12 июн. 2015 г.

Сю пӧртэм

Мон вералляй ни вал, что доре бигер пыр бертӥсько шуыса.
Ӵукна гуртъёссы улӟемын, адямиос урамтӥзы ветло, нош ӝытпал бертӥськод ке, яке гуртэ мынӥськод, одӥг адямизэс но адӟыны уг луы урамысьтызы.

Мон ворттылӥсько соослэн идеальной сюресъёссы вылтӥ. Соос али как раз вошъяло, выльдо асфальтсэс, хотя вужез но чылкак алама ик ӧй вал на. Вот вань Удмуртиысь сюрес лэсьтӥсьёсты нулдоно бигер сюресъёстӥ и возьматоно, кызьы асфальт вӧлдоно.

Бигеръёс дыртытэк вӧлдо.  Кылем сӥзьыл вуж слойзэ басьтӥзы, нош тани выльзэ али вӧлдо, шундыё куазен. Зорыку, лымыяку ужамзэс уд адӟы. Соослэн даже кышъям асфальтъёссы но аккуратноесь. Бервылзэс утялтыса кельтэмын, ӵужемын. Нош ортче ай Асан Совхоз-Техникум палтӥ. Оти асфальт вӧзтӥ машинаос ветло ини. Ми пала со понна таксистъёс но нырзэс кисыртыса мыно Алнашысь.

Ӵужай весь шуэ:"Бигерлы бизёно. Соос тӥни сюрессэс но учко, корка котырзы но утялтэмын, бай уло. Кышнозэс но учко".

Озьы, дыр.

Комментариев нет:

Отправить комментарий