16 сент. 2014 г.

Алама. Шӧтэм.

Бертӥсько Ильяеным лавкаысь. Усьтӥмы мороженой.
"Мон кушто?"- юа со мороженоезлэсь кагаззэ возьматыса. "Уг яра",- шуисько. "Малы? Тӥни ук куямын везде. Малы мыным уг яра?"- пайме со. "Потому что со туж алама. Визьтэм адямиос гинэ озьы куяло. Тон милям визьтэм ӧвӧл ук? Тани жагкуян нюк дортӥ ортчим ке, куштомы".

Вот вералэ, кызьы нылпиосты дышетод инкуазез яратыны, если соос пичи дырысенызы адӟыса будо урам кузя куям бутылкаосыз, канфет кагазъёсыз?
Кызьы соосты дышетод яратыны инкуазез, если гуртъёсын жагкуян бакъёс но ӧвӧл?
И ведь мон ке ӧй луы, со куштоз. Пичи адямилы валэктод-а, что кулэ ӧвӧл стадной инстинктъёсын улыны?
Соослы кулэ простой арбери, соослы кулэ, чтобы синмынызы мед адӟозы со жагкуян бакез. Луиз ке, однозэ но куштозы. Дорын ведь со уг кушты выж вылэ жагзэ, мынэ жагкуян коробка доры.

Мон уг валаськы анайёсты, кудъёсыз мыно урам кузя, уг валэкто нылпиоссылы со простой арбериосты. Нош нылпизы таш-таш сие канфетсэ, а кагаззэ ыргалтэ урам шоры.

Вож потэ.

Комментариев нет:

Отправить комментарий