30 июн. 2016 г.

Эмезь кисьмаку

Толон ӝытпал доре бертыса, умме усиськем. Султӥ вазь ӵукна, ымдуръёсам эмезь шӧм кылемын на вал кадь.
Уйвӧтам ческытэн сии шарк-шарк бадӟым эмезь. Гурт вӧзысь посадкаысьтымы, кудаз узы сяна номыр уг буды. Даже зынзэ но шӧдӥ кадь. Нош собере боры. Шундыя кисьмам боры. Бадӟымесь, кӧнязэ ке бичаськод но ведра сразу тырме...

Сиён уйвӧтад ке адӟиськод, шуэ мама, висьыны, пе кутскод.

Уг поты вал висем. Зарезь монэ возьма ини.

ышем адями.

Контактысь отмеченной туспуктэмъёсме учкисько. Учкыса, малпаны можно: "Кыӵе Марина тунсыко улэ, кытчы но уг вуы! Кыӵе со тузи интыын ужа! Кыӵе со серекъя котькуд тунспуктэмын, эх, шудо адями." А мон шуо:"Сӥть. Чик улонэ мынам тунсыко ӧвӧл и ваньмыз акыльтӥз ини. И уг тодӥськы малы котькуд туспуктэмын мон серекъясько. Мон вообще серекъясь адями ӧвӧл, мон йӧнтэм но ваньзэсты пыкылӥсь."

Телефонэ сӧриськиз. Ветлӥсько урам кузя, ышем адями кадь. Зато капчи.

Маркеслэн вань вакчи гинэ рассказэз "Я пришла только позвонить по телефону" кытын нылкышнолэн сӧриське машинаез сюрес вылын. Сое  пуктэ автобус, тодыса, кытын можно телефон пыр жингыртыны. Нош со автобус вае сое визьзэс ыштэм нылкышноослэн юртазы. Сое отчы пытсало, шузи кожаса. Озьы со картсэ ыштэ. Нош соиз кожа, кышноез любовникез доры кошкиз шуыса. Даже адӟиськемзы бере но картэз кожа - кышноез чынзэ но шузи.

Мон но али озьы сюри ке, кельтозы, дыр.

19 июн. 2016 г.

Шуд кудыос

Таиз арня ортчиз туж шудо. Именно та кыл.
Мынам весь: ну малы мон отчы мыныны "я" шуи? Малы? Малы со мыным кулэ вал?

Котькуд потон азям верасько, но озьы ик мынӥсько.

Вань сыӵе межрегиональной ужрад "Бабушкина дача" нимаське, кудӥз ортче Тол Бабайлэн резиденцияз Шарканын. Так вот, монэ отчы, можно шуыны, нуизы. Эшъёсмы малпазы отын ужаны, нош ми Ленаен -  тузон пурӟытыны. Мар мон тодӥсько вал та ужрад сярысь: татчы лыктэ кырӟась Сергей Трофимов. Всё.

Тол Бабайлэн но резиденцияз вуылэме ӧвӧл. Да и Шарканэ но йӧназ.

Нырысетӥ нуналаз, а та ужрад куинь нунал кыстӥське вылэм, эшъёсмы ветлӥзы инты утчаны, кытын соос асьсэлэсь лохотро... а нет пичиослы шудон атракционъёссэс пуктозы. Ӝыт вуэ ни вал, трос адями, машина... Ог 4-6 КПП-ос сыло пырон сюрес кузя. Мон просто вамышъяй учкыса, кыӵе татын чебер вылэм: бадӟым пруд, нюлэс бамалъёсын, каллен вӧлмись бус, шулдыр крезьгур, шудо семьяос, кудъёсыз палаткаосын, котелокъёсын вамышъяло палаточной городоке...Номырзэ но валаса ӧй вутты кадь. Билет басьтӥзы, киям браслет лякизы.

Котырскыса, кӧлыны кошким Пороз гуртэ, споръяськыса, Шарканын-а Алнашын-а тузигес шуыса. Ну тӥ валады - извечной проблема. "Мон",- шуисько, - ӝоканы кутскисько нюлэсъёсты пушкын, мыным эрик кулэ - бусыос". "Ну, конечно, бусыосты сяна номырды ӧвӧл ни но,- валатэк вазе эше-юлтоше,- учкы кыӵе милям инкуааааазь. Бамалъёс, нюлэсъёс! А тӥляд бусыостылэсь син жаде" "Да-да-да,- синъёсме питыртыса вазисько, - Удмурт Швейцария, епт".
"Всё равно Алнаш палъёс тузигес", - ас поннам малпай.

Кыкетӥ нуналаз, ӵапак, самой шулдыр вал.
5 часэ ӵукна султӥсьёс, тямыс часэ султыса, ширтӥзы фестивале (толло кумышкаен варсь винамат вал, дыр).

Мон пайми сомында адямилы. Машина пуктон инты ик ӧй вал ни кадь, нош палаточной городок совсем не городок, а городище. Тодэ сразу лыктӥз удгушной турслет аслаз романтикаеныз. Ваньзы ӵукна ветло солань-талань, мисьтӥсько, зарядка лэсьто, сиён пӧраны кутско. Сайкало огкылын вераса.

Программкаез учкыса, валай ини: вань 4 сцена. Валтӥсь бадӟым сцена, Евгений Лисицинлы сӥзем сцена, сцена, кудӥз нимаське "Крым" (дортӥз ик малы ке ӧй ветлы, вунэтӥ со сцена вообще вань шуыса. Иронично пӧрмиз гожтэме, но малы ке со озьы ик вал), сцена кудпалаз тусуются йогаен вырисьёс. Берпуметӥосыз, кстати, та фестивальын мар ке мында вал. Берлогес верало.

Собере мон валай, что та фестиваль кыкетӥ пол ортче ини. И та фестиваль "пропитан духом бардов". Котыр тушо, кузь йырсиё пиосмуртъёс калго, огшоры дӥсен. Да и фестивалез радъясьёс пӧлын "Общество бардов Удмуртии".

А так мыным яра таӵе атмосфера. Будто вуи 60-тӥ аръёсы но калгисько хиппиос пӧлын. Татын но озьы ик: синмаськемъёс ваньзы азьын мусоясько, ваньзы туж шудо ымныръёсын ветло, изьыны выдо чуть ли не пыд улэ, котыр кырӟало, котыр гитара но мукет инструментъёс. Реальносте вуттэ арган куара: детка, тон не 60-тӥ аръёсын хиппиослэн тусняязы, тон Шарканын и али ортчоз конкурс "Самой усто арганчи". Кудаз, кстати, Ашихмин вормиз туж чебер тӧдьы ӵыж выль арган.
Куд-ог индийской шароварыос пӧлтӥ ворекъя стилизованной удмурт дӥсь. Ну всё, точно Шарканын, а не 60-тӥ аръёсын. Со озьы ортчиз ансамбльёслы вожвылъяськон.

Олокыӵе но площадкаос вал. Ми но Ленаен ортчим туристической полосаез. Шокпуль луыса кыкетӥ инты басьтӥ ик "среди женщин от 18 до 30". Сётӥзы мыным, значит, картина шарканской трикотажлэсь кык юсьёсын (пересьми ке, нылпиосылы верало:"А вот, тани тазэ ворми вал Шарканын. Отын ортчиз вал сыӵе фестиваль. Я, эн йӧтылы, кыжмытод. Синпель всё-таки") но футболка рюкзакен "Бабушкина дача" логотипен.

Конечно же акустической рок но вал, кытчы сотэк. Пӧртэм мастер-классъёс, перепечъёс, табаньёс, шашлыкъёс, сахарной ватаос, шарикъёс...

Таӵе интыосысь адӟыны луэ кыӵе ке идеальной семьяез: шудо анай-атай но нылпиоссы. Огшоры походной дӥсен, сандалиосын, кроссовкиосын, загорелоесь. Быгато ӵошен ял карыны. Куинь нуналлы пот ай тазьы. Кинъёс но соос вокщё писейёсынызы но пуныосынызы лыктылэмын вал.

А эшшо пумаз бырйизы самой-самойзэ кырӟасьёс, арганчиос, поэт-песенникъёс и тд и тп пӧлысь. Гран-при 50000 манет вормизы ИжГТУ-сь кырӟась студентъёс.

А эшшо пумаз - Сергей Трофимов. Кудӥз понна телефонэ чуть ӧз ышы. И кудӥз понна ми точно валамы Ленаен - ми шуд кудыос. Концерт кутскон азьын 1 час вал на, нош адямиос главной сцена палась быдэс гурезь бамалэз оккупировали. Пуксён интыез ик ӧй вал ини. Нош сцена азьын, гурезьлэн улаз, щебень кисьтэмын, кудӥз вылэ пуксьылыны уг ни лэзё вал. Но милемлы пичи гинэ инты кылем, каръяським  за 20 минут до начала. Нош беромем адямиос лыкто но лыкто. Организаторъёс сцена котырез кутскизы лентаен биняны, ми чуть со лента сьӧры ӧм кыле, чаляк берпалъёсмес ӝутыса пуксим ик со щебень вылэ. Нош беромемъёсты куто, уг лэзё пырыны, учкисьёс кутскизы сооос вылэ черекъяны. Котькудӥз аслэсьтыз интызэ кутскиз утьыны. Ӵаш-ӵаш зорыны кутскиз. Эшмес вайыны косӥмы покрывало шобырскыны. Я, пуксим, шобырским, вискамы телефонме но бутылкаен вумес понӥмы. Ми дась учкыны, давай пот, Трофимов. И мар, со потэ но шуэ: "Мон не привык, что адямиос сценалэсь сыӵе кыдёкын пуко, что мон но учкисьёс пӧлын собыдӟа вис. Чале, султэ, лыктэ сцена доры". И ваньмыз, со бере кылем адямиос, кудъёсыз сыло вал лента сьӧрын, вырӟизы. Берамы гурезь бамалын сылӥсь адямиос но. Ми ке ӧм султысалмы, лёгасалзы интыямы ик. Ваньзэ киямы кутыса, милемлы но пришлось бизьыны сцена доры. Собере гинэ валай:"Лена, телефонэ!" Лена кутске судорожно утчаны телефонме покрывал пушкысь. Мынам йырам:" Телефонме точно дэрие лёгазы ини или кисыязы понӥзы ни. Ваньмыз ведь отын.  Кыӵе уксёен выль телефон басьтом? Лишной уксёе точно али ӧвӧл". Лена шокчиз - татын. Осто. Ышыны валасьтэм телефон. Сое мыным вӧсяса вузазы, дыр. Кӧня пол ышемлэсь кылиз ини.

Ярам, зато Трофимов ӟеч вал. Зато ныр улаз ик сылӥмы. Вань кырӟанзэ сюлмысьтыз кырӟа.

Куинетӥ нуналаз ми, конечно, ӧм ни кыле. Номыре валатэк, кытынме валатэк пырс-пырс изи. Ӝуамын, жадемын, шудо.

Вот. Тазьы ик опен-эйр ортчыны кулэ. Но со озьы уз ортчы. Потому что ваньзы лыктозы кильтыръяськыса, палаткаостэк. Потому что Эктоника.







13 июн. 2016 г.

Гербер дыръя

Котькуд нунал ортче уйвӧт кадь. Луылэ-а тӥляд озьы? Мон уг тодӥськы ни мар толон сии, мар кари, мар мон вылын дӥсямын вал. Ваньмыз чаляк сылме, кызьы сылме ӵукна адӟем уйвӧт. Вань детальёс ышо, тодад вайыны тыршиськод но нокызьы уг пӧрмы.

Озьы лобаса быдэс июне ортче ини. Дорысь Иже, Ижысь доре.

Гербер ортчиз озьы ик, уйвӧтын кадь. Мар ке весь акыльтытӥз. Тополь пух ныре, пеле, синме, копак мугоре лякиськиз. Гужем вискын тол вуиз кадь. Уйвӧтын кадь.

Ужай. Милемлы кулэ вал ортчытыны нылпиослы шудонъёс 4 час ӵоже.

Вӧзын Шундылэн площадкаез жингыртӥз. Учкем потыса ик кыли.
Мукет палаз Айкай потаз.

Адямиос ветло солань-талань, ял каро, сисько, шулдыръясько, нош мон вӧзтӥ тэтчало нылпиос. Со, видимо, навечно...

Удмурт дэрем басьто шуыса лыктӥ вал. Москвина лыктымтэ. Нош палэнынгес Угланова гочатыса вузаськиз кильтыръяськонъёсыныз.

Ма бон. Сомында ужам бере, тунсыкоез кыльымтэ ини. Котырски огпол но бертӥ. Мар ке адямиос шулдыръяськыны уг ни быгато кадь. Яке программазэ воштоно.

Тунсыкоез вузаськон азбарын но ӧй вал. Котыр вузало разноцветной, одноразовой ширпотрёб нылпиослы. Ческыт вата зынлэсь ӧскем потэ...

Туэ мон нырысьсэ сии "вӧсям" ӝук. Огпол но Ижын Герберын ӧй сиылы на вал. Вот что, значит, ужаны бюджетной учреждениын.

А вообще потэ вылысен пичи дыре. Уг поты арысь аре адӟеме кызьы ваньмыз пересьме, сисьме, куажга.

Пичи дырысеным, кызьы асме тодӥсько, Усоен Кузёбай вискысь бусыын будо пужымъёс. Одӥген одӥген соос сыло. Пичиысеным соос мыным пото волшебноесь.
Адӟи бертыса, огез куасьмыса, жыныя тӥяськем. "Кызьы? Малы? Соос же волшебноесь!"- йырам чилектӥз. Мама гинэ шуиз: "Пересьмемъя ваньзэ гинэ ваньзэ валаськод. Озьы гинэ адӟиськод воштӥськонъёсыз". Ньылонам комок кугӟаз.



3 июн. 2016 г.

Лыктылэ куддыр

Выпускникъёслэн казыр пӧсь вакыт.
Ачим али гинэ сеткай кадь ЕГЭ, нош табере пукисько учкыса, жалостливой ымныръёс шоры, кудъёсыз тыршо гожъяны ОГЭ. Туэ милям школаямы ортче 9-тӥ классъёслэн экзаменъёссы. 3 школа лыктэмын. Пуко, учкыло куддыр тон шоры в надежде, что подсказка кыӵе ке сёто. Нош мон кылтэм-ымтэм кадь.

Жаль пото.

Уг валаськы, кинъёс малпало сыӵе правилоос, кудъёсызъя, соос даже сьӧросэ мыно сопровождающиен. Сотэк но куалекъяса, ошибкаос лэсьтыло бланкъёсазы.

...Куартолэзь шорын 5-тӥ классъёс но сётказы переводной экзаменъёс. Огез параллельлы сюриз литератураен экзамен. Билетъёсын.

Осто, кыӵе соос тон азьын пуко куалекъяса. Куаразы ик дырекъя валэктыкузы. Нош мон пукисько валаса, сыӵе тон лабуда вераськод, что куинь секыт пуктыны, а со тырше. И жаляса 4 пуктӥськод. И ымнырзы воштӥське, пальышаны кутске, чуть ли йыбырттыны уг кутско тыныд. Яке бӧрдон калэ вуо, куинь ке салиськод.

Со нимаське "кожа астэ препод,  кудӥз кылзэ студентъёслэсь еще тот лабуда ".

Взмахом красной ручки мон решаю судьбу: велик тыныд басьтозы-а уз-а, яке выль телефон.
Дышетӥсьёс правят миром, хохохо.

Ну мон так, ортчисько. Почти 4 час бездельник кадь ОГЭ-ын пукем шузияськем потыны кутске.
 

1 июн. 2016 г.

изён штани

Одӥг ӝытэ ӧти коллегаосме дорам куное. Мактаськыса, кыӵе ческыт пӧрме мынам куреглэсь отбивное ананасэн. Вӧзам улӥсь эше как раз дорам ӧй вал.
Со дыре мынам кыӵе ке апатия ваньмыз вылэ вал, туж зол капризничать карем потэ вал...

Огполаз ӝытлы квартирае огнам кыли вал. 23.00 часэ, значит, писее шузияськыны кутскиз. Туж зол бызьылэ. Укное учке-учке (а укно сьӧрын лоджия, кытын барахлоез мар ке мында) но туж зол бызьыса сре мынэ койка доры но шобрет улэ пыре.  И ог вить пол озьы дауртӥз. Собере лоджиысь бугыръяськись куараос кылӥськыны кутскизы. Мон со уе мырдэм умме уси.

...Дак вот. Ӧти мон коллегаосме. Огез великен вуэм 4-5 остановка пыр.
Сиським, сиським, вераським. Огезлэн писеелэсь аллергия луыса, матысь парке потӥмы пукыны.

И что за фигня, кутскимы вераськыны ишан cярысь. Вот, пе, тынад квартираяд аураез странной, кыӵе ке мунёос ошиськыса кыллё борддорад, энергетиказы алама. Куяно, пе, соосты. Соин тынад апатия. Ну, ёмаё, юри-а мар-а? Конечно, мон шуи, что обратно квартирае уг пыры. Собере коллегае, кудӥз вал великен, ӧтиз дораз. Вераським, ӵошен улӥсь эше обратно городэ вуиз ке, однозэ такси ӧтьыса берен берто квартирае. Тем более со монэ заверил, сюрес вылэ потӥ ини шуыса. А  вал ини 23.00 час уйин. И вот мар вал мынам вылам, соин мынӥ коллегае доры (дӥсе сярысь берлогес). Пыдын 4-5 остановка, кудъёсыз вискын растояниез туж бадӟым. Шуныт куазь, тылобурдоос чирдо, егитъёс великен ворттыло. Каллен, вераськыса, вуимы квартираяз. Пуксим, сиським. Мон валасько, что син кабакъёсы туж зол секытомизы. Ай, шуисько, ойдо изьыны выдом. Эше городэ вуиз ке, жингыртоз, и мон сразу такси ӧтё.
До того небыт вал койка... Мон сразу уйвӧтъёсам выйи. Сайкай 5 час ӵукнае валаса, что мынам мыноно уже, нош дӥсе отнюдь не дышетӥсьлэн кадь. Вӧл-вӧл штани, кудӥныз мон изисько, толстовка, кудӥз улын номыр ӧвӧл но кроссовки. Коллегаеным габаритъёмы естественно уг тупало. Ну маро шуыса, вамыштӥ ужаны.

Урок  нуи изён штаниен. 

Шудком-2

Толон орчиз ведь кыкетӥ "Шудком". Самой яратоно луэм ужрад. Озьы ик "Ковёр" клубын люкаськизы 9 команда. Шудон популярной луыны кутске лэся. Выль командаос, выль адямиос.
"Валамон-Паримон" команда (со кылем шудонын ворме "Дэмен" команда), "Намер" (одноименной дизайн-студиысь адямиос), "Эктончиос" (кин герӟаськемын "Эктонкуамын" проектэн), "Уморто" (таоссэ представили "Шунды" огазеяськонэ пыриськись егитъёс шуыса, хотя "Уморто" герӟаськемын Кузёбай Герд нимо гимназиен), "Кынкорт" (Удмуртиысь историяя, кылъя но литературая институтлэн командазы), "Рос-прос"(вакчияк вераса, бывший удмурт филология факультетысь студентъёс, пе), "Кыло-ымо" (ГТРК), "Удмурт дунне" (ну таиз нимзыя валамон ни), ну и "Кызьыайо" (типа милям командамы удмурт активистъёсын).

Нуисез - Роман Дементьев. Кудӥз, мон понна, ас ужзэ ӟеч лэсьтӥз. Туж умой таяз юанъёс но берыктэмын вал, туж умой соос лыдӟемын вал. Собственно со одӥгез пожеланиос пӧлысь, кудзэ быдэстӥллям организаторъёс.

Удмуртлыкъя юанъёс ӧй вал. Мон  юай но малы ӧвол шуыса, мыным туж исчерпывающий валэктон сётӥзы: "Школаяд мыныса, ачид ортчыты озьы, кызьы кулэ" (ну та выллем смыслэн).

Юанъёс, кылемъёсыныз ӵошатыса, капчиесьгес ик вал кадь. Капчиесь, что ми наоборот подвохсэ утчаса, янгышъёс лэсьтылӥм. Но всё-таки опять 4-тӥ инты басьтӥмы ик. Озьы 1 баллы кыльыса. Но табере не ГТРКА-ослэсь, а "Удмурт дуннеослэсь". Нырысетӥ инты озьы ик басьтӥз сояз вормем команда.

Туж сюлмаськыса орчиз шудон, малы ке шуоно командаос туж трос юанъёсты тодылӥзы.
Нырысетӥ инты понна вожмаськон ик вал. Эшшо дополнительной юан сётӥзы на ГТРКА-ослы но Валамон-Паримонъёслы..

Вуоно шудон луоз куарусёнэ. Чидатэк возьмалом ини таре. Тау организаторъёслы таӵе ӟеч ужрад но мусо кузьымъёс понна!


Алнаш ёростӥ трип

Ӝоканы кутскисько, ку нуналъёс ог-огзылы кельшыны кутско, ку уг тырмо буёлъёс, ку валаны кутскиськод - йырвийымед чурытмыны кутске. Сыӵе дыръёсы книгаос пӧлы выйисько. Яке кытчы ке потӥсько, олокыӵе но авантюрной планъёсы кугӟасько.

Кылем арняе Чудья Жени малпаз сюрес. Пыдын, пе, мынӥськом Азаматысен Кузёбаёзь. Висказы, пе, пыраськом Выль Шудьяе, Сосновкае, Варзибаше, Кузёбае, нош сыре Усое. Трип малпамын клип снимать карон пумысен огез Богданлэн кырӟанэзлы.

Вазь ӵукна ик султыса, вамыштӥмы поездэ.

Азамат пумитяз пӧсь табанен но турын-куар чаен. Куазь мар ке кадь ӝокыт, векчи чибинь ёрэ.
Мар ке пошло не так, ку Чудьялэн атаез жаляса, машинаен келяз милемыз Выль Шудьяозь. Пыдын ветлӥсьёс, блин.
Выль Шудья - со бырись гурт, почти бырем. Каллен-каллен вуж коркаос выё писпуос пӧлы. Сюрес интые вож-вож гуждор будэ. Таняен Тихонова тырмыт погылляським турын вылын, вань сиреньёсты зынъяса, одуванчикъёсты пелляса. Наркоманский суред син азяды пуктӥды-а?
Собере бусы пыр потӥмы Сосновка гуртэ. Тожо бырись гурт.

Собере пыдын ик вуимы Варзибаше. Лилямы доры. Гуртазы тоже ужтэмасьёс кадь калгимы.

Адӟиське ини Усо палан пилемъёс сыло, гудыръяны но кутскиз. Лилялэн анаез часта машинаен келяз Кузёбаёзь.

Кузёбайтӥ мынам люгыт куазен пыдын ветлэме ик ӧвӧл кадь, чынзэ вераса. Вамыштӥмы Юля Шахтиналэн дораз. Отын милемыз Пелагея но возьма вал ини.

Пырим гинэ но жаль! карыса зорыны кутскиз. Озьы пукимы 9 час ӝытозь. Конечно, Усое сюрес алама луиз, конечно, ми нокытчы ӧм мынэ ни сре.

Юлялэн волшебной дораз пукимы. Может со туспуктылэмъёсыз пыр сыӵе волшебной кариз ртсэ но юрт котырзэ? Ачиз но ӟеч волшебница кадь, гань-гань милемыз чидаз. Пока зоре, нылъёс часта гинэ, Юлялэсь анайзэ раскрутили кырӟанъёс кырӟаны. Со угось, туж ӟеч кырӟа вашкала кырӟанъёсты, ненег. Туж умой сыӵе культураез валась адямиос гуртын вань шуыса.
Доразы куинь арган cылэ. Атайзы, пе, арганчи.

Окольной сюресэн дорам вуттӥзы ик. Сыӵе cекыт Усое вуыны, даже ку Кузёбаен Усо вискын 3 км.
В итоге оказалось, что Усоын ваньмыз вал мар кулэ вал клиплы. Но отчы  эшъёсы ӧз  вуэлэ.
Вуозы на, дыр, та гужем вискын. Трос мугез со понна


Йылпумъянъёс

Быдэс ар ужай школаын. Быдэс ар. Кужым быремын, потэ туж зол ял кареме.

Туж трос впечатлениос, эмоциос. Cекыт сое вераны ик.  Пумаз гинэ валай кадь, кыӵе ке аслым итог лэсьтӥ: дышетӥсьлэн туж бадӟым миссиез - адями будэтон. Та кылъёс мыным туж пафосноесь пото вал та дырозь.

Тон азьын будо адямиос, тон соослы визьнод сётӥськод. Куке но соос луозы юристъёс, яке дышетӥсьёс, яке врачъёс, яке ужбергатӥсьёс. Валаськод собере, дышетӥь - туж данлыко но туж cекыт уж.
Туж астэ быгатыса возьматоно соос азьын. Даже валаса, что ачид пичи нуны на. Ку пуксиськод ӝӧк вылэ но "ай, блин, мон же дышетӥсь!" шуыса, васькиськод обратно :)

Мынам аре ӟеч ортчиз. Незнай кыӵе муген, незнай мар мон сыӵезэ кари, что мыным сюриз туж усто класс. Усто анай-атайёсын, кудъёсыз юртто, визьнод сёто кулэ дыръяз. Сыӵе анай-атайёс сьӧрын борддор сьӧрын кадь ик.

Нылпиос но. Туж чуткоесь. Вань пӧлазы пӧртэмесь. Но соос ваньзы воспитанноесь. Кулэ дыръя мылкыдэз но ӝутыны быгато.

Тыршо куяны тунсыко учыръёс, кудъёсыз луизы монэн та cекыт но пайдаё ар куспын. Может со учыръёс дышетозы тӥледыз но малы ке.