29 мар. 2016 г.

Ӵыж-ӵыж

Арт-экспедиция, пе, опять луоз шуыса, веразы вал ньыль-а вить-а толэзь азьло. Шумпотӥ. Пыкмыны ато кутскисько ни вал кадь одӥг интыям пукыса.
Кыӵе нырысь разочарование вал, ку шуизы: "Арт-экспедиция уг нимаськы, а нимаське удмурт лулчеберетъя нуналъёс". Эшшо ке мукет составен почти. Смыслэз сыӵе, что ми потаськом толэзьлы огпол мукет Элькунэ, ортчытӥськом мастер-классъёс, лыдӟиськом пичияк лекциос туала удмурт культура сярысь, ӝытпал концерт возьматӥськом, собере удмурт дискотека.

Нырысетӥ сюрес лёгимы толшоре Марий Эл Элькунэ Карлыган гуртэ. Котькудмес люкизы пӧртэм коркаосы. Мылкыд куашказ.
Карлыган ас сяиныз бадӟым гурт. Вуж ини. Раз одиг нуналлы гинэ ми вуим, даже пыдын ӧм ортчылэ урамъёстӥ, машинаен нулдӥзы. Школаязы паймытӥз инструментальной ансамбльзы. Пумитазы куинь кылын - удмурт, ӟуч, пор. Паймытӥз дасяськемзы. Репортёръёс, журналистъёс. Нылпиоссы люкемын вылэм мастер-классъёсъя. Дизайн, театр, психология, журналистика. Возьдаськисесь. Нырысь юай: "Кин ке тодэ-а удмурт кылэз?" Ымазы ву ӟузем кадь пуко, шып. Ну ярам, вераськи ӟуч сяин. Собере дышетӥсьсы лыктыса шуиз, соос, пе, удмурт кылэз но бигерзэ но порзэ но дышето, вераське удмурт кылын. Пайми.
Татын бадӟымъёс тодо удмуртэз, нош егитъёс кутсемын ини вунэтыны. Арлыдоосызлэсьгес кылылӥ удмуртэз.

Школазэс кемалась-кемалась усьтэм удмурт воргорон. Туж утялтыса возё шӧдске, школазэс. Вуж советской партаос наш-наш краскаен буямын. Директорзы воргорон.

Туж тунсыко калыкез дунъяны концерт учкыкузы. Тунсыко-а, ӧвӧл-а соослы. Чабко-а, серекъяло-а. Татын со ласянь шуг-секты ӧз кылды.
Туж сюлмам кылиз музыкая кабинетсы. Вуж, советской шӧмо. Борддоръёс кузя инструментъёссы ошылэмын, вуж пианино cылэ, мар ке мында пластинкаос. Малы ке кошкылэм ик ӧз потылы та кабинетысь.














Кыкетӥ сюресмы нуиз милемыз тулыспалэ Ошторма-Юмья гуртэ Татарстан Элькунэ. Кукмор ёростӥ ветлэме ӧй на вал. Кукмор сапегъёс cярысь гинэ кылэм вал. Татын тожо милемыз коркаосъя люкизы. 

Школаязы милемыз пумитазы воргоронъёс. Директорзы, мукет поселениосысь председательёссы. Котыр воргоронъёс, даже шумпотымон со кыӵе ке. Школаязы милемыз интыязы кытчы? Шонер. Бигер кылъя но литературая кабинетэ. 

Татын трос удмуртъёс. Со шӧдске сразу. Даже докладъёсты лыдӟылӥзы удмурт сямен, нош Карлыганын ӟуч сяин. Концертэз но туж мыло-кыдо учкизы. адямиез зал трос вал. Дискотекаязы но, пе, сомында адями люкаськемзы ӧй вал на. Зато эктон мастер-классэ гозыен но кыскыса ӧз луысал, дыр скамья вылысь султытыны. 

Татын туж тунсыко вал. Одӥг азбарын вуж пулсь клуб, эшшо но вужгес пулэсь черкно школа.
Школазы сразу адске - директорзы воргорон. Ваньмыз лад-лад. Туж хозяйственно, практично но чебер. Котыр картинаос, гульёс.  Директорзы туж мыло-кыдо. Озьы ик вуж советской вечной партаос наш-наш буямын. Соос вылын хоть лэйка, уз лябӟе.

Татын но туж мыло-кыдо пыриськизы мастер-классъёсы. Гань-гань пуки кадь но, только кыӵе ке нылкышно весь пукиз вераса, что бисерен вырон точно не солэн, лучше со пукоз кертӥськыса. Ярам, малпай, мон же дышетӥсь, эшшо не сыӵе капризъёс кылылӥ нылпиослэсь.

Бигерын туж ярато сюдыны. Кӧт пуштытозь. Татын ӝӧксы сюанлы кадь дасямын вал. Что ӵукна, что нуназе, что ӝыт. 

Ошторма-Юмьяысь ми самой бер бертӥмы, малы ке шуоно Средний Куморе ӧтчаллязы на. "Зангари" ансамбльзэс возьматӥзы, выль клубзэс. До того мусоесь уг-а зангариос. "Тӥ,- шуиськом,- асьтэлэсь кырӟалэ, пожалуйста, ми льӧмлет сяська cярысь весь радио пыр кылӥськом". Пичи гинэ клуб библиотекаязы кырӟазы, эктӥзы, пока Гирыш телефонлы приложениосын тодматӥз пиналъёсты.

...Тужгес но сюлмам кылиз клубысьтызы библиотеказы. 








Куинетӥ сюресмы кожиз Урустамак черкогуртэ, озьы Татарстан Элькунэ. Бавлы ёросэ куинь ар талэсь азьло вуылӥ ини вал. Удмурт Гырон-Быдтонэ. Гожъялляй но вал.

Татчы просто так ӧм вуэ, машинамы сӧриськиз. Колтыр-калтыр сюресъёстӥзы вайизы курутой машинаосынызы. Арт-экспедициын сямен матъёс вылын изим. Кыӵе шумпотӥ! Изьыса но мар но йӧназ ӧм вуттэ, сиськыны сайкатӥзы. Номыр воштӥськемын ӧвӧл, весь сюда. Гырон-быдтонэ ветлыкумы ӝӧк сьӧрисьтӥзы пегаса но поталляммы вал. 
Откытимы кутскиз почти часлы бер. А всё малы? Удмурт министръёс, пе, тани-тани вуозы ни, возьмалэ ӧжытак. 
Мастер-классъёсын монэ пӧсе вуттӥзы, адямиос трос вал, ачим номыр лэсьтыса ӧй вутты, только валэкъяй. Кыӵе ке кышномурт ветлэ удмурт кылын вераське шуыса. Бон я, я. Только мыным веразы вал, что татын пиналъёс аламагес удмурт кылэз валало шуыса. 
Клубзэс воштон понна ваньзэ потталлям вылэм ини, ми лыктӥськом шуыса, вань пуконъёссэс выльысен пырталлям, сценазэс чеберъяллям.
 Татын мыным туж капчи вал.Только концертчиослы незнай. Калыксы туж паймиз кадь туала кырӟасьёслы.
Самой монэ паймытӥз посеенизылэн председательзы. Кыӵе Урустамаклы бадӟым шуд усем.
Та адями милемын ӵукнаысен уйинозь вал. Сцена вылэ концерт бере кыл вераны тубиз но милям ваньмылэн кӧтмы серекъяса шугмиз кадь. Стендаперед но кулэ ӧвӧл. Сыӵе но тунсыко вераське, нош калык шып кылзэ, серекъя но. Милемын ӵош дискотекаын но эктӥз, лулысь-сюлмысь сцена вылын выж вылын пукыса но вераськиз. Туж искренний адями. Ваньзылэн сыӵе председательзы ке луысал, дунне ӟечгес луысал, дыр.     


....Мар мынам пумаз вераме потэ. Ваньзэ тае лыдӟыса, можно малпаны: "Пффф, ветлӥллям, асьсэды развлекать карыса". Чынзэ ке, озьы, дыр. А может ӧвӧл. Таӵе ужрадъёслэн кык миссиязы луэ: кужмо команда люкан но выль омыр пыӵатон пиналъёслы. Асме со пиналъёс, егитъёс интые ке пуктӥсько, малпасько: кыӵе мон шумпотысал, если мынам гуртам тазьы лыктысалзы выль адямиос, кудъёсыз бурдъято но выль малпанъёслы тылгизьы сёто. Гуртын улон шыпыт но каллен, кыӵе шер луо вакытъёс ку гурт зурка. Так что асьтэос малпаське ладом.



Сюрес усьтӥське мынӥсьлы, если что.

Кызьы ортче обычно вордӥськем нуналэз адямилэн, кудӥзлэн эшъёсыз пӧртэм компаниосысь? Шонер, быдэс арня.

23 аресме пумитай быдэс арня, вань уксёме быдтыса.

Мынам нылпиосы - прелесть. Косӥзы лыктыны бергес. Ну, малпасько, мар ке малпалозы ини. Ӵапак эшшо вторник уг ай, технология уроксы, может, мар ке пӧралозы но. Сыӵе малпанъёсын пыри школае. Вахта азьын нылпиосы анайёсынызы возьмало ини вылэм. Сяськосын, открыткаосын, кампетъёсын. Ымдур пельдур луиз, конечно, мынам. Шуныт кылъёссы верамзы бере, воксё синкыли ик чуть ӧз быльыра.Я, пе, ойдолэ ини классамы. Остэ, господи, сюлэм ик шымырскиз: вазь ӵукна ик лыктыса, ӧс йылам бадӟым букваосын "ӟечкыласьком!" ошиллям, шарикъёсын чебер кариллям, фотоме эшшо лякиллям на) Классам но пырыса, пайми: котыр шарикъёс, доска дорын эшшо раз "вордӥськем нуналэныды! гожтэм ошиллям, фотоме чеберъяса распечатать кариллям. Остэ, ост, остэ. Собере кузьылиос кадь котырам люкаськыса, пичи чилясь пакетъёс кузьымъёсын сётканы кутскизы. Тортмы но, пе, вуиз ини, ойдолэ чай юыны. Торт ведь пыжиллям. Мон малпасько вал, мар толон соос яратоно тортме юазы? Графские развалины шуи, малпай, что магазинысь басьтыса, кузьмалозы. Нет, асьсэос пӧраллям.

Сюлэм сразу шуназ. Нош урокъёс пумын вокщё сюлэм кутэ ни вал. Пыриз огез атай, но мичиз мыным лемлет корзина, кудаз... осто сюлмы, вань кӧшкемыт ожиданиосы оправдались...писей. Гольык. Мон кожай, так ведь шоккетӥзы, быдэ толэзь ветлӥзы: "Ми тӥледлы писей кузьмалооом". Я, шуи, табере сояз аре скал кузьмалэ, ява? Гор гинэ серекъязы.

Ну нет. Мынам так ке льӧль малпанэ вал со - гольык писей. Малпанъёсы асьсэ понна кызьы ке материаизовались. Хотя... Ас понназы меда?
Мон туж тулкымъяськисько вал класс басьтыны. Со туж так ке ответственной уж. Но куддыр туж ӟеч уж.





9 мар. 2016 г.

Концертчиос

Мынам таӵе 8 мартэ ӧй вал на кадь. Школаын ужаськод ке, однозэ но пичи ке но кампет ӝӧк вылэ поно, открытка сёто, сяська кузьмало. Тазьы бон карт но кулэ ӧвӧл :)))

.. Вообщем, бертай мон гуртам. Как раз сюри концертэ.

Мар мынам шуэме потэ. Конечно, не Куарагур и не Элькуновидение кадь, но всё равно. Дышемын город концертъёслы, бадӟым сцена вылэ, чильвор пиштӥсь дэремъёс шоры учкыны. Татын нош дэремъёссы но йӧназ уг вошъясько, номеръёссы куспын паузаос но кылдыло, но зато кыӵе но кыӵе тыршыса лэсьтэмын, вань сюлмысь, ӵошен, вераськыса. Кыӵе  шуныт луиз пушкын тае ваньзэ адӟыса!

Концерт сӥземын вал 8 мартлы но 23 февральлы. Самой но зол кельшизы мыным нуисьёс (туж егитэсь но ӧвӧл ни). Кыӵе но маскараесь. Котькыӵе ведущийёсты Ижкарысь воштысалзы, дыр. Тунсыкоесь миниатюраос малпаллям, быдэс зал кӧтсэ кутыса серекъяз. Таш-таш удмурт кылын зулизы.

Нош кыӵе пӧртэм репертуар вал! Сценка но возьматӥзы, эктӥзы, кырӟазы удмурт (кык кырӟан ачиз клубын ужась малпаса гожтэм) но ӟуч кылын. Пересьёс но егитъёс но. Даже нырысетӥ классысь пичи тэшкылиос моктӥськизы возьматыны тямысэн эктонэз.

Нылкышно ансамбльлы вуриллям чебер дэремъёс, кудъёсыз туж тупало соослы арлыдзыя. Дӥсясалзы ке со дэремъёсты егитгес нылашъёс, со адӟиськысал попсово. А так тазьы туж женственно.

Мон пайми та мыло-кыдо концертлы, ӧй но малпа вал сыӵе тунсыко луоз шуыса.

3 мар. 2016 г.

Вераськон сярысь

"Простой эн шуы,- шуизы мыным,- огшоры шу".
"ОгшорЫЫЫ, - ыыы карыса кыски, - со кылэз мон вераськонам уг кутӥськы вал ноку, мынам вераме искуственной пӧрме. Вераськонам ке кутысал пичи дырысен, шуысал огшорӦ. А мынам уг луы".

2 мар. 2016 г.

Куарагур

Куарагур туэ куинетӥзэ ортчиз. Ортчиз со и ортчиз. Уксё, наверное, трос сётэмын ӧй вал. Шоу ӧз пӧрмы. Сояз аре сомында фишкаос вал.

Нырысь ик нуисьёс - Дима Софронов но Аня Пислегина. Аня ӟечок, тыршиз хоть мар ке но карыны, нош Дима долказ. Таӵе концертъёс бадӟым сцена вылын солэн форматэз ӧвӧл шӧдске. Клубын ассэ капчигес возе, нош татын зависать карись компьютер кадь. Залэн диалогзы ӧз пӧрмы.

Син жадиз учкыса тӧдьы занавесъёс шоры. Фоновой заставкаос соосты ӧз ватэ. Просто одӥг проекторысь задник вылэ суред лэзьяллязы кадь.

Кызьы кутскиз ури-бери, озьы ик быриз. Ӧй вал кыӵе ке особой сценарий. Огшоры: кырӟась бере кырӟасез ӧтчаллязы. Малпа вылэм сценарий кыӵе ке для разнообразия.
Ну, малпай, если обстановка ке уг шумпотты, значит шумпоттозы кырӟасьёс. Соос чынзэ но шумпоттӥзы, малы ке шуоно куараоссы золэсь. Но тулкымъяськемзы всё равно шӧдӥськиз.

Жюриос пӧлын: Зинаида Кирилловна Рябинина, Наталья Ушакова, Марина Германовна Ходырева но Света Ручкина.

Нырысетӥ кырӟаз  Марина Матвеева. Образэс туж странной вал. Ворекъясь, чорыг азвесь вылтыр кадь дэремен но кык эктӥсь пияшъёсын. Чебер кырӟа. Нырысетӥ кырӟаменыз-а мар-а йыре ӧз кыльы.

Женя Аркова ненег. Самой чебер образэз вал. Но шӧдске бадӟым сценалэсь кышкамез. Мон слишком зол малы ке со понна сюлмаськи, йӧназ ӧй но вала кызьы кырӟаз. Удмурт Кенешлэсь кузьымзэ утӥз. Огез самой яратоно крезьгур именно Женялэн кырӟанэзлэн. Нош кылъёссэ гожтӥз Аня Бурдина, кудӥз вормиз как раз таки.

Ксения Ахметханова возьматӥз кызьы быгатэ кырӟаны (куараеныз шудыса). Аудиозаписьын кырӟамез мыным кельшегес. 2-тӥ толэзьзэ кылзӥськыса ветлӥсько ини. Тодмо вал, что Ксения вормоз. Солэн самой зол, уверенной куараез. Да и заслужила, со ассэ кылем арын но зол возьматӥз. Туж дерзкой образэз вал.

Радис Гайнуллатов кельшиз аслаз огшорыеныз. Кылъёссэ но крезьгурзэ но гожтэм Анисимов. Вераны кулэ ӧвӧл, дыр, кыӵе шӧмо кырӟан. Та номер туж лаконичной вал. Самой лаконичной шуысал. Котыраз нылаш эктыса ветлӥз, нош Радис арганэн шудыса кырӟаз. Куараез туж зол. Фоновой заставкаез но мынятӥз.

Герман Волков огназ ваньзы пӧлысь валаз кадь мар сярысь кырӟаз. Лулысь-сюлмысь. Выражениен. Быдэс кырӟанзэ отвлекаться кариськытэк кылзӥ. Пуро рэп самой малпаськытӥсь маке.

Анастасия Сапожникова. Крезьгурзэ гожтэм Иван Белослудцев. Та крезьгур вормиз. Ачиз Настя вормиз смс-голосованиын. Дӥсез туужжж маскара вал. Малы укша уг вера. Куатаськозы. Куараез тожо зол, ӵемгес потаз ке сцена вылэ туж крутой кырӟась луоз, дыр.

Ирина Яковлева. Ну кырӟан и кырӟан кадь. Куараез чебер. Дӥсез чебер. Со луиз интернет-голосованиын вормись.

Валерий Мадазимов - со удмурт Александр Рыбак, романтичной туж.

Яна Кузьмина ненег, только сюлмыныз не прожила кырӟанзэ. "Король лев" мультикысь кадь гурен кырӟанэз.  Пафосной диснеевский мультикысь каль уске.

Елена Григорьева выросъёсыз уг тупало вал крутой музыкаезлы. Музыкаез тожо туж крутой вал. Ручкина кадь кырӟаны турттӥз кадь. Но солы ужано но ужано ай.

Кыкетӥ частяз кырӟазы уже тодмо кизилиос: Юля Гаврилова, Аня Образцова, 10 гужем нунал (кудъёсызлы ӵошен ик кырӟано, а не отдельно), Мария Бочкарева, Эльвира Панченко (самой яркыт но дерзкий образ - полукупальный кыӵе ке костюм, сьӧд лаковой басмалэсь), Peace Pu группа (самой крутой выступленизы вал кадь соослэн, кудзэ адӟылӥ, туж кельшизы) но Сайлентъёс.

Кизилиос соин ик кизилиос, быгато асьсэды сцена вылын возьыны, йыг-йыг сыло. Но ӝуатымтэ залэз так и ӝуатыны ӧз быгатэ.

Лиана Корепановаез (кылем арын вормись) так и жадим возьмаса, особенно клипсэ. Так и ӧз возьматэ. Ачиз но сцена вылэ ӧз поты.

Учкомы ини маин сояз аре паймытозы.