. Нырысь рейсэн мынӥм, анаез милемыз мунчое вокщё лэзиз. Бон, ярам. Пыримы. Потӥськомы но эшъёсмы только вуиллям, паймыса ми шоры учко.
Татын но ӝӧк сьӧрысь ик ӧм поталэ.  Ярато та палъёсын  кунояны. "Сиське, сиське, -шуэ Пашалэн анаез, - тани еще пельнянь пӧзьто. Так 700 пельнянь кутӥ шат?" Милям ымъёсмы каллен усьтӥськизы паймыса. 700?! Ох, таосын...

Песянаез доры нуиз. Ми паймим со мировой песянайлы... 77 арес адямилы, нош сыӵе задор. Балалайкаен шудэ, кырӟа, эктэ. Серекъятытэ ваньместы. Паймымон адями. Сектатэк, сюдытэк ӧз лэзьы. Милям шокан пасьмы сиськыса пыдсаське ни вал кадь.

Собере ӝытаз обратно клубе позыръяськыны мынӥмы) Игонина тылъёссэ бергатӥз но пазяськиз) Удмурт кырӟанъёс лэзьяз Паша.  Татын, шӧдске, паймемын таӵелы. Вокщё. Дискотекаын удмурт кырӟанъёс. Да вы что?

11 часэ уин тубамы Айкай гурезь йылэ.
Паша доры кӧлыны мынӥмы. Вазь ӵукна, пе, султоно. Султӥм кадь. Будильникез но кылыса мугор ӧз ӝутӥськы. Опоздать каримы автобусамы. Табере, пе, Бугульмаысен гинэ матысез Челные мынэ. Ма мар карод? Кытчы тӧл - отчы ми. Зато эшшо одӥг Пронинъёс доры пырам. Тушо Пронин доры: ) Татын но сюанэ кадь ӝӧк дасяллям... Атайзы яратэ фотое пуктылыны, мар ке мында фотоос. Соосты ик учкыса дырмы вуиз кошкыны...

Мон синмаськи та палъёслы. Зэм. Мон уг ик малпаськы вал, что сыӵе зол синмасько. Нюлэсъёс но бесконечной ӝужытэсь вырйылъёс... Мусоесь, пичи, буям коркаос. Укнооссы ворсасько урам палтӥз. Выжыкылын кадь. Тӧдьыен буямын коркаоссы. Пашалэн песянаезлэн но сыӵе ик. Нош пушкыз... шоканы ик вунэтӥськод кадь пыриськод ке. Мусо-мусо-мусо.
Кыӵе ӟечесь, открытоесь адямиоссы...
Диалектсы вокщё отдельной тема. Паша Александровлэсь кырӟамзэ нырысь кылӥ вал Эль нылын. Серекъяй вал дышемтэисьтым солэн диалектсылы. Нош куинь нунал татын кылльыса мусо потэ. Трос бигер кылъёссы.
Ваньзы кенлы нылъёсмес кельтыны туртто нош. Синмасько кырӟась- эктӥсь нылъёслы. Лушкалом шуо)

Вообще туж трос кырӟало. Сиськон висказы но) Паймоно ик кадь.

Маи  ке но кылиз кадь мынам отчы... Мӧзмыт ик.

9 июн. 2014 г.

Сырьезьвидео

Сырьезь

Сырьезись туннэ вазь ӵукна вуимы Ижкаре.
Сыӵе уг поты татчы лыктэме, малпаса ик, что сояз арняисен кутскоз сессия.
Сырьезьын умой, нокыӵе шуг-секытъёс сярысь уд малпаськиськы. Лякыт, каньыл... Инкуазь . Берлозэ вуылӥ вал отчы сояз гужем, уин. Толалтэ гинэ чеберзэ адӟем вань та гуртлэсь.
Гужем эшшо но шулдыр луэ вылэм. Сомында ӵыпетсы. Пайми ӧжытак. Ми палан чик ӧвӧл(
Куд -ог дыръя учкисько ке, кыӵе ке мукет ракурсысен, аслэсьтым но гуртме адӟисько кадь. Ма вань гуртъёс одӥг кадесьгес ик кадь, ӧжытак гинэ пӧртэм.
Шумпотӥсько кытчы ке кошкылӥсько ке. Шоканы каньылгес луэ кадь.

8 июн. 2014 г.

Сессия скоро

Малы мынам именно сессия азьын кутске бурной улонэ? Весяк, одно кытчы ке мыноно, кыти ке калгоно, отчы но татчы ӧте.
Эх...

5 июн. 2014 г.

Тылобурдо

Мар меда мон сыӵе шузимисько всякой сюлэмез шурдытӥсь арбериослы. Мыным турслётъёс, кечыръяськонъёс, парашютъёс, аквалангъёс подавай. Номыр шоры учкытэк, бызьыса мыно ӧтизы ке.

Туннэ лобамы парапланэн, быдэс толэзь возьмай. Нуназелы лыктӥмы, нош туж зол тӧло вал, возьмано, пе, кык час. Колтыр - калтыр ветлӥмы сиён утчаса, пока ветлӥськом зор улэ но сюримы. Кыӵе ке забегаловкае вуим. Сиським но выльысен вуимы.

Сюлэм малы ке вӧсь луэ кадь учкыса, кыӵе куштӥськемын аэроклублэн котыръёсыз... Памятникъёс, коркаос куажгало  ини, котыр будосъёс "сиё", "ньыло" ини соосты. Совето союзлэн былой кужымез.... Кыӵе со азьло кужмо клуб вал, дыр. Кинлэн гинэ сыӵеез вань меда. Ваньзэ но кушто лэся. Картинг, пе, лэсьтыны туртто отчы.

Парашютэн тэтчанэз юамы.  Эн, пе, татын тэтчалэ, мынэ Мензклинске. Отын огпол тэтчыса кӧт тыре. Отын туж йылӥись тэтчо инструкторен ӵош. Нош татын куинь пол тэтчытэк номырзэ уд вала. Сыӵе йылэ но уг тубыто. Нырысь тэтчыку номырзэ уд валаськы, музъем вылэ но оломар кадь пуксёд.  Кыкетӥзэ тэтчыкуд валаськод ини кыӵе со кӧшкемыт, улад можешь (пардоньте) лэзьыны. Куинетӥзэ гинэ тэтчем бере ито умойгес. Валаськод ини марзэ но созэ. Нош Мензелинскын пока сокемысь тэтчиськод курдаса но, улад лэзьыса но, шумпотыса но вуод :)
Вот сыӵе тонкости да мар да:)

Туж кема возьмамы кадь очередьмес.

Лобӟи. Мон кожай вал, что кышкало сокемозь лобӟыса. Чик но ӧй кышка. Так ке мон вылӥлэсь уг кышкаськы.
Сюлэм чеберлэсь гинэ шурдэ кудзэ адӟиськод сокем йылӥын. Мыным потэ, ӵем сыӵе релаксация кароно:) Сразу валаськод кыӵе дунне чебер, кыӵе тон яратӥськод улонэз.

Кӧты ӧз тыры кадь. Лобасал на. Пилотъёс но парашютистъёс шуо ук, что огпол лобӟиськод ке, тынад сотэк улэмед уг ни поты. Озьы ик, дыр, со. Сомында чылкыт омыр, сыӵе бадӟым эрик, шуныт тӧл...

3 июн. 2014 г.

Кызьы Марина пӧраське

Толон. Мар ке сиёно вал. Так. Мар вань морозильникын: чорыг (мама Женялэсь кутылэм карпъёссэ лэзиз вал), клюква, сӥль. Ярам, пыжо чорыг. Хотя туж ик уг яратӥськы. Огпол но пыжеме чорыг ӧй вал на (адямилы 21 арес ини). Так.  Кызьы каре вал мама? Нырысь вандылоно, сре сылалэн зырано. Шкафын чорыглы приправа вал кадь. Пизьнало, ческытгес луоз. Так. Эшшо пызь пушкын погылляно вал кадь. Понӥ сковородка вылэ. Малы ке тодам лыктӥз клюква. Тыри чорыг вылэ, мед сокез пыӵалоз. Кытысь ке но кылэме вань, что чорыглы клюква тупа.
Ческыт луэм.

Тӥни озьы мон сиён пӧрасько. Так то мон вообще уг яратӥськы пӧраськыны. Туж. Картлы поварез утчано луоз:)

2 июн. 2014 г.

Кизили

Туннэ урамысен пумиськи Поздеевен. Мар ке вераськыса сылӥськом. Кыӵе ке кык юэм пинал пияшъёс дорамы кожизы мынонъязы. Мон мар ке куаляк уси. Поздеев шоры чиньыенызы возьмато: " Я же вас по телевизору видел, не?" Поздеев:"Возможно". Пияш:" Не, точно. Режиссёр -постановщик удмуртских дискотек ведь".

Ну мон татын серекъян кутски малы ке. Пияшъёс эшшо мар ке вераны туртто вал кадь, но Поздеев чуть ли не бызьыса кошкиз:) Кизили)

1 июн. 2014 г.

Гырон-быдтон

Гуртын шу сяська зын вӧлмемын, сояз бертаку копак сирень зын вал на, нош валляназ улмопэн льӧипу сураськем зын. Буёлъёс но воштӥськиллям. Таяз бертакум одуванчик пурӟе ини. Котыр тӧдь-тӧдьы, капчи буёл, сояз нош таш-таш тӧдьы буёло вал гурт, синэз ик мальдытӥсь...

Толон вал гырон-быдтон праздникмы. Кидык шур нимаськом нюкез кытын со ортчиз. Трос ик адями малы ке ӧй вал. Куноосты ӧтиллям. Бодьяосты. Милям гуртъёсмы, пе, вашкала дырысен эшъясько ини. Ог-огзы доры шудыны, пе, ветлыло вал (кыӵе мусо кыл "шудыны"). Концерт милемлы возьматӥзы, эктӥзы, кырӟазы. Только аргантэк, фонограммаен( Арганчизы ӧвӧл кадь...

Ӝук но татын ик сиимы. Азьло ведь юри вӧсяськон нюкын ик пӧзьто но сиё но вал. Али ваньзэ огазеязы. Вӧсяськон нюк сярысь но вунэтӥзы...









Тюрагай шудон