29 сент. 2014 г.

Непоностакзолотуха

Толон вал дегустация. Котькудӥз ваем аслэсьтыз калык юонзэ. Кема пуким. Толон вообще йырвисьымон нунал вал. Быдэс нуналзэ нокытчы ӧм поталэ.
Финъёс туж чебер кырӟало. Кык пол кырӟан туж лиричной кырӟазы. Пиосмурт сярысь, кудӥз пуке нюлэскын куректыса.

А эшшо ведь Эктон коркаос ветлӥзы. Макем кельшизы бон. Табере ӝытъёсазы ветлыло. Котьку адӟисько мар ке выльзэ удмурт эктонъёсысь. Таяз тани синъёсме вошъятэк учки пыдъёссы шоры, малы ке шуоно туж матын эктӥзы. Со пичиесь, весчиесь, мусоесь нылъёслэн пыдъёсы кулэсь ботинкаосын... Сыӵе изящество. Кызьы гинэ соос чидало сомында эктыса, тыпыртыса. Весь ведь пыдчиньы йылын тэтчало. Кызьы гинэ пыдъёссэс вошъяса вутто. Мон понна со кыӵе ювелирной уж кадь.
Нокин монэ переубедить уз кары, что южной удмурткалэн самой чебер дэремез. Со ваньзэ ватэ но кадь, ваньзэ возьматэ но кадь. Со весчи осиной кусъёс... Шонер тыбыр... 
Туннэ милям вообще вал костюмъёслэн нуналзы. Ваньзы ветлӥзы калык дӥсен. Ну почти ваньзы. Мон верало, хоть и некорректно, дыр, что удмурт дэрем зэм но самой чебер. Вань кулэ арбериоссэ ныллэсь подчеркивает но, ватэ но.

Нош туннэ проектъёслэн защитазы вал. Опять биниськи кытчы ке. Малы? Незнай. Ӧтизы милемыз "Малы ке шуоно" программае. Точно табере биниськи. Валэктоды,пе, программаын что к чему.

...Мон туж жалею, что ӧй нуы сьӧрам фотоаппаратме. Кыӵе чебер фотоос луэ вал пуктылыны... Сыӵе татын санаториын советской шӧм. Монументальной. Таш -таш. Эркын. Бадӟым укноос но минималистической конструкциос. Ох... Мон шузи...

Вуи ини городэ. Сюлмысь кирпич но усиз кадь. Сюлмын мар ке умойтэм но кадь огласянь. Мар ке каръяськемын. Секыт аж.

То ли сӥзьыл, то ли мар. Висён вылэ висён. Не понос так золотуха шуо кадь.

27 сент. 2014 г.

Кыӵе ке капец

Султӥ валатэк. Кытын мон вообще?! А. Точно. Глазов сьӧрын. Санаторийын. Мар мон татын карисько? Мон семинарын.

Туннэ Иднакаре, пе, мыном. Ура. Кемалась адӟем потэ ни вал.

Нырысь нуизы ГГПИе. Отын ми тодматомы, пе, асьмемыз студентъёсын.  Аха, аслым бы тодматскыны на эшшо. В прострации ветлӥсько. Тодматскимы презентациос пыр. Печа куча нимаське способ. 20 слайд, каждой слайдлы сётӥське 20 секунд комментирования. Вуид ке вуод, ӧд ке уд. (Именно та презентациосты ваньзы лэсьтыны кошкизы докладъёс бере. Доразы лэсьтӥллямтэ кудъёсыз но соосыз. Туж ямсыз вал поступоксы. Соос понна ваизы Иж кемысь кырӟасьёсты, нош соос ӧз но лыктэ учкыны, кыллизы презентациоссэс лэсьтыса). Ну вот. Тани кинъёс семинарын:
Коми
Удмуртъёс
Мордва    
Эрзя
Карелы
Финны
Ненцы
Коми пермяки
Марийцы 
Ханты
Манси

Собере мынӥмы Иднакар музее. Татын вань макетсы. Со туж крутой. 3D кадь. Будто кыдёкысен адӟиськод Иднакарез. Пичиесь коркаос, бераз фонэз вогнутой кыӵе ке, и ӥӧтэ, что отын дальше чын-чын нюлэс. Туж реалистично.
Эшшо ас синмыным адӟи со чеберъяськонъёсты) всякой тылобурдоос ӟаӟег пыдъёсын.

Собере нуизы городищее. Кыӵе йырпоромытӥсь инкуазь гурезь йылысен. Почти Елабугаын кадь. Чёртово городищеисен. Вот мон табере примерно син азям пуктӥ кыӵе вал ландшафт, ку Голюшурма интыяз сылэ на вал и Нижнекамской водохранилище ӧй на вал. Со шикарно. Только инкуазен татын паймытӥзы. Лучше зэм но, мед лэсьтысалзы музей под открытым небом. Памятник, пе, федерального значения, а котыр жуг-жаг будэ.

Пичияк экскурсия городтӥ лэсьтӥзы милемлы, Иднакаре мыныкумы. Ой. Ну мон просто синмаськи ини Глазовлы. Хоть татчы улыны кыль. Богдан шуиз вал, что татын Советский Союз шӧм кылемын на. Зэм но. Сомында со архитектура советской. Сомында скульптураос. Урамъёслэн нимъёссы но советскоесь, эшшо ке соос сюбегесь, писпуос кузяз будо. Татын туж трос писпуос. Город выемын писпуос пӧлы. Эшшо ке куазен удалтӥз - котыр ӵуж-ӵуж, горд, напӵуж. Вообще. Син кыле. Коркаос но напӵужесь, вожесь. Остэ. Мар кадь чебер. Сразу малы ке тодэ лыктэ Пушкин город.

Собере сиськеммы бере ширтӥм Золотарево гуртэ. Начаргес гурт. Син сразу адӟе. Пумитазы дом культурызы палан "Пестро саес" ансамбльзы. Ну вообще. Мынам таӵе ансамбльёсты адӟем ӧй вал на:) Нылкышнооссы только так шулало:) Олокӧня кырӟан кырӟазы: ӟучсэ но, удмуртсэ но, казаксэ но.

Культурая юртсы туж чебер. Пушкыз. Олокӧня сяськаос тубат кузя пуктылэмын, ӵушконъёс ошылэмын. Шунды эшшо пиштэ вал, соин но, дыр, туж чебер та ваньмыз адӟиське вал.

Кык группалы милемыз люкыса нуизы мастер-классэ перепеч лэсьтыны. Пуким, лэсьтӥм, сиим. Собере автобус палан пумиським. Кутскизы группаос мактаськыны. Мукет группаысь нылкышно бадӟым куараен, серекъяса шуэ:"А у вас была бабушка-алкоголичка, которая пыталась продать свой костюм? Нет? А вот у нас была!" И серекъя. Так ке серем ӧвӧл. Со нылкышно вообще ветлэ туж скептично. Серекъяса, пырсэкъяса свысока. Хоть озьы неправильно, дыр, мыным али вераськыны... Но. Вож потэ и куддыръя толерантность вокщё пыкме сыӵе адямиос шоры учкыса.

Дыртыса ветлӥськом, туж насыщенной режим дня. Вообще. Кыӵе ке дискомфорт но кадь. Вань вообще нушы адямиос. Соос уг дырто и соосты весь возьмано луэ. И собере кылдэ нервной обстановка. Ай. Вообще ке пофиг. Мхм. Мон пунктуальной адями. Лучше тани инкуазь шоры учкыса пуко.

Самой толерантноесь финъёс. Воспитанноесь. Финлы бызёно, нылъёс.

А. Еще мон чмошница кадь ветлӥсько балеткиен но носкиен.

Отмаз

Еще но еще толон малпаськыса кылли на, малы мон сыӵе алама докладме лыдӟи.

Малы? Опытэ ӧжыт? Да вроде, универын но лыдӟылӥсько кадь...
Малы? Мон малы ке малпасько вал, что луоз кафедразы. Что мон со сьӧры ганяк султо, со борды быгато кутӥськыны, пыкъяськыны. Озьы мон асме умойгес шӧдӥсько. Со мынам защитае тодмотэм адямиослэсь. Со нимаське невербальной коммуникация, кудӥз мон понна ӧз кылды. Тодмотэм адямиос, тодмотэм публика, бадӟым концертной зал и мон сылӥсько во всей красе, номырин неприкрытая. Киям эшшо микрофон, блокноте. И мон копак шымырскемын, кокыртӥськемын, берпалэным пыкиськемын сцена борды.
Нормально мон защищала курсовойме, например, быдэс факультет азьын, дышетӥсьёс азьын. Мон отын ватӥськемын вал кафедра сьӧры, пыкъяськисько вал со борды.

Ну ярам. Отмазъёс уг утча.

26 сент. 2014 г.

Йырчукин

Толон валлян Тронина шуэ:"Выручай,  лыдӟы доклад Глазовын". Ну яроз. Лыдӟо. Кӧлод на, пе, одӥг уйзэ. Паша Александров интые.

Автобусысен зырымме кыскаса мынӥсько, ньылон бичатэ, кытын ке берын Никитин кызэ.
Туннэ сюрес вылысен тодӥсько, что вовсе не Глазкарын луоз, а кар сьӧрын. Санаторий-пофилакторий "Чепца". Вуэм берам вообще тодӥ, что понедельнике ӝыт берто Ижкаре. Тау, Паша:) Сюрес вылысен ик тодӥ финъёс но, комиос но и эшшо олокинъёс но отын луозы шуса. Тронина мыняса мон шоры учкыса вера:"Мон верай вал ук..." Верад вал, оо, Оля.

Ӟеч лу, кема возьмам туалафест... Кыӵе потэ вал со концертэ ветлэме. Ну, ярам.

Санаториез адӟыса ӧй вутты на. Пыртӥзы сиськонние. Собере сразу нуизы доклад лыдӟыны.

Мон возьдаськи ачим понна, мон понна гордэктӥзы, дыр, татчы лыктэм удмуртъёс. Лошара кадь лыдӟи. Бг, мг сӥть. Кылъёс бинисько, зырым вия, кызэм потэ.

Зато берам жизнерадостно, эмоционально вераськиз Золотарева аслаз Кечол ӝытъёсыз сярысь.

Ярам ни. Берло дыре блог нуон мылкыд куашка но куашка. Акыльтэм ини, пе, лыдӟыны блогъёсты .  Арзамасов но та темаез котыръяса кошкиз вторнике дарали лавкаын, ку вал удмурт литературалы сӥзем ӝыт. 
Эшшо татысен кыӵе ке нылкышно вылӥисен учкыса шуиз, ку тодӥз, что самой трос лыдӟем постэ 239 адями:" Пфф.. И вы считаете, что это много? Вы же все тут говорите, что ваш блог самый читаемый. Мой блог читают больше." Серекъяса юаллязы мар сярысь гожъясько шуса. Ӵок.

Зато интыязы двухместной комнатае. Огнам. Гань-гань. Ваньмыз вань.

Али тӥни Пикулевез кылзӥсько. Кыкетӥ нунал подряд ни. Удмурт дискотека, пе.

Ньылон бичатэ, однако.

25 сент. 2014 г.

Благотворительной концерт

Берло дыре котькытчы бер кыльыса вуисько. Мар ке алама привычка кутӥ аслым. Туж урод. Вуи Лади Светилэн благотворительной концертаз 5 минутлы опоздать карыса. Адямиез Грифон трос. Сыло,  пуко.

Син азе сразу сюриз: мар ке мында нылпиос. Туж. Пичиесь. Вообще туж мусо учкыны егит семьяос шоры учкыны, кудъёсыз лыктӥллям пичильтыкъёсынызы. Кыӵе ке со туж нежно.

Люкано вылэм кыӵе ке концертной залэ. Но озьы опять же ӧз луысал таӵе шуныт, семейной атмосфераез.
Самой сэрегаз кылем на вылэм мыным инты. Шыпытак пуксьыса концерт учки.

Иваново-Самарскоысь автобусэн ик нылпиосты ваиллям. Табере эстафета но соос вылэ выжиз. Пичи Гришаме адӟи.

Вообще пайми, что трос вал тодмотэм адямиос. Может со, конечно, Иваново-Самарскоеысь вал. Незнай ини.

12000 уксё бичаллям. Туж умой со. Шумпотӥсько.

Зэмос удмурт веме - туж курутой эстафета.
Да и вообще, паймисько Поздеевлы: кытысь солэн сомында малпанъёсыз?  Кызьы солэн сыӵе йырыз ужа?

Доклад

Ӵуказе Глазкарын лыдӟо доклад удмуртъёслэн неофициальной мероприятиоссы сярысь. Тани мар мон верало. Доклад луоз ӟуч кылын, блогам гожтӥ удмурт сямен, так что зол эн тышкаське кырыж-мерыж переводлы (ма вообще-то мон дыши ини кадь со тышкаськонъёслы)..

Неофициальной мероприятиос со сыӵе мероприятиос, кудъёсыз лэсьтӥсько не бюджетной уксёен; ку мероприятие лэсьтон инициатива мынэ не государстволэсь, не мерлыко огазеяськонъёслэсь. Неофициальной мероприятие со - ку инициаторъёс луо огшоры адямиос, кудъёсыз асьсэ уксёен лэсьто мероприятиез.

Кудъёсыз но соосыз сыӵе неофициальной мероприятиос луо официальной, соку ини уксё мынэ бюджетысь. Кылсярысь, Элькуновидение.

Вань на сыӵе мероприятиос кудӥзлэн основаяз инициатива грантовой поддержкаен. Кылсярысь, Kama Records, арт-экспедиция.

Туннэ вераськом неофициальной мероприятиос сярысь, кудъёсыз лэсьтӥсько грантовой поддержкатэк.

Удмурт позыръяськонъёс. Ортчо ини 6,5 ар. Татын кулэ пусйыны: ваньмыз кутскиз Министерство национальной политики юрттэмен, но собере со юрттэт ӧй вал ини. Удмурт позыръяськонъёс уло асьсэ заработать карем уксёен. Татын 20-30 % доходъёс мыно егит кырӟасьёсты ӝутыны. Соослы гожтӥсько кырӟанъёс, репетиционной студиын репетировать каремзы тыриське. Ӧжыт ке но тиражен потто на печатной изданиос, кудъёсаз печатлало удмурт комиксъёс, егит поэтъёслэсь кылбуръёссэс, блогысь текстъёсты.

Кылсярысь, SWG группа аслаз пӧрмеменыз (в своём становлении уске) - яркыт пример вылӥ гожъямлы.

Блогъёс. Вань сыӵе мнение, что удмурт блогосфера басьтэ вылӥ инты фин-угор калыкъёс пӧлын. Блог - со одӥгез самой умой способ вӧлмытыны пичи калыкъёслэсь кылзэс. Кулэ валаны, что блог ачиз понна номыр но не значит. Соин ик, чтобы лыдӟисьёс мед луозы шуса, кулэ информационной поддержка: реклама, акциос кыӵе ке.

Вань сыӵе практика, ку мотивировать каризы, мед тросгес блогъёс потозы шуса. 3 ар талэсь азьло Министерство национальной политики сётъяз премия "Зарни вотэс", но со вал разовой премия, соин ик блогъёс кема ӧз улэ.

Систематичной неофициальной акция "Удмурт Блогиня", кудзэ ортчытэ промо-группа "Юмшан57" сётэ аслэсьтыз емышъёссэ. Та группа ик сётэ информационной поддержка блогосфералы (группаын почти 4700 гожтӥськисьёсыз).

Али примерно 20 удмурт блогеръёс. Примерно 8 гожъяське туж активно. Арняяз 3 - 5 постъёс.

Модельной агенство MADEMOISELLE OUDMOURTE. Частной инициативалэн яркыт примерез. Кылдытӥз Дарали Лели (та адями, кудӥз лэсьтэ туала удмурт культураез). MADEMOISELLE OUDMOURTE - нырысетӥ удмурт национальной агенство. Лэсьтэ мода адӟытонъёс, тодматэ удмурт дизайнеръёслэсь коллекциоссэс но удмурт дӥсен.

Агенстволэсь цельзэ тазьы можно луоз вераны: возьматыны кыӵе со чебер туала удмурт нылаш. Удмурт модалиос пыр возьматыны удмурт дӥсез но культураез.

Агенствое котькуд ар быръё удмурт нылъёсты. Ар куспын соос вылын ужало: дышето асьсэды сцена вылын возьыны, подиумтӥ ветлыны, фотое пуксьылыны, пӧртэм мастер-классъёс ортчытъяло соослы. Ар пумын ортче Эль Ныл фестиваль, кудаз быръё самой усто модалиез.

Дарали Лавка. Тожо Дарали Лелилэн ик малпанэз. Та инты, кудаз не только луэ учкыны, но и басьтыны удмурт шӧмо арбериосты удмурт дизайнеръёслэсь. Татын не только вузало дэремъёс, чеберъяськонъёс, но и вузало удмурт книгаос, крезьгур инструментъёс. Озьы ик котькуд вторник татын ортчо мероприятиос. Кылсярысь, таяз вторнике ортчиз удмурт литературалы сӥзем лекция.

Эктоника. Эктоника потэмын удмурт позыръяськонъёсысь. Соослэн яркыт направление деятельности - туала удмурт эктон гур.

Удмурт позыръяськонъёс мед улозы шуыса, котькуд позыръяськонлы дасяно мар ке выльзэ клубной контекстын. Тазьы потӥз диджейской проект Электроникъёс, кудъёсыз кутскизы соин, что лэсьтылӥзы ремиксъёс удмурт кырӟанъёслы. Туннэ та полноценной продюсерской центр (Вань на радиопрограмма Эктоника, кудӥз пӧрмиз удмурт позыръяськонъёсты афишировать карон йырин. "Эктоника" табере продюсерской центрлэн нимыз но луэ). Основной ужзы - гуртъёстӥ калгон (:) гастрольной деятельность уске). Туннэ нунал понна, концертъёс возьматъяса но позыръяськонъёс ортчытъяса, соос возьмато, тодмато гурт калыкез туала городской культураен. Туннэ нуналлы поттэмын ини кыкетӥ диск, кытын гожъямын туала удмурт кырӟасьёс. Ваньмыз гожтэмын Эктоника огазеяськонлэн уксёеныз.

Чудья. Основаяз вашкалаез вӧлмытон: элементы традиционной культуры и деревенского быта. Та группае люкаськемын со адямиос, кудъёсыз реконструировать каро удмурт традиционной крезьгур инструментъёсты: крезь, кубыз. Инструментъёсты возьматон понна ортчытъяло концертъёс, тематической пумиськонъёс, кытын шудо лэсьтэм инструментъёсынызы, шудо, кырӟало. Бикузин Женя луэ валтӥсь адямизы :) Именно та адями - валтӥсь реконструктор. Озьы ик, та адями прекрасной суредаськись. Суредъёсысьтыз адӟеммы луэ гуртысь инженерной архитектураез. Озьы ик со - удмурт стрит-артлэн атаез.

Monami. Дизайн-студия. Monami улэ только соин, что вань коммерческой мероприятиос, кудъёсызлы кулэ реклама. Туннэ вань организациослы, лэсьтӥськись мероприятиослы кулэ реклама. Monami не только тупо лэсьтэ уксё, но социально-ответственной коммерческой интересъёсын герӟам инициативазэ возьматэ (удмурт дуннеын котькыӵе коммерция луоз социальной, малыке шуоно татын кутӥське удмурт кыл, кудӥзлы кылдытэмын выль улон инты). Кылсярысь, соос лэсьтӥзы удмурт алфавит нылпиослы.

Та не вань список неофициальной мероприятиослэн. Та инициативаос - улонлэн синучконэз. Соос кылдо, куло. Туннэ понна самой успешной неофициальной инициативаос луо сыӵеосыз, кудъёсыз органично асьсэ борды биняло коммерческой цельёсты но задачаосты удумурт кылэз но культураез вӧлмытонъя. Развитиез неофициальной мероприятиослэн ӧз луысал интернеттэк.

Главной узырлыкез та инициативаослэн то, что соос удмурт дуннеез каро многогранной.

Воооооот. Таӵе мынам докладэ луоз. Мар ке может добавить карысалды на? Может кыӵе ке замечаниосты вань? Бер ӧвӧл на, вералэ, тупато.

22 сент. 2014 г.

Клипъёс

Быръё MTV Удмуртия группаын самой курутой клип выльёсыз пӧлысь. Иван Котельников "Чебер нылаше", Алёна Тимерханова "Мемие ", Марина Михайлова "Бабыля ", Богдан Анфиногенов но Алина Антонова "Мынам та улонэ", Мурӝол Андеграунд "Мыным кельше".

Конечно мон берпуметӥез понна:) Со мыным родной. Со туж своеобразной. Та одӥг гинэ клип ваньмыз пӧлысь кудзэ Никита Ильин снимать ӧз кары. Татын туж пёстро. Кадръёс чаляк вошъясько, трос ымныръёс. Динамичной клип туж. Смыслэз ӧвӧл клиплэн,  но всё равно йыре кыле.

Но мукетъёсыз но тунсыкоесь. Кельшиз Марина Михайловалэн. Сыӵе капчи, мылкыдэз ӝутӥсь клип. Интересноесь ракурсъёс, туж качественно лэсьтэмын. Выль ымныръёс. Кырӟанэз сярысь уг вера.

Алёна Тимерхановалэн клипез. Мӧзмыт. Номыриз шоры учкыны, шуод-а мар-а. Ну да, символэз вань кадь, син азьын весь со ванильной свеча, кудӥз малпаськытыны кулэ. Туж семейной клип. Чебер Алёна. Ну ярам. Кырӟанэз зато сюлме пырись. А серекъяй: ӟуч Горжак кылӥз удмурт кырӟан но анаезлы жингыртӥз, извиниться кариськыса, ӟуч кылын.

"Мынам та улонэ". Кырӟан туж курутой. Ваньмыз кельше: кылъёсыз, гурез, клипез но качественной. Та клип абстрактной. Малпаськытӥсь. Ну кырӟанэз но сыӵе ик так ке.

Иван Котельниковлэн клипез. Ммм.. Кызьыгес меда вералод. Даже уг тодӥськы. Сюжетсэ мон ӧй вала. Страннойгес туж. Да и одӥг кадесь кадръёс. Одӥг кадь серекъясь ымнырын Юферова но вообще безэмоциональной Котельников. Ну и Электроникъёс в придачу. Лучше бы умойгес сюжетсэ мед малпасалзы.

Зэмзэ ке вераса, клипъёс умойгес но умойгес пӧрмо ини. Чынзэ. Даже секыт бырйыны кудӥз умойгес.
Мон Сайлентъёслэсь учкысал.

21 сент. 2014 г.

Турслёт

Пыдъёс, киос пумемын. Мон шуысал, пыдчиньыисен кутскыса чыртыёзь ваньмыз пумемын. Макес трос векчи синякъёс, нош огез бадӟым сирень цвето.

Озьы мон кык нунал УдГУ- лэн турслётаз ветлӥ. Активноесь выходнойёс шуод-а мар-а. Яратӥсько таӵе мероприятиосты, но уг яратӥськы всякой визиткаосты. Яратӥсько пӧртэм этапъёстӥ кечыръяськыса ветлыны, пеймыт нюлэстӥ картая интыосты утчаса ветлыны. Уг яратӥськы всякой сиён-юонэн герӟаськем вожвылъяськонъёсты.

Милям факультет ноку таӵе вожвылъяськонъёсын вормылэмын ӧвӧл. 2001 арын гинэ, пе. Ми лыктӥськом татчы асьмелы выль мылкыдъёс утчаны, ял карыны.

Татын кемалась ини аслаз системаез вормылонъёсъя. Ньыль ар куспын (кӧня мон дышетскисько ини) со туж умой адӟиське. Татын обязательно арысь аре вошъяськыса вормыло психологъёс, институт гражданской защиты, журналистъёс, юристъёс, географъёс яке институт социальной коммуникации. Соослэн харизма да мар да. Но.

Мон ӧй вала туэ троссэ. Нырысьсэ милесьтым видеоклипмес пыртӥзы 10 самой умоез пӧлы. Ми басьтӥм 9 инты. Ваньзэ асьмеос малпаса, умой снимать карыса. В итоге учкиськом ми бере кыӵе ке странной ФУдФ -лэсь видеозэ, мӧзмыт архивысь бичам видеосын вормем видеоез психологъёслэсь, рекламаысь басьтэм кылъёсын юристъёслэсь видеозэс (туж качественно лэсьтэмын, номыр уг вера), арысь аре камеди клубысь сюжетэн биологъёслэсь видеозэс. Мар вералод, если асьсэос психологъёс паймыса учкиллям милесьтым видеомес сыӵе курутой шуыса, и малы со 9-тӥ интыын гинэ.

Милям вал сиёнмылы визитка а-ля психолгъёс, то есть туж курутой, туала, серем, капчи (именно сыӵеесь луо представлениоссы нырысетӥ абзацын гожъям факультетъёслэн). Но. Милям 6 инты гинэ. Мон сразу малпай малы ке, если ке тае возьматысалзы, например, журналистъёс асьсэлэн кизилиосынызы, то соос бесспорно нырысетӥ инты басьтысалзы.

Со кизилиос ласянь вокщё мукет тема. Именно со факультетъёсын трос кизилиоссы. Харизматичноесь да мар да. Соос котьмае мед возьматозы, со луоз круто, хоть йырсизэс пилеш мед ӵышкозы сцена вылын ик, хоть трусик коже мед бызьылозы. Ми ке озьы дауртӥм, ми шоры учкозы шузиос шоры кадь.

Визиткамы нырысетӥ нуналаз басьтӥз 6 инты, ми шумпотонмес кытчы ватыны ик ум валаське ни вал кадь. Нош кыкетӥ нуналаз, кызьы ке волшебным образом, со кылем 11 интые.

Мар вералод, куке адямиос судьяос сьӧрын сылыса адӟо, кызьы соос утыр баллъёссэс пукто ини, пока выступление ӧз на кутскы?

Просто сыӵе факультетъёслы положено вормыны. А ми кадьёслы яроз одӥг кыӵе ке конкурсаз вормим ке. 1 пол 3 арлы. Я.

Ярам. Туэ географъёс вормизы.  Психологъёс кыкетӥ. Юристъёс куинетӥ.
Но туж ляб кужмын вормизы творческой конкурсъёсын. Кизилиоссы кошкылэмын ини. Выльёсыз али гинэ жуатско ай. Туж ик уг пӧрмы на. Но по инерции соослы будто бы дышемын вылӥ баллъёс пуктылыны. Ярам.

Мон синякъёсылы шумпотӥсько но пичи значокелы - турслет 2014.  Берпуметӥ турслётэлы.

19 сент. 2014 г.

удмуртъёс Резиденциын

Ммм... Кыӵе цивильно, шуыса пыри мон ДК Металлурге. Туж кузь черод, ваньзы чебер дӥсен, охранникъёс, горд лентаен люкись стойкаос, собере ӝужыт паськыт тубат кыти ваньзы кизилиос кадь тубо.  Кыӵе вручение оскара будто бы. Ваньзы сазесь, сабырлыесь, йӧноесь хо-хо-хо хи-хи-хи.
Онгырам кадь ветлӥ клуб пуштӥ. Йыромем кеч кадь. Трос адями, кытчы асме донгыны ик уг валаськы, клуб бадӟым кык этажъем. Адями лыктэ но лыктэ. Инты ӧжыт но ӧжыт кыле, ӝӧк сьӧрын пукон интыос ик ӧй вал. Сцена бадӟым, мар ке быдӟа экранэн. Кыӵе ке пияш ветлэ камераен снимать карыса, снимать карем ымныръёс, онлайн шуод-а мар-а, пото со экран вылэ.

Пепелацын шокан интыез ик ӧз луысал ини.

Ми ӧжытак нервничать кариськом, асьмеос но ӧм на учке клипез.

Петя Пушкин сцена вылын, дӥсяськемын костюмен. Деловой,  чебер, ӥӧно. Астэ зэм но кожаськод кыӵе ке церемониын.

Туннэ выль диджей - Мурӝол. Богдан быгатэ учкисьёслэсь мылкыдзэс ӝутыны, вера марке, кырӟа. Ку кутскиз шудыны, сцена вылысь экранын потӥзы видеороликъёс... арт-экспедициысь! Милям отын прямо ваньмыз шуназ, эктон сярысь вунэтӥм, сылӥмы учкыса. Ностальгия кыӵе. Вообще сое уд валэкты. Ха. Вал вылын ворттылэмме но лэзьязы:)

Тани сьӧд экран. Ну? Кутскы ини! Кутскы! Клип кутскиз. Самопроизвольно малы ке жиетыны кутским. Кыӵе ке восторг. То ли вӧзьыт,  то ли умой:) Валантэм. Сыӵе 3 минут эйфория. Кельшиз кадь эшъёсылы.

Нырысетӥ частез копак арт-экспедицилы сӥземын вал. Умойгес луиз кадь. Мар ке родное, ӟеч.

Любовь Быковалэсь кырӟамзэ нырысь кылӥ.

Но всё равно йыромем кадь ветлӥ. Адямиос ӟыгырско,  шумпото, быдэс гужем ӧз адске.

Васьки чилаутэ(резиденциялэн мурӝолэз:).  Пукиськеммы отын 2 часозь. Тубӥсько и мар адӟисько? Котмем выж, адямиос пань-пань кудӟемын, выро музыкая, пӧсямын, котмемын. Мынӥсько потон пала, азям 5 кудӟем парочка точно сюриз. Чупасько, кызьы ог-огзэс уг ньыло. Фу. Сыӵе паршиво со. Кыӵе ке содом.

Гардероб палан но юэмъёс трос. Лыктӥ вал ой кыӵе сабырлыесь, чебересь шуыса, нош али полная противоположность. Кыӵе ке кудӟем ныл фойе трос черекъя:"Эй, с***, иди сюда! Я не поняла, бл *!"

Потӥ, кыӵе ке виресь ымнырен пияш азьтӥм кошкиз.

Вот. Ну огшоры. Озьы ик. Просто табере удмуртъёс тордо Ижкарлэн шораз. 
Котькудӥз быръе аслэсьтыз сюрессэ.