19 июл. 2014 г.

Быг -быг. 1 -тӥ нунал

Али 3.20 час. Мон выдӥ. Быдэс мугор жадемын. Султоно 9.00 часлы.

Лыктӥмы туннэ фестивале Марайкоен вазьгес окольной сюресъёсын. Мувӧй поттон сюресъёсын. Чаляк гинэ вуим.

Юля Никитина, пе, больницаын. Мар ке алама солы луэм. Сыӵе но жаль потӥз. Туннэ ӵукна мед умой луоз ни вал, ато сотэк ӧжытак татын бардак.

Вуимы. Маро. Ми обычной журналистъёс кадь ик адӟиськиськом Марайкоен. Регистрировать, пе, ум каре, значит ум сюдэ но изён инты ум сётэ. Ну, ярам, шуыса кошким. Сое тодӥз Богдан, нош со верам Поздеевлы, нош таиз разбираться кариськыны мынэм. Озьы-тазьы но талон сиськонлы сётӥзы, изён инты шедьтӥзы. Монэ Кузнецовъёслэн семьяязы интыязы. Ярам, туж ӟеч.

Мон пайми. Пайми кызьы чеберъямын площадкаос, кытын ортчоз юмшан. До того чебер. Арня куспын лэсьтэмын шуизы. Паймод но бырод.

Нулдӥзы экскурсие 7 ошмесъёс доры. Трос ик та палан ошмесъёс. Милям гуртамы кык гинэ. Экскурсия так. Ӝынызэ кылӥ, ӝынызэ ӧй. Шаплы, дыртӥсь, пинал гидмы вал. Ӝынызэ кылытэк но кылиськиз кадь. Бон, ярам ни, кытысь ке кыло на, лыдӟо на. Главно - вань ошмесъёс, пе, йӧнато.

Зато мон музейтӥ кадь коркаос шоры учкыса ветлӥ. Кыӵе татын чебер коркаос! Сюлэм шурдэ. Кыӵе наличникъёс! Тани городэ вуи ке, одно фотоос тыро, ява. Тӥ но паймоды, дыр. Каждой гуртлэн чеберез со.

Собере мастер-класс вал варсь (сусло ) пӧзьтонъя. Видео снимать кари. Тожо кушто, учкоды. Веръям. Мыным шу кисаль шӧм потӥз.

Собере поваръёс пӧлын ӵошатскон вал. Мон малпай вал, что Эстония вормоз.  Эстония ик вормиз) кулинарной поединок вал со.

Собере учкимы фотооссэ тодмо француз фотографлэсь. Жан Франсуа Клозе.  Марзэ но созэ визьмояй. Туж тунсыко. Чёрно -белой партретъёс пуктылэ.

Нош собере Эктоника вал. Мар ке Богдан эке-ке. Ярам, котькинэн оломар но луэ) шулдыръяськизы. Татын трос егитъёс. Так вообще шуизы, что 630 адями гуртазы. Бадӟым ик.

Собере егитъёсын шур дуре пукыны ваським. Татын соослэн, пе, люкаськон интызы. Эктӥзы, сектазы, шумпоттӥзы. Финъёс шуо: "Тӥляд удмуртъёслэн если не сектаськон ке, то эктон да шулдыръяськон, но милемлы та ваньмыз кельше".

Но Быгы зэмзэ монэ ӧжытак паймытӥз ик. Ӟечокъёс. Учком мар ӵуказе луоз:) то есть туннэ 5 час улыса.. изёно)

Комментариев нет:

Отправить комментарий