17 июл. 2015 г.

Арбуз

Гочамы туннэ арбузлы. Шонерзэ вераса, мон гочай.

Курдаса ик басьтӥм. Уд вала нокызьы, кудӥз вуэмын ини, а кудӥз ӧвӧл.

Июль гинэ ай, нош арбузъёс сыӵе ческытэсь ини. Сакыро, горд-горд. Удалтӥз ик)

Азьло, пичи дыръям, ми гуртэ арбузъёс вуо вал сентябре. Вуэ вал бадӟым камаз мар ке мында арбузэн и вошъяло вал соосты барангылы. Ӵапак сентябре ваньзы барангы бичаны кутско вал. Али со куазь воштӥськемен-а мар-а августэ ик бичаса быдто ни.

Сентябрьлэсь вазьгес арбуз сиыны кылдэ ке, самой крутоез луиськод вал эшъёсыд пӧлын.
Уксёен дуно усе, нош картошкаен дунтэм. Гуртын ваньзы трос мертто уго. Соин но анай-атайёс шуо вал, дыр: "Августэ вуэмтызэ вузало. Тани барангы бичамы ке, сразу 5-10 басьтом". 

И пукиськод вал сомында арбузэс сиыса. Солань-талань ветлыса дорысь сьӧросэ.
Дышетӥсь но сре серекъя, сразу адӟиське кин трос арбуз басьтэм шуыса :)

Комментариев нет:

Отправить комментарий