28 мар. 2015 г.

Егит дыр

Татьяна Толстая сюлэме пыре мар ке берло дыре.
Дэмласько сое лыдӟыны.
"Огонь и пыль" вероссэ, например. Туж жизненной ситуация возьматэмын.
Кык нылкышноос.
Огез вокщё шузи кадь, эрико. Кытчы мынэмез потэ - мынэ. Ямсыз ке но, пиосъёсыз бордаз кыске. Кыске вань котырысьтыз адямиосты аслаз нереальной рассказъёсыныз. Осконтэм нырысь кадь, нош собере осконо но кадь.
Кыкетӥезлэн вань картэз, вань нылпиосыз. Уло соос пересьлэн квартираяз, кудӥз шуиз, что кулӥз ке, квартиразэ соос вылэ кельтоз. И вот со нылкышно улэ малпаськыса, что вуоноез умой луоз. Ваньмыз уже решено. Однозэ но умой луыны кулэ, ваньмыз дась ини. Улэ, ас понназ малпаса, что солэн нылпиосыз, картэз вань, кудӥз, кстати, тани-тани кандидатскойзэ гожтоз ини. Со кадь шудоез ӧвӧл. Солэн льӧль малпанэз -  аслыз но картэзлы тӧдьы изён комната лэсьтыны пересьлэн изён интыяз (вот только мед кулоз ини), тӧдьы пеньюар басьтэмын ини. И вот со озьы улэ, улэ, нош улон азьлань мынэ, со пересьме, нылпиосыз будо, нунокъёсыз но вордӥськизы ини. Пересь весь ӧз на кулы. И со сое вала. Вала, что солы номыр дасямын ӧй вал будущийын. Картэз таки кандидатскойзэ ӧз гожъя. Квартираязы озьы ик уло пересен.

Мынэ со огпол эшъёсыныз квартирае, кытын улэ пересь нылкышно, кудӥз нулдэ кунгожысь модной дӥсьёс. И вот нылкышноос кутско бырйыны дэремъёс. И та нылкышно вала, что ваньмыз солы уг тупа, ваньмыз слишком яркой, воланистой, вакчи, кузь. Не по возрасту, уске. И зеркалое учке но вала, улон ортчиз. Пеньюарзэ огпол но ӧз дӥся, тӧдьы комнатазэ возьмаса, кей бубыли сиыса быдтэм. Ортчиз льӧль малпанъёсын. Нош егит нылаш ужысьтыз, долген ке но оломар мында дэремъёс октӥз, а таиз кыӵе ке невзрачной кофта басьтӥз, уксёзэ жаляса.

Туж малы ке сюлме пыриз та верос. Туала егитъёс сыӵеесь ик. Соос малпаса уло, что ваньмыз дась ини, что улон капчияк мыноз.
Улон капчияк, аслыд кельшись мед луоз шуыса, кӧняке ке но нырысь ас кужымдэ пононо. Чем на потом откладывать, али кароно. Берло бер луоз.
Потэ нулдэмед вакчи юбка - нулды, дас ар ортчыса, со тон вылын серем адӟиськоз ини, йырсидэ сирень буямед потэ  - буя, татуировка лэсьтэмед потэ - лэсьты. Коркаяд ремонт лэсьтэмед потэ- лэсьты.  Пинал дыр огпол сётӥське. Улоно аслыд кельшемъя.

Гужем уе вӧтан

Эшшо "Эрико яратон" постановкаез учкыкум мон синмаськыса учки егит артистъёс шоры (эшшо бы, полугольык чебер мугоръёсынызы мед ветлозы ай сцена вылтӥ:)) Не со понна, конечно. Мынам туж учкеме потэ ни вал кыӵе ке но удмурт постановкаез, кудаз соос шудо валтӥсь рольёсты.

Ку тодӥ, что пуктозы Шекспирлэсь "Сон в летнюю ночь" комедиязэ, мон туж шумпотӥ. Вань егит артистъёсын. Наконец-то! Кема малпаськытэк ик басьтӥ билет но огнам гань-гань мынӥ учкыны. Толон вал премьераез.
Та пьеса ас сяиныз туж тунсыко. Пьеса пушкын эшшо одӥг пьеса. Та пьесаын валэктэмын, кызьы азьло пуктӥсько вал пьесаос.

Нырысь ик малы ке но туж мӧзмыт потӥз, кыӵе ке слишком искуственно. Мылкыд ик пукисз кадь. Нош ку потӥзы Филострат, Клин, Пила, Моток, Дуда, Рыло, Заморыш, сразу мылкыд ӝутӥськиз. Сыӵе соос быгатыса шудӥзы!  Вань сюлэмзэс рольёсазы поныса шуод-а мар-а.
Вообще мон соослы копак синмаськыса быри. Соослэн выступленизы пумаз, конечно, изюминка та комедиялэн вообще. Быдэс зал серекъяз. Синкыли потытозь, кӧт шугмытозь Борддорез шудӥсь чего стоит)
Даже пичи рольёс шудэмын вал туж умой. Мусо, тэтчась ӟольгыри. Мимими шуизы, дыр, вань нылъёс асьсэ понна) Или со эльфъёс но мотылёкъёс всякий) До то мусоесь бон) Даже со йӧнтэмез эльф. Кыӵе со серем эктэ но тэтча.
Марина Самсонова, кудӥз шудӥз Титанияез но Ипполитаез. Кык властной нылкышноосты. Йӧно. Быгатэ туж.
Роман Болтачев тожо шудӥз валтӥсь ролез. Со вал Оберон - эльфъёслэн эксейзы. Ӧжытак демонической образ. Но справедливой.
Нош декорациос! Ваньмыз лоба, берыкъяське, воштӥське, чиля. Выжыкылын кадь. Артистъёс ветло зрительной залтӥ. Копак ачиз со нюлэскын кадь.
Комедия пӧрмем. Ветлэлэ однозэ но туннэ. Тӥледлы кельшоз.

26 мар. 2015 г.

Умой вал

АБГД...Трос букваос луозы али.

Туннэ SWG-лэн концертэз вал Филармониын. Так ке ӧй но мынысал, дыр. Но концерт-то огшоры ӧвӧл. Экспериментъёсын.

Ручкина кырӟаз егит артистъёсын.
Нырысь Белослудцевен кырӟазы. Ну валамон ини, кин ӧз ветлы, гочалэ, что ӧд кылэлэ та прелестез. Соослэн куараоссы ог-огзэс туж дополняют. Воргорон куараез Ванялэн небыт каре Светалэсь жингрес куаразэ. Классно вал туж. Движениоссы тупало вал)) Ваня нырысь возьдаськиз ик кадь, но Света мылкыдзэ ӝутӥз.

Вообще кин соин кырӟаз, ваньзы возьдаськизы кадь, будто "не в своей тарелке" вал.

Алина Антонова но вокщё вӧзтэм вал. Но сосслэн куараоссы! Ох и ах. Мощь. Кык Алнаш нылъёс, но сыӵе пӧртэмесь. Антонова кузь сьӧд дэремен, чилясь монистаен но угыен, лакен пазям йырсиен. Гламурная сыӵе. Нош вӧзаз тожо кузь сьӧд дэремен, туж трос чеберъяськонъёсын (гочатэ), туж естественная Света. Контраст сыӵе. Зато куараоссы идеально тупало ог-огзылы. Света шуэ пумаз:" Алина тожо Алнаш ёросысь, мон кадь ик". И татын мон огнам ууху! кари но шыпытак сползла :D

Света в курс дела вводила учкисьёсты. Котькуд артист сярысь мар ке вераз, яке узьгумы сярысь, например, яке кырӟанлэн смыслэз сярысь.

Образцова Анялы пайми туннэ. Незнай кытысь куараез потӥз. Со зол, кужмо вал, мон пайми, кытысь сыӵе ненег, шыпыт нылашлэн вдруг потӥз сыӵе куараез. Тожо кильтыро, чебер. Падкиесь ик нылъёс чеберъяськонъёслы) Коӵо куакаос кадь)

Настя Рысаеваен концертлэн пумаз кырӟазы на. Колыбельной кырӟан. Туж векчи, ненег, шыпыт куараен. Туж пель шумпотӥз кадь кылзыны, сыӵе буйной кырӟанъёс бере. Тожо куараоссы тупало.

Особой инты та концертын, конечно, музыкальной инструментъёс. Ваньзэсты синмаськытӥз луоз домраен Рысаева Настя. И выль перепевка "Эмезе" кырӟанэз. Со вал самой зол номер мон понна. Туж необычно кылыны вал сыӵе тодмо кырӟанэз, сыӵе вариантэн.

Аккордеонэн пияш потаз. Нырысетӥ кырӟанын пелез туж напрягать карыса ик кылыны турттӥ аккордеон куара, барабан но бас гитара ньыло вал куаразэ. Кыкетӥ кырӟанын кылӥськиз ик. Выль кырӟан вал кадь. Анай-атайлы сӥзем кырӟан вал кадь.

Узьгумыен Пчеловодова Ирина шудӥз на и крезен Федорова Валерия. Тожо мукет шӧм пыртӥзы кырӟанъёслы.

Адями трос вал кадь. Мон адӟи дышетӥсьме. Ӟуч литератураен дышетэ. Туж скептичной нылкышно и туууж визьмо. Мон весь учкыса кылли со шоры. Кыӵе реакциез шуыса. Солы акыльтыны кутске ке, со потэ параысь но тамак кыскыны, яке мукет интые учкыны кутске рассеянной вниманиен. Татын со пукиз чорк-чорк. Весь сцена шоры учкыса. Мынам аж кыӵе ке гордость потыны кутскиз. Типа, учке, кыӵе удмуртъёс чебер, современной концерт лэсьтыны быгато. Зол, кужмо куараосын, чебер, егит ымныръёсын.

Вал, конечно, туж неудобной ситуациос. Кылсярысь, Света вунэтӥз кырӟанлы кылбур гожъясьсэ. "Я всегда путаю этих сестер Шиховых", -шуиз со. И мон ас поннам малпай:"Хм.. Ну лучше уске вообще эн вера ни вал". Эшшо ке, Маша Галееваез султытыса, представиться кариськыны косӥз.
Яке Вероника Федороваез вунэтӥз представить, кырӟанлэн пумаз гинэ. Ну ярам. Тулкымъяськиз, дыр, Света. Собыдӟа концерт, сомында кырӟасьёсын, учкисьёсын...

Берпуметӥ кырӟан вань кырӟанъёслэсь висъяське вал) Мае адӟисько - сое ик кырӟасько. Вал, дыр, со импровизация. Света кариз ваньзылы тау кырӟаса.

Прекиньтэ да, звуковик идеальной вал. Почти. Пииичи гинэ мар ке вал. Но вань микрофонъёс ужазы, даже специальной микрофон нулдӥсь вал)) Не Поздеев. Ганяк вал туж.

Зэм но туж чебер концерт вал. Всё. Больше номыр уг ни вера. Ато представлениды пожаськоз.


ӧжытак выжыкыл

Толон Микаль Михайловлэн "Мон одӥг пол уг сайка улыны" кылбуръёсын бичетэзлы презентация ортчиз Калык эшъяськон юртын.
Пичияк опоздать кари. 5 минутлы. Кутскемын ини вал.
Вообще, мыным туж кельшиз, зэмзэ вераса. Трос ик калык вал (если сравнить нырысетӥ Богданлэн презентациеныз). Нылпиос но вал, соос шуныт атмосфера каризы. Туж ненег вал. Бикузин, кудӥз Саша, нуиз ӝытэз.
Юля Гаврилова кырӟаз, ачиз Микаль кырӟаз ("вживую" сое кылзыса умойгес, кстати. Концертаз шумпотыса мынысал). Эшшо Peace Pu сюрприз лэсьтӥз. Берпуметӥ Микальлэсь кылбурзэ бырйыса, кырӟан пӧрмытӥллям. Толэзь ныл сярысь. Туж кельшиз. Гитараен но роялен.
Лара Дмитриева ӧжытак анализ лэсьтэм кылбуръёслы. Только ӧжытак тулкымъяськиз кадь. Лыдӟысал копак анализэс.

Вообще интыез туж романтичной вал. Тӧдьё-зарниё борддоръёс, колоннаос, тӧдьы рояль, чебер пуконъёс... Выжыкылын кадь.  Кельшиз. Туж гань-гань вал. Только вераськыса, адямиослэн кӧтсы тырыса ӧз вуттыгес кадь. Уллязы)
Ури-берилэсь фуршет вал) Ӝӧк котырысь калык ӧз ик кошкылы кадь)

24 мар. 2015 г.

Азьло - али

вераськонъёс
-Ну хоть мар вера, али традициос быро ини.
-Вунэто ини егитъёс.
-Азьло тунсыко потэ вал учкыны, мар пересьёс даурто. Пересь ӵужай куяськыкуз однозэ но тыбыр вылаз урам дӥсьсэ понэ вал. Куяське, вера кулэмъёслэсь нимъёссэс,  сураськыса, утыр улэп адямиез но вера,  собере сялаське мар верай ай мон шуыса. Однозэ но куяськем сиёнэз сиыны косэ вал. Ӵукнаяз собере исьнерен коркаез ӵуже вал "кулэмъёсты" улляса:"Ну всё, кошке, бертэ дорады".
-Мынам куке но сылэме вал пиосъёсын кисьтон бере. Урамын, корка сэрег дорын сюсьтылэн. Уг ни тодӥськы мар верало вал. Однозэ но пиос гинэ пото вал.

Мон но, например, номыре уг тодӥськы. Ку куясько, мае вераса куясько. Вообще номыре уг тодӥськы.

Богданлэн кӧт ӝожез

Богданэн кема ӧвӧл вераськимы. Мар сярысь? Мон юай, кызьы мар ортчиз шуыса кыкетӥ пол книгаезлэн презентациез. Солы туж кельшем. Критиковать но, пе, каризы. Прямо сыӵе кельшем солы, что вал не только положительной оценка, но и отрицательной.
Кыкетӥ тиражез но книгаезлэн потэм шуыса вераз. "Только, - шуэ, - ваньзы куро дун тырытэк. Кузьым шуыса". Нырысь пайми, мар сыӵеез шуыса. Собере валэктӥз, и мынам ӧжытак воже потӥз.

Богдан, пе, копак аслаз уксёеныз поттэ тиражзэ. Нырысетӥ тиражез вал 100 штука. Солы со быдтэм 15 сюрс манет. 10 сюрссэ, пе, ас кисыысьтыз, а 5 сюрссэ спонсор сётэм (дас сюрс. Огшоры методистлы, кудӥз городын квартира снимать карыса улэ, со бадӟым ик дун). Вузаса нырысетӥ тиражзэ, со поттӥз кыкетӥ тиражзэ. Со вузам уксёен + опять ас кисыысьтыз. Кузьманы курисьёс трос вылӥллям потому что, да и дунъёс будӥллям. А спонсоръёсыз кыкетӥ тиражлы вылӥллямтэ ини. Куинетӥ тиражлы но опять, пе, трос уксё ас кисыысь быдтоно луоз. 

Кузьымъёсты яратӥсьёс, йырыныды малпаськоно курыку, а не мукет интыын. 

20 мар. 2015 г.

Неполноценной удмуртъёс

Тунсыко кадь.
Та дырозь огпол но адӟеме ӧй вал двоюродной сузэрме, кудӥз улэ Волгоградской областьын. Арня талэсь азьло бертӥзы Таняпеным. 20 ар бертамын ӧвӧл ини, пе.

"Ой, - шуэ Таняпай,- малпаськыса ик, кызьы удмуртъёс ярато юмшаны, Удмуртиын улэм ик ӧз пот кадь. Как малпаськод со юмшасьёсыз, вина кураса коркась корка ветло. Кыӵе ке шулдыръяськыку одно коркае куноосты пыртыны турттӥськод кадь. А эшшо сӥзьыл, дэри дыръя пыдкутчанзэс куштытэк пыро... Акылес кадь. Сектасько трос. Тем более али шулдыръяськыны уг быгато ини вообще. Сачырмытозязы юозы но всё. Нош азьло со нылкышноослэн одӥг чарказы быдэс ӝытлы тырме вал. Пичи ӟузёзы но, кырӟало-верало. Кыӵе кельше вал мыным соосыз кылзыны... Пичи гинэ сиён куртчо, нош али куноослы сиён ик уд тырмыты коркад пыртӥд ке".

Мама шуэ:"Милям озьы кемалась ӧвӧл ини. Али дышизы вань праздниксэс кафеын лэсьтыны ".

Нош ачиз пайме барангылы. Учке, кызьы мама картошка дася парсьёслы.  А ми, пе, таӵе барангымес сииськом. Мурӝоламы пыриз но пальккиськиз. Мар мында барангы! Сӥзьыл адӟысал ке, шугмысал, дыр. Кык мыжык быдӟа картошкаосты ук, пе.

Быдэс нуналзэс дугдытэк вераськыса пото. Оломар но.
Мыло-кыдо туж. Нош сузэре кыӵе чебер!
Таняпай но Лёня кырси кыкназы но удмуртъёс, нош нылпиоссы уг тодо удмурт кылэз. Так, кӧня ке кылъёс. Вискамы, пе, Лёняен удмурт сямен вераськиськом, нош нылпиос уг валало. Пизэс кельтылӥлям вылэм пичи дыръяз гуртамы. Ӟуч пи удмурт луыса бертэм Волгоградаз, садиказ, пе, нокин уг вала вал, сре опять ӟучомем, удмуртэз уг ни тоды.

Так ке, со хуторазы вань кадь удмуртъёс. Соос везде вань кадь оген кыкен.

Ассэ сузэре удмурт шуэ кадь. Нееюполноценной удмурт шуи. Удмурт кырӟанъёс гожъяса дасяз ини, Богданлэсь сборниксэ басьтӥз. Тунсыко лэся потӥз. Удмурт факультетлэн постановкаяз нулдӥ, удмурт дискотекае. Вот бы гожъяны тае ваньзэ видеое,  шуыса пукиз весь. Кемагес ке улысал, дышысал но, дыр.
Мӧзмо ини соослэсь.


Миссъёс

Толон быръизы Мисс Эктоникаез Резиденциын.

Мон понна дак предсказуемо вал ваньмыз. Мон, конечно, вань сюлмысь виси брутальной Тулбаева понна... Но, кин гиря ӝуткась нылэз мисс кароз меда? Против правил.

Артемьева вормыны кулэ вал. Со ассэ сцена вылын "клубно" возиз. Как раз Мисс Эктоникалы тупась. Нырысетӥ эктонэз но тунсыко вал, клублы кадь, чуть-чуть стриптизэн. Купальникен но ассэ возьдаськытэк возиз. Мукетъёсыз ӧжытак скованноесьгес ик вал.

Юанъёслы туж кема валэктон сётказы, мон соослэсь шаплыгес вералляй кадь. Луша шуэ: "Тон вормысалыд, малы ӧд пыриськы?" Сейчас же. Хах, 3 ар улыса может быть, Дементьевлэн верамысьтыз озьы шуисько. Толон шуиз:"Сергеева осточертеет (та кыл интые удмурт кыл вал) года через 3". Бон мар, осточертею дак осточертею. Ничто не вечно шуо кадь.

Удмурт эктонъёсты но тыпыртӥзы. Ну татын уж сразу адӟиськись кин колледж культурыын дышетске.
Бехтеревалэн поддержкаез туж умой вал, Быги пиос но нылъёс тачак вал клубын. Тополев но берпуметӥ кылзэ вератэк ӧз кыльы, дыр.
Жюриос пӧлын Богдан вал, Эктон коркась нылъёс, Ваулина.

Туж трос кузьымъёс вал нылъёслы. Вылӥ уровень, ява.
Туж ганяк ортчиз позыръяськон.

17 мар. 2015 г.

Мумы

Вуыса вуттӥ-а ӧй-а городэ, мынӥ огез "ключевой мероприятие" таяз толэзь понна. Студвесна кутскиз УдГу-ын. Туннэ ФУдФ возьматӥз "Мумы" постановказэс, шуод-а мар-а.
Зэм, туж качественной, изысканной, (именно таӵе кыл кутысал), отрепетированной. Но мар ке сюлэмэ ӧз пыӵа. Кезьыт вал. Ну со мынам малпанэ.

"Мумы". Огпол но та кылэз ӧй кылы сцена вылысен. Ну оо, анайёслы сӥземын вал возьматонзы. Та кыл туж грубоватой, зэмзэ вераса. Мумы скал, мумы пуны, мумы писей. Ӵемгес пудо-животлы кутӥськом та кылэз. Ах, да. Шунды мумы ведь вань на. Женское начало да мар да. Мур смыслэн.

Вакчияк вераса, ку мон адӟи кызьы разрекламировать каризы та возьматонэз, мон малпай, что со луоз мегакрутяцкий, кыӵе ке мур, секыт.

...Но со вал туж чебер лэсьтэмын. И всё. Син но пель шумпотӥз. Сюлэм, видимо, ӧз вырӟы...

Чебер кылъёсын верамын анай яратон, анаез яратон сярысь. Куд -ог монологъёс лыдӟиськизы удмурт сямен, кудӥз ӟуч сямен (малы ке не воспринимались). Со монологъёс (допустим) перекликались возьматонлэн нимыныз, но кырӟанъёсын мар ке герӟаськемын ӧй вал, да и пумыныз возьматонлэн (вань проблемаос ӝутэмзы потэм лэся). Вал удмурт, ӟуч, англи, эстон кырӟанъёс. Вал пианино, скрипка, барабан, гитара, крезь. Возьматӥзы, что туж талантливой студентъёс дышетско ФУдФ факультетын. Вал Белослудцев, Антонова, Хохрякова, Яковлева, L.I.A.R., Пикуль, Чипчирган но эшшо кинъёс ке.
Чилязы сцена вылын. Анфиногеновлэсь кылбурзэ 4 нылъёс лыдӟизы, куддыръя ӧжытак переигрывать карысагес, вульгарногес. Пумаз солэн ик кырӟанэзъя эктон вал. Эффектной.

Нош сэрегын весь (почти весь) пукиз "анай". Идеальной крезен шудӥсь удмурт анай.

Мукет пумысен ке учкыса (может и шонертэм валай), то та постановка ранӟем темаез ӝутэ: удмурт факультетлэсь быремзэ. "Ты чуешь Удмуртия-мама, грядет фин-угор футурама..."  Та кылбурын оломар но висись темаос ӝутэмын.

Вань постановка - гротеск. Огшоры анайлэсь-вордӥсьлэсь Удмуртия-анай дорозь.

Кема ке тазьы малпаськыса пукид, олокыӵе но смыслзэ поттод, дыр. Ну, ярам.

14 мар. 2015 г.

Ӟеч

Ӟечсэ лэсьтӥськод ке, пушкын мар ке вырӟе. Сыӵе капчи луэ шоканы, мылкыд бурдъяське кадь, куазь но шундыё луэ
Ӟечсэ лэсьтӥськод адямилы. Хоть тодмо, хоть тодмотэм.

Туннэ мынӥсько урам кузя, пелям наушникъёс, адӟисько нылкышно кизэ кыске мон пала. Юрттыны косэ сюбег, йӧвалег сюресысь паськыт сюресэ выжыны. Курда усемезлэсь, эшшо ке бодыяз пыкиське. Кезьыт, кисырио мурт киос киям кутӥськизы. Тау (мар ке эшшо сыӵе дыръя инмар мед утёз ляко на бордаз ) шуыса кыштыр-кыштыр кошкиз.

Тодӥсько, мар ке Библиын гожтэмын кадь, что ӟечез лэсьтоно но вераны со сярысь кулэ ӧвӧл. Озьы, дыр. Мынам просто верам потэ, что адямиос уродэсь луэмын, ас улонзэс гинэ тодыса уло, мукетъёслы юрттоно уг кожало. Обязательно юрттэмзы бере мар ке возьмало. Уг яратӥськы сыӵе адямиосты. "А мыным со понна мар луоз?"- шуисьёс сразу отвращение кельто.
Ӟечез лэсьтоно малпаса, что тыныд но куке тодмо-а тодмотэм-а адями юрттоз.

13 мар. 2015 г.

Азьтэмъяськон

Йыры висе. Параме прогулять карыса бертӥ общагае. Изё.

Нылашлэн эшез лыктэм. Массаж лэсьтэ эшезлы. Табере султӥз ини ай но койка вылысь, дэремзэ гладить карыны кутскиз. Сыӵе инфантильной тусо но дӥсяськемо ныл. Ӟызы, гольфикъёсын, накладной йырсиен, буяськемын тачак, чыртыяз но кияз чыры-пыры ошылэмын, сылэ комната шорын ул дӥсеныз.

А милям специальной интымы ӧвӧл гладить карон понна, кин кытын быгатэ, отын ик гладить каре. Выдыса кыллисько но учкисько, ӝуштыса, ӝуштыса гладить каре дэремзэ.
Собере ӧз чида но улонлы йыркуръяськыны дэмлаз:"Ну и кызьы тӥ тазьы улӥськоды? Кызьы тазьы можно гладить? Пукон вылын. Мон тазьы дышемын ӧвӧл".
"Пфф, - малпай мон, - тепличной будос. Кушты тонэ кытчы ке мукет интые - кулод ведь квартирной удобствотэк". 

Дышемын ини адями гуртын но. Туалет коркан, душ, ванна, микроволновка, мультиварка. Ваньмыз вань. Кышномуртлы ужанэз но кухняын кулэ ӧвӧл ини. Мультиварка ачиз пӧзьтэ, микроволновка ачиз пӧсятэ, посудомойка но мисьтаськон машина ачиз миське. Малы кулэ на кышно? 😊
Ах да, нылпи вордыны лэся.
Улон капчия - адями азьтэмме.

11 мар. 2015 г.

Иворъёс.

Толон учкыса пуки иворъёсты (кудӥз телевизор пыр). Нырысь ӟуч версиязэ, собере - удмурт. Кыказ но почти огкадь ивор, одӥг адямиос.

Мар можно адӟыны (Америкаез вообще-то уг усьтӥськы, дыр). Ӟуч сямен верасько йӧн-йӧн, сураськытэк, нош со ик адямиос собере верасько удмурт иворъёсын. Шымырско, кылъёссэс вунэто, суро-пожо верасько. И даже неважно декан-а со удмурт кылосбуръя факультетлэн, или министр кыӵе ке, или удмурт факультетысь студент.

Зато корреспондентъёс чебер, чылкыт удмурт кылын верасько.

4 мар. 2015 г.

Улон сюрес

Знаете кытчы донге со туала образованидэс вань бакалавръёсыныды?!

Толон ветли мон магистратураосъя бичаськонэ.

Итог. Пыроно луоз психолого-педагогической магистратурае. Малы? А видите ли визь шуиз сюлэмлы: сиди и не рыпайся! Дышетись луод. А умой дышетись тон ноку уд луы, если магистратурае психолого-педагогические ке о:д пыры. Тон же в курсе, что высший дышети:сь категория тон ноку уд басьты аслад бакалавр гинэ быдтэменыд. Да и вообще, кин тон луод, нылы, если пырод со финноугроведенияд или кытчы тон отын мечтала? Ачид представляешь, нет? Малпаськы кытын ужалод. А дышетись котькытын уж шедьтоз, уксё но заработать кароз, если си:тянэныз ке о:з малпаськы.

Вот азьло специаоистъёслы умой вал. Дышетскид 5 ар но мын кытчы потэ. Тон - специалист, ёп. А собере уже ачид тодись, пырод-а тон, уд-а магистратурае. А главное отчы, кытчыяз потэ. Специалистъёслы умойгес. Соос подстраховкаен. А кин тон, бакалавр? Загадочной бака. Кулэтэм бака, куди:з мед эшшо дышетскоз на кык ар, чтобы со кулэ мед луоз.

Пушкын истерия кыч:е ке.

3 мар. 2015 г.

Эпической нунал

Толон вал пумиськон. Мон понна туж бадзым событие вал со.

Ижкаре вуылиз Алексей Иванов. Нет, не мынам однокласснике:)

Алексей Иванов берло дыръёсы туж крутой гожъяськись. Да, да "Географ глобус пропил" кино солэн книгаезъя снимать каремын.
Мон соин "тодматски" 10 классын. Выль книгаосын полка вылын сылэ вал ч:ыж-выль книга. Тунсыко нимын. Малпай лыдзыны. Лыдзем берам синмаськи. Синмаськи дышетисьлэн ужезлы, авторлы. Туж зол соку потиз, чтобы кино мед гожтысалзы книгая.

Сояз аре ку кыли, что кино всё-таки потоз, шумпотонэлэн бырон о:й вал кадь)
Нош толон ас синмыным адзи авторзэ. Кудиз возын сыли:. Остэ. Мар мусо дак адями. Сыч:е простой. Чик но кыч:е лобз:ем о:во:л. Вераське огшоры адямиос кадь. Чёкать карыса.
Кельше, что вань сюлмыныз яратэ ас страназэ. Яратэ солэсь историзэ, инкуазьзэ, адямиоссэ.

Муспотон.

Южтолэзе

Мыным ненег. Тулыс каллен вамышъяса лыктэ. Февральлэн шораз шо:ди: ини зынзэ.

Шунды котькуд нунал пиштэ. Каллен гинэ, мусояса шунтэ кадь. Куазез кезьыт ке но.

Мылкыд умой. Лякыт.  Южтолэзе.
22 арес скоро.
"Пересь ини тон",- шуизы алигес мыным.

Бон ярам. Пересьмисько ке пересьмисько, дыр. Котькуд адями пересьме ук.

Дыр шаплы ортче. Мон сое шо:дыны кутски туж зол.
Пичи дыръя тол сокема кысти:ське йо:тэ вал. Гужем но туж кузь луэ вал пичи дыръя. Писпуос но мар ке ж:уждаесь йо:то вал, адямиос но з:ечгес вал кадь.

Будэмъя трос мар вошти:ське. Нош малпам уг поты кадь, что тон пичи о:во:л ини, бизён дырыд вуэмын ини. Скоро ас семьяед понна кыл кутод. Но малы ке йырвизьлэн талы оскемез уг поты.

Мар ке ди:сяськод кытчы ке мыныны, буяськиськод но малпаськод:"А вот, чылкак бадз:ымъёс кадь. Кызьы потэ озьы ик ди:сяськиськод. Буяськиськод. Каблукъёсын корккети:ськод. Нош пичи дыръя уг яра вал". Валатэк, что мон ачим бадз:ым мурт ини, ачим аслым мактаськисько.

Кыл кутыны кулэ. Дышетскон йылпумъяське (ну малы мон али "быре" кылме вошти: "йылпумъяське" кыллы? Литературнойгес шуыса-а мар-а? Ч:емгес но ч:емгес ас поннам чакласько, что берпумети 2-3арзэ ас вераськон шорам учкисько. Олокытысь адямиосын эшъяськид ке оломар но луоз, дыр, ай) ини.