2 авг. 2014 г.

5-тӥ нунал. Кекоран.

Ӵукна кутскиз ӟеч. Кабачи гуртысь потонъямы мыным черникаен но крыжовникен пуйы лэзизы)

Кекоранэ туннэ мынӥськом. Отын луоз "Ворекъян" фестиваль, кудаз ми ортчытом мастер-классъёс но концерт. Ӧжытак жадемын ини, эшшо туннэ палаткаосын изёно луоз...

Кекоранын мынам пересь ӵужае поезд сюрес лэсьтэмын. Ку адӟи, кыӵе со сюрес, кудмындалы со ӝутэмын, мынам пигон султӥз, юзыр-кезьыр луыса... Эшшо возьматӥзы на землянкаосты, кудаз уло вал ужасьёс... Со просто... Вераны кыл уг сюры, малпаса кызьы ужамын татын нылкышноос но нылпиос.
Кӧ (вал кадь) гурезязы тубам, татысен быдэс гурт адӟиське.
Азьло татын вукоос сыло вылэм.

Гуртсы огшоры. Трос пулэсь коркаос. Вужесь ини. Зато школазы марке кадь чебер. Алигес усьтӥськем на.

Собере мынӥмы черксэс адӟыны. Мынам со сразу син шорам усиз. Туууж чебер архитектура. 1844 арын, пе, пуктэмын ини. Мг мг мг мынӥ ини ваньзы сьӧры, пырон азяз ваньзы вылазы кирос тыризы, нош мон некрещенной бере, кудласянь кутскыны ик уг тодӥськы. Мынам ноку сыӵе ступор ӧй вал, ку ми экскурсӥостӥ черкъёстӥ ветлылӥм вал. Священник синъёсыя валаз кадь мон не на своём месте шуса. Шып пуки  ини. Малы ке возьыт вал.
Священниксы туж но туж визьмо. Психологический факультетэз, пе, быдтэмын. Оломар но милемлы вераз.  Нош мон всё равно оломар луисько. Черк зынлэсь но. Может куке но ческыт зын потоз со мыным, и со зынысь шедьто аслым умиротворение.

Кык час кыле на вал "Ворекъянэ" мынытозь. Школьной раздевалкае кельтӥм вал дӥсьмес. Валимы изён мешокъёсмес но изьылыны выдӥм выж вылэ.

Мар верало мон Ворекъян сярысь. Люба Широбокова, кудӥз та фестиваль понна бызьылӥз, бадӟым молодец, а может ӧвӧл. Ну учке асьтэос.  Тодмо вал ини, что Ворекъянэ лыктомы ми, арт-экспедиция. Милям отын рольмы туж ик пичи ӧй вал. Костяен Надя дискотекаез, концертэз нуыны кулэ, мон, Таня, Гриша мастер-классъёс ортчытыны, нош мукетъёсыз концерт возьматыны. И, внимание, милемылы даже выделить каремын ӧй вал площадка палаткаосмылы. Ваньзылэн, значит, гожъямын кинлы кытын. Нош  ми 20 минут утчаса ветлӥм кельшымон инты, котыр кузьыли каръёс.
Собере нуимы ми мастер-классъёс. Пока нуиськом, вань сиён сиям, быре вылэм ини. Неужели уг луы вал милемды организованно сюдыны хотя бы?
Та фестивальлы мынам туж трос юанъёс. Мыным потэ, что Ворекъян уг вала кыӵе вообще солэн целез но задачаосыз. Чёткой планэз ӧвӧлэн шат? Мон валасько, что ортчытыны таӵе ужрадэз кулэ туж трос кужым но нерваос. Но кызьы ке ведь, например, куд-ог адямиос 2 но ужрад лэсьтыса вуо толэзяз и малы ке ваньмыз пӧрме.

Фестиваляз адями вал. Трос но ӧжыт но ӧй вал. Шоро. Ӟуч но удмурт кылын нуизы фестивалез. Пель жадиз кылзыса. Удмуртысь ӟуч кылэ слово в слово берыктэмын. Луэ вал, дыр, например, нырысетӥ Эль нылын кадь - ӧжытак переводэз мукет. Любалы туж тупасал удмурт дэрем, например. Соведущиезлы тупам ук.

Кырӟанъёс но лэзьязы удмурт-ӟуч-англи- удмурт.... Тутаев диджей вал. Кельшиз. Да и, вообще, дискотека самой умой вал. Туж. Но смутило тодӥськоды-а мар? Сцена вылысен верало: "Объездной сюрестӥ, пе, ветлэ, урам шортӥ эн. Адямиослэн спокойно иземзы, пе, потэ. И еще пичиятом, пе, музыкаез, 11 час бере шуметь карыны уг яра." Одӥг уйзэ чиданы же уз быгатэ. Вот бы милям гурттӥ ветлӥсь машинаослы озьы котьку мед верасалзы...

Пока удмуртъёс кошкизы Пузкар учкыны, мукетъёсыз кылизы возьвылэ, солань -талань ветлӥзы, мар ужан паймыса. Волейбольной сетка ошиллям, хоть кыӵе ке ӵошатскон ортчытэ вал.

Ми но малы дасэтӥ пол адӟомы Пузкарез шуыса, мынӥмы куное концерт кутскон азьын. Вася Широбоков дораз ӧтиз. Ой, мар ини со адями:) Котыр ваньмыз пулэсь, чебер, резной. Сразу адӟиське кыӵе со мастер. Мастерскойзэ но поттаз учкыны. Лад-лад лэсьтэмын. Даже мастерскоезлэн укнояз но наличник понэмын: )

Ну вот позыръяськыса вань кӧт ӝожъёс ик быризы кадь, вань алама малпанъёс тӧлӟизы. Ачид ке шулдыръяськиськод, котькытын шулдыр.

Изьыны выдӥмы палатка пушкы куать кузя, кынмыса кулэммылэсь курдаса. Мукетъёсыз Вася доры кылизы, нош милемлы кулэ вал шӧдыны, что та чын экспедиция. Ми со палаткаямы ӝокаса кулылӥськом вал ни кадь. Пӧсь мар ке кадь, килькаос кадь, лишной раз уд но выр. Зато шулдыр. Зато адямиосты умойгес тодӥм, соос но милемыз.

Комментариев нет:

Отправить комментарий