5 июл. 2014 г.

Ува-Вамья

Ми ветлӥмы Вамьяе (со луоз клиника, али пуктӥське на. Куштӥськем гуртын сылэ, одӥг улӥсез гинэ на вань).

Зор ултӥ, котмыса вуи автовокзалэ. Туж странной компания люкаськиз. Туж. Дарали (вообще-то этим всё и объясняется:)), Марайко, Света, Дарина Якимова, скейтер но кыӵе ке пияш-одуванчик (со в прошлом, то ли али но, музыкант кадь. Туж умой разбираться кариське Ижкар крезьгурын ). Мон тупай пуксьыны пияшен -скейтерен. Мон куд-ог дыръя тупасько вераськыны со скейтеръёсын. Туж ӵем ик уг ке но (может со и умой) но тупасько. И примерно валай ни кадь маин соос уло, кыӵе соослэн улон шоры учконзы. Паймисько ик мон соослы. Соос туж дружелюбноесь, мар ке но весь верасесь. И ваньмыз просто. И котьку мыняло.  Тани таиз но пуке вӧзам но шуэ:"Кылзод -а кырӟан?" но сётэ мыным пал наушниксэ. "Сейчас ,-шуэ, - мон гожъяло телефонысьтым кырӟанъёсты кассетае ". Соослэн сыӵе... Ммм... фишказы, шуод-а мар-а, соос туж мусо относятся вуж арбериослы, валаса соослэсь качествозэс. Поттӥз сумкаысьтыз кассета но плеер. Озьы мынӥм кылзыса. Сыӵе музыка. Кызьы валэктыны уг валаськы, олокыӵе но стильёс сураськемын. Но мынам сыӵе крезьгурез кылыса син азе пуксё тропикъёс, вож-вож сочной турын-куарен. Табере котькызьы син азяды пуктэ:) Вот.
Дырын -дырын мар ке зульыса мынӥмы. Куазь быдэс сюрессэ зориз кадь.

Ува,  Алнаш, Можга, Пурга - ваньзы одӥг кадесь. Вератэк кудаз ке куштӥзы ке, уд  но тодма. Сыӵеесь ик безвкусной рекламаос, мар ке быдӟа букваосын, быдэс стенаез басьтӥсь САМОРЕЗ, ЦЕМЕНТ или мар ке в этом стиле гожъямын. Сыӵеесь ик коркаос, ульчаос.
Ува - со вуо, кизьымтэ бусыо, смешанной нюлэсо ёрос. Эшшо нуназе но, ӵукна но, ӝыт но кузькукъёс лобало. Акылесэсь маркеос.

Нуизы Вамьяе. Зэмзэ вераса "странноватойгес" инты. Ну, может быть, со милемлы гуртоослы озьы йӧтэ. Городысь адямиослы со диковинка луоз, дыр. Например, со ик скейтерлы но пияшлы-одуванчиклы. Куштӥськем гурт, одӥг гинэ улӥсез. Зато муш пасека вань. Гань -гань, ышык интыын интыяськемын.
Корка пуктӥське на, кудӥз клиника луоз. Пушкыз выль корка зын, кемалась ини сыӵе зынэз зынъяме:)
Вуиз ке туж тунсыко инты луоз, дыр. Мунчоез но вань. Гань -гань. Вӧзаз юри ӵыпет пичияк лэсьтэмын. Кузёез, кстати вунэтӥ вераны, Геннадий Голубев, вераз на отчы чорыг лэзёз шуыса.

Лэсьтӥмы кыкетӥ нуналаз фотосессия выллем мар ке (лыктэммылэн причинаез). 5 часэ ӵукна ик султыса. Нокин уг адӟы тонэ, нокинэз гуртын ӧвӧл. Тон огнад. Хоть шыргольык ветлы.

Фотое пуктылыса ветлонъямы черника (кудымульы) шедьтӥм. Нырысьсэ адӟи модосъёссэ, нырысьсэ ас киыным бичай. Кошкеммы ик уг луы ни вал кадь, мар ке мында.

Гуртлэн интыез шулдыр ке но (вӧзаз нюлэс но пичи шур), бервылыз туж мӧзмыт адӟиське: котыр пушнер, ӥӧны будэ, гопъёс. Азьло корка интыос вал, дыр.

Чылкак оген кылемды потӥз ке, самое место тӥледлы татын. Нокин уз ёры, уз иса.

Ува берен келякузы пыртазы на санаториязы. Огшоры советской санаторий. Варзи -Ятчиын чебергес шуи но Дарали вераз:"Со тынад чувство патриотизма". Ӧвӧл. Зэм о чебергес. Ландшафтэз Варзи-Ятчилэн тросполлы чебергес. Эшшо олокыӵе будосъёс мерттылэмын на. Нош татын котыр петунияос. Зато ӵыпетсы отменной. Чылк-чылк Варзи-Ятчиен ӵошатыса.

Ува. И Ува. Больше номыр.

P.S. Вамья сярысь трос верам уг поты. Асьтэс ветлыса учке. Мыным не в диковинку со. Ми палан но сыӵе ик куштӥськем гурт вань. Петропавловск нимаське. Петропавловский могильникеныз.

Комментариев нет:

Отправить комментарий